اعاشتان ءتۇيىن تۇيگەن ازامات

  • كەلۋ قاينارى: ىلە گازەتى
  • 08:36:52 18/06/2015

 

    مايدانبەك قۇرماناقىن ۇلى 1962- جىلى قۇلجا اۋدانىندا تۋىلىپ، تاۋ ورمان مەكەمەسىنىڭ كادرى بولىپ قىزمەتكە تۇرىپتى. 1992- جىلى تاۋ ورمان مەكەمەسى ساياحات كاسىپورنىن قۇرعاندا ول قازاقى ساياحات بۇيىمدارىن جاساپ شەبەرلىگىن بايقاتىپتى. حانزۋ تىلىنە جۇيرىك سەگىز قىرلى، ءبىر سىرلى ازامات، كەيىن ۇكىمەت قىزمەتكەرلەرىن رەتتەۋ رەفورماسىن جۇرگىزگەندە تاۋ ورمان مەكەمەسىندەگى قىزمەتىنەن بوساپ، ءوز الدىنا كاسىپتەنىپتى.

    ول جاستايىنان ناعاشى اتالارى ناسىلبەك، دۇيسەنبەكتەردىڭ باۋلۋىمەن ونەرگە بەيىم بولىپ ەرجەتىپتى. ءبىر ءسوز كەزەگىندە ول: - ناعاشى اتام اعاششىلىق، تەمىرشىلىك، زەرىگەرلىك، قازاق ءۇي جاساۋ، تاعا - شەگە سوعۋ سياقتى جۇمىستارمەن اينالىسىپ اۋىلداستارىنىڭ قاجەتىن قاناعاتتاندىرىپ وتىراتىن. مۇنان تىس، ساياتشىلىق، قاقپان قۇرۋ، مەرگەندىك سياقتى ونەرلەردەن دە قۇرى جاياۋ ەمەس ەدى. ال ناسىلبەك ناعاشىم بىزبەن كورشى وتىراتىندىقتان، سول كىسىلەردىڭ ونەرىن ءوز كوزىممەن كورىپ ءوستىم، - دەدى ماكەڭ ءوزىنىڭ وسى ونەرگە قىزىعۋىنا ىقپال جاساعان ۇستازدارىن ساعىنا ەسكە الىپ.

    «اكە كورگەن وق جونار، شەشە كورگەن تون پىشەر» دەمەكشى ماكەڭنىڭ اعاششىلىق ونەرىنەن سىرت تەمىرشىلىك، تامىر ويماشىلىق، زەرىگەرلىك، سونداي - اق جاڭا زامانعا ساي ءۇي اشەكەيلەۋ، ءۇي سالۋ ونەرلەرىنەن دە حابارى بار ەكەن.

جاۋاپتى رەداكتور: گۇلدەن ماقسات قىزى