"انا قادىرىن بىلمەيتىن اۋىلدان مەن ءدام تاتپايمىن"

  • كەلۋ قاينارى: ىلە كەشى گازەتى
  • 08:16:37 09/03/2016

  

  ەل اۋزىندا قارا قىلدى قاق جارعان تۋراشىلدىعىمەن ەستە قالعان نار دەگەن ءادىل ءبي بولعان دەسەدى. ءبىر جولى سول نار ءبي جول ءجۇرىپ، جولداعى اۋىلداردىڭ بىرىنە سوعادى. قازاق ول زاماندا تاڭ سارىدەن تۇرىپ، مالىن ورگىزىپ، قوراسىن سىپىرىپ، اتىن ەرتتەپ بولىپ قانا ەرتەڭگى شايعا وتىراتىن. نار ءبي دە وزگەلەردەن بۇرىن تۇرىپ، مال ورگىزىپ تىستا جۇرسە، كورشى اۋىلدىڭ ءبىر ەركەگى ايەلىن شىڭعىرتا ساباپتى.

    – ەي، ورازاسىن اشپاستان ايەلىن ۇرىپ جۇرگەن قانداي اقىماق؟ – دەيدى نار شوشىنا.

    – ە، بيەكە، الگى وزدەرىڭىزدىڭ كۇيەۋلەرىڭىز عوي.

    – ونىڭ بالالارى بار ما ەدى؟ – دەپ سۇرايدى نار.

    – كوگەن كوز جەتى-سەگىز بالاسى بار.

    مۇنى ەستىگەن ءبي دەرەۋ سول اۋىلدىڭ قارياسىن شاقىرتىپ: «ايەلدى ەركەلەت، ول سەنىڭ جۇبايىڭ، بالاڭدى ەركەلەت، ول سەنىڭ ۇرپاعىڭ. ايەلدى سوزبەن جىقپاي، تاياقپەن جىعۋ – ءار جامان ەركەكتىڭ قولىنان كەلەدى. اقساقال، تەنتەگىڭە مەن قولىمدى بىلعامايىن، تيىمدى ءوزىڭىز سالىڭىز» دەپ شوگىپ وتىرا كەتەدى.

    … ءتۇس قايتا نار بي اۋىلدان اتتانار تۇستا جاڭاعى قاريا: «بيەكە، ءبىزدىڭ اۋىلدان دا ءدام تاتا كەتىڭىز» دەپ الدىنان شىعادى. سوندا نار ءبي:

    - انا قادىرىن بىلمەيتىن اۋىلدان مەن ءدام تاتپايمىن،-دەپ اتىنىڭ باسىن ءوز اۋىلىنا قاراي بۇرعان ەكەن.

    (ماتەريالدان)

جاۋاپتى رەداكتور: جازيرا بولاتباي قىزى