ءبي-شەشەندەر باتاسى

  • كەلۋ قاينارى: ىلە كەشى گازەتى
  • 06:39:11 25/01/2016

    قارا ءبيدىڭ باتاسى

    قوشقار ۇلى جانىبەك ون ءۇش جاسىندا قارا بيگە بارىپ باتاسىن الماقشى بولىپ جولعا شىعادى. ءبىراق ونىڭ ءساتى تۇسپەي، جاۋگەرشىلىك باستالىپ، ۇلكەن سوعىستىڭ اراسىنان وتە المايتىن بولعان سوڭ كەرى قايتادى. سودان ارادا ءۇش جىل ءوتىپ، ول ون التى جاسقا شىعادى، سوعىس تا اياقتالادى، قارا بيگە كەلىپ سالەم بەرەدى. قارا ءبي ونىڭ سالەمىن قابىلداپ تۇرىپ:

    -ءاي، مەن سەنى وسىدان ءۇش جىل بۇرىن كۇتىپ ەدىم، سوندا نەگە كەلمەدىڭ؟-دەپ سۇرايدى. جانىبەك بولعان وقيعانى ايتادى.

    - ە، وندا ءجون باسقا،-دەيدى قارا بي، - مەندە قانداي بۇيىمتايىڭ بار؟

    -ونى ءوزىڭىز دە بىلەسىز، ماعان كەرەگى ءسىزدىڭ باتاڭىز، - دەيدى قوشقار ۇلى جانىبەك. سول كەزدە ءبي قولىن جايىپ:

    -بەدەرى جوق قىلقادان،

    بەرىك توقىلعان ءبوز ارتىق.

    بىرلىگى جوق تۋىستان،

    بەرىك سويلەسكەن جات ارتىق.

    پايدانى الىستان قىلعايسىڭ،

    زالالدى جاقىننان قىلعايسىڭ.

    تاپقان دا ءىنىنىڭ اينالاسىنا وتتامايدى،

    ونى دا ەسىڭە العايسىڭ،

    ءاۋمين، اللاۋھۋاكبار! -

    دەپ باتاسىن بەرىپتى.

جاۋاپتى رەداكتور: بەرىك وقاباي ۇلى