اعاشتان ءتۇيىن تۇيگەن ازامات

  • كەلۋ قاينارى: ىلە گازەتى
  • 08:36:52 18/06/2015

    ول كىسى 2010-جىلى قاتىناس شىرعالاڭىنا ۇشىراپ ەكى اياعى، سەگىز قابىرعاسى جانە ءتوس سۇيەگى سىنعان ەكەن، ۇدايى ەكى جىل شيپاحاناعا جاتىپ ەمدەلىپ ساۋىعىپ، جوعارعى ورىندار جاعىنان ساراپتالىپ 2-دارەجەلى مۇگەدەك بولىپ بەكىتىلىپتى. قازىر جالعاستى ەمدەلۋ ۇستىندە ەكەن. مىنە وسىنداي اۋىر ۋاقيعا ماكەڭنىڭ وتباسى تۇرمىسىن ەڭسەلەتسە دە رۋحى بيىك، جىگەرى ۇستەم ازامات جىعىلعان جەرىنەن قايتا تىك تۇرىپ، كاسىپ كوزىن ءوزىنىڭ بويىنا سىڭگەن اتالمىش قازاقى ونەرىنەن باستاۋدى ءجون ساناپتى. سودان قولىنا قايتا بالعا - شوتىن الىپ اۋىلداستارىنىڭ تاپسىرىسى بويىنشا ولاردىڭ قاجەتىنەن شىعىپ كەلىپتى. ماكەڭنىڭ شەبەرلىگىن ەستىگەن ىلە قازاق اۆتونوميالى وبلىستىق ايلى مۇراجايىنىڭ قوجايىنى ونى ىزدەپ بارىپ مۇراجايعا ات تەرىسىنەن قاپتالىپ، قايىڭنان جاسالعان قارشاڭعى، اسا تاياق جاساتسا، كەيىن تاعى ىزدەپ كەلىپ قازاقتىڭ «قۇربان ايت»، «ورازا ايت»، «ناۋرىز» سىندى ءۇش مەرەكەسىنىڭ باس قوسۋ ءداستۇرىن جاساپ بەرۋگە تاپسىرىس بەرەدى. ماكەڭ ءارى – ءسارى بولماستان، جۇمىستى دەرەۋ قولعا الىپ، قازاقى تۇرمىس-سالت استار ەتىپ بەينەلەنگەن مەرەكەلىك باس قوسۋدى اعاشتان ايتارلىقتاي جوبالاپ شىعادى. مىسالى، وسى مەرەكەگە ىستەتىلگەن ساماۋرىن، شەلپەك دەگەندەردىڭ ماتەريالىن اعاشتان ويىپ اينىتپاي جاساسا، ادامنىڭ ساقال - مۇرتى، شاشى، كيىم - كەشەگى دەگەندەردى دە جۇبايى توقتىگۇل مۇقامەتقان قىزى ءوزى تىگىپ، ادامداردىڭ قولىن يكەمدى ءارى قولدانىلمالى ەتىپ جاساپ، ايتقان ۋاقىتىندا ءبىتىرىپ بەرىپ، ولاردىڭ ۇلكەن ماراپاتى مەن ماقتاۋىنا جانە سەنىمىنە يە بولادى. ماكەڭنىڭ اتاعىن وسى اعايىندارىنان ەستىگەن ىشكى ولكەدەن كەلگەن قوجايىندار دا 10 عا جۋىق ايكەل جاساتىپ، ماكەڭنىڭ قولىنا اقشاسىن ۇستاتىپ تۇرىپ: «سەن ناعىز كوركەمونەرشى قازاق ازاماتى ەكەنسىڭ، ءبىز بۇنى ءبىرتالاي جەردە جاساتا الماعان ەدىك» دەپ العىستارىن جاۋدىرىپتى. مىنە وسىنداي مۇگەدەك بولسا دا ادال ەڭبەگىمەن جىلدىق كىرىسىن 50 مىڭ يۋاننان اسىرىپ، اۋىلدان اتتاپ شارتارپقا جانە اعا ۇلتقا تانىلىپ وتىرعان مايدانبەك اعانىڭ ونەر جولىنا ساتتىلىك تىلەي وتىرىپ، مۇنان كەيىن دە قازاقتىڭ ماقتانىشىنا اينالا بەرۋىنە، ەڭبەگىنىڭ جانا بەرۋىنە تىلەكتەستىك ءبىلدىرىپ اتتاندىق.

    باعداۋلەت باتىربەك ۇلى

    تولقىن جايىربەك ۇلى

جاۋاپتى رەداكتور: گۇلدەن ماقسات قىزى