احباراتشىلارعا ايتار ازىراق ءسوز

  • كەلۋ قاينارى: ىلە كەشى گازەتى
  • 04:34:23 06/07/2015

 مۇندا قاقاعان سۋىق بولعان سوڭ قىس ەكەنى بەلگىلى، ال قاقاعان سۋىققا قاراماي دەگەندە باسشىلار نەگىزگى ساتىنى ارالاپ جۇرسە ءبىر ءسارى ەدى، حال سۇراعان جەر ءۇرىمجى قالاسى، سول كەزدە ءۇرىمجى ونداي سۋىق ەمەس، نولدەن تومەن 20 نەشە سەلتسي گرادۋس اينالاسىندا، كۇن اشىق بولاتىن. ەندەشە، قىس بولسا «قاقاعان سۋىققا»، جاز بولسا «شىجىعان ىستىققا قاراماي» دەگەن جاتتاندى ءسوزىمىزدى جازعان سىزعانىمىزدىڭ بارىنە جاپسىرا بەرۋمەن نە تىندىرامىز؟! اۋەلى دەسەڭ بوسپە بىرەۋلەردىڭ ەش قيسىنى جوق جالعان حابارلارى دا جارىق كورىپ ءجۇر، اينالىپ كەلىپ احبارات يلانىمدى بولماعان جاعدايدا وقىرمان، تىڭدارماندارعا اسەرى باسقاشا بولىپ قالادى، سەزگىر بولۋىمىز كەرەك.

    سەزگىرلىك، بايقاعىشتىق تىلشىلەردە ءسوزسىز بولۋعا ءتيىستى قاسيەت. شىنى كەرەك، كەيبىر تىلشىلەر جازارعا حابار ماقالا تابا الماي جۇرسە، كەيبىر تىلشىلەر العان-تۇيگەن دۇنيەلەرىن جازۋعا ۋاقىت تابا الماي جۇرەدى، مىنە بۇل احباراتتىق سەزگىرلىكتەگى پارىق. بۇرىنىراق ءمالىم ماتەريالدان مىناۋ ەسىمدە قالىپتى: ەرتەدە رەسەيلىك ءبىر ءتىلشى تومەندە بولىپ جاتقان ءمالىم قيمىلعا تىلشىلىككە بارا جاتقان جولىندا، شاشىراي جايىلىپ جۇرگەن قويلاردىڭ الدىن قايىرماقتاپ قويىپ، ماڭىندا باقىلاپ-باعىپ جۇرگەن ءيتتى كوزى شالادى، قايتارىندا الگى «قويشى ءيتتى» تاعى كورەدى. بۇدان ءبىر سىردى سەزە قالعان ءتىلشى باسقا قاربالاس جۇمسىتارىن قايىرىپ قويىپ، قوي يەسىن ىزدەپ تاپقان. ناتيجەدە «شومبال شوپان»، «الىپسوق امان بولسا، ءبىز الاڭسىزبىز»، «ءيت تە بولسا. . . » سياقتى جۇرت جۇرەگىنە ۇيالاي كەتەر ۇلاسپالى ماقالا، اڭگىمەلەر جازعان. ارينە، قاعىلەز تىلشىلەر اۆتوبۋزدىڭ ءىشى، داستارقاننىڭ باسى بولسىن، وي كوزىمەن ماڭايىن بارلاپ شولىپ، ءبىر قۇلاعى جاڭالىققا ءتۇرىك وتىرادى، ال كەيبىر تىلشىلەر تىلشىلىك ىستەپ باراتىن جەردى عانا كوزدەيدى، باسقا ۋاقىتتارىن ويىن نەمەسە ۇيقىمەن بوس وتكىزەدى، ماقساتى مىندەت ورىنداۋ عانا، ارتىق ەڭبەككە زاۋقى سوقپايدى.

جاۋاپتى رەداكتور: بەرىك وقاباي ۇلى