احباراتشىلارعا ايتار ازىراق ءسوز

  • كەلۋ قاينارى: ىلە كەشى گازەتى
  • 04:34:23 06/07/2015

 ولاي بولسا، وسى ورايدا قوعامداعى تولعاقتى ۇرىمتال ماسەلەلەر جونىندە ءار تاقىرىپتا توعاناقتى وي ءتۇيىپ، ۇلكەن كوزقاراس كورسەتىپ جۇرگەن ءادىل سەمەيقان ۇلىنا، سونداي-اق باردى باعالاپ، مايەكتى ماقالالارىمەن ءمالىم بولىپ جۇرگەن قالياكبار ۇسەمقان ۇلىنا، قايسى ماقالاسىندا بولسىن ايتپاقشى ويىن مايىن تامىزىپ، مايدالاپ جەتكىزۋگە قۇلشىنىس جاساپ، اسىرەسە جاس بولسادا، قوعامنان، ومىردەن العان اسەرلەرىن ادەمى بەينەلەپ جۇرگەن ماقسات قيزات ۇلىنا، جازعان تۋىندىلارىنان تامشىدان تەڭىزدى كورەتىندەي، احباراتتىق اڭگىمە اكەسىنەن قالعان ەنشىدەي بولىپ جۇرگەن سەرىك ءسالىمجان ۇلىنا، قسقا حاباردىڭ وزىنەن قايماق تۇسىرەتىن مۇرات ىبىراي ۇلى، تولقىن قىزىر ۇلى، ت.ت لارعا ايىرىقشا راحمەت ايتقىمىز كەلەدى.

    ال «وچەرك قايدا» دەمەكشى، وچەرك تەك قايروللا بايانباي ۇلى اعامىزدىڭ عانا ەنشىسىنە بۇيىرعانداي-اق، ەشكىمنىڭ وعان ءجيى سوعۋىنا باتىلى بارماي جۇرگەن سەكىلدى. باتىلى بارا قالعان كۇننىڭ وزىندە، ناق وچەركتىڭ ءوزى ەمەس.ءبىز بۇلاي دەۋ ارقىلى تىلشىلەر ۇزبەي ۇزىن سونار ۇزاق ماقالا جازۋى كەرەك دەمەكشى ەمەسپىز. تەك ءار مەزەت كەزىگىپ جاتاتىن، بۇقارانىڭ مۇددەسىنە تىكە بايلانىستى بولعان كۇردەلى بولمىستاردىڭ كۇرمەۋى قالاي شەشىلگەندىگىن، بۇقارانىڭ مۇڭ - مۇقتاجىن، قوعامنان تۇيگەن ءتۇيسىك اسەرلەرىن جالپى جۇرتقا جاندى تۇردە اسەرلى بەينەلەپ جەتكىزسە، جەتەكشىلىك، تاربيەلىك ماڭىزى بارعان سايىن كۇشەيىپ، وقىرمان، تىڭدارماندارعا وي سالىپ تولعاندىرار ەدى. ال قىسقا دا نۇسقا حابارلارعا جاي قاراۋدىڭ ءوزى ۇلكەن جاۋاپكەرسىزدىك، ويتكەنى احباراتتىڭ دەنى قىسقا حاباردان كەلەدى، بىلاي ايتقاندا ءبىر اۋىز ءسوزدىڭ ءوزى دە جاندى، يلانىمدى بولعانى ءجون، قۇر سوزبەن قۇتىن قاشىرماي، وقىرمان، تىڭدارمانعا «جىلىگىن شاعىپ، مايىن الىپ بەرۋ» كەرەك. وتكەن جىلى ءمالىم ءبىر جەرگىلىكتى تەلەۆيزيا ءوندىرىس قىزمەت جيىنىنا قاتىناسقان 2-3 باسشىنىڭ ءسوزىن اتى -جونىمەن قازداي ءتىزىپ قالتىرماي جاريالاپ جاتىر، اينالىپ كەلگەندە ايتارى ءبىر اۋىز عانا قۇر ءسوز ەكەن، ءبۇيتىپ مىجۋدىڭ نە قاجەتى؟! «مىناۋ جيناعان جەم -ءشوبىڭىزدىڭ مالعا نە پايداسى بار؟» دەپ سۇراپ جاتقان «تالانتتى» تىلشىلەر دە كەزىكتى، بۇعان نە دەرسىڭ؟ قاي جىلى تاعى دا راديو ستانسياسىنىڭ ءبىر حابارىندا، ءمالىم باسشىلاردىڭ شاعان مەرەكەسى بايلانىسىمەن ءۇرىمجى قالاسىندا تۇراتىن ءارقايسى سالادا قىزمەت ىستەگەن جۇمىسشى - قىزمەتشىلەردەن حال سۇراۋ حابارىن «قىستىڭ قاقاعان سۋىعىنا قاراماي حال سۇرادى» دەلىنگەن.

جاۋاپتى رەداكتور: بەرىك وقاباي ۇلى