ليمون قوسىلعان سۋدىڭ دەنساۋلىققا پايداسى

  • كەلۋ قاينارى: ءتاڭىرتاۋ تورابى
  • 05:10:40 14/04/2016

 

    ليمون قوسىلعان سۋدىڭ اعزامىزعا پايدالى ەكەنى بۇعان دەيىن دە ايتىلعان. ونى دايىنداۋ جولى دا وتە قاراپايىم.

    سونىمەن، ليمون قوسىلعان سۋدىڭ ءبىرقاتار پايداسىن وقىرمان نازارىنا ۇسىنامىز.

    1. يممۋندىق جۇيەڭىزدى قاتايتادى. ليمون س دارۋمەنى مەن كالييگە وتە باي. ول جۇيكە جۇيەسى مەن ميدىڭ قىزمەتىن جاقسارتىپ، قان قىسىمىن قالىپقا كەلتىرەدى.

    2. ليمون قىشقىلى ءسىلتىلى بالانستى دا رەتتەيدى.

    3. ارتىق سالماقپەن كۇرەسۋگە كومەكتەسەدى. ويتكەنى، ونىڭ قۇرامىندا قانداعى قانت مولشەرىن دۇرىستايتىن پەكتين بار. ول قارنىڭىزدىڭ اشقانىن كوپكە دەيىن بىلدىرتپەيدى. سوندىقتان، ءسىلتىلى ديەتانى ۇستايتىن ادامدار باسقالارعا قاراعاندا الدەقايدا تەز ارىقتايتىنى دالەلدەنگەن.

    4. ليمون قوسىلعان سۋ اس قورىتۋ جولدارىن جاقسارتادى. سەبەبى، باسقا فەرمەنتتەرمەن دە ارەكەتكە ءتۇسىپ، اسقازان ءسولىن تەجەيدى. ال جىلى سۋ ىشەك- قارىن جولدارىن تازالايدى.

    5. تەرىڭىزدىڭ تارتىمدى بولۋىنا سەپتىگىن تيگىزەدى. ليمون قۇرامىنداعى س دارۋمەنى اعزانىڭ ىشىنەن تەرىنى جاسارتادى. سول سەبەپتى ليمون قوسىلعان سۋ ءىشۋ ارقىلى ءسىز كوپكە دەيىن قارتتىقتى ۇمىتاسىز. وعان قوسا ءتۇرلى بەزەۋ، قارا داق سەكىلدى كوزگە تۇرپايى كورىنەتىن نۇكتەلەردەن قۇتىلاسىز. ليمون قوسىلعان سۋ وتقا كۇيىپ قالىپ، دەنەڭىزگە تىرتىق تۇسسە دا ونى كەتىرۋگە كومەكتەسەدى.

    6. ليمون - ەڭ مىقتى انتيوكسيدانت. ال ونى سۋعا قوسىپ ىشسەڭىز، زات الماسۋ پروتسەسىن جاقسارتىپ، اعزاڭىزدى بوس راديكالداردان قورعايسىز. حولەستەرين مولشەرىن تومەندەتىپ، يممۋندىق جۇيەنى قاتايتادى.

    7. ليمون قوسىلعان سۋ قانىڭىزدى تازالايدى. سونىمەن بىرگە، قان تامىرلارى مەن كۇرەتامىردى دا تازالاۋعا كومەكتەسەدى جانە قان قىسىمىن تومەندەتەدى.

    بۇل سۋسىن ارقىلى ءتۇرلى اۋرۋدىڭ الدىن الۋعا بولادى. ءتىپتى قاتەرلى ىسىككە دە قارسى توتەپ بەرە الاسىز. ەڭ باستىسى، كاسىبي ماماندىردىڭ ايتقان ءتارتىبى بويىنشا ىشكەن دۇرىس.

جاۋاپتى رەداكتور: بەرىك وقاباي ۇلى