بۇلدىرگەن جەسە ءتىس اعارا ما

  • كەلۋ قاينارى: ىلە كەشى گازەتى
  • 04:10:06 10/05/2016

 

    ءتىستىڭ سارعايۋىندا تومەندەگىدەي ەكى ءتۇرلى سەبەپ بولادى: ءبىرىنشى، پيگمەنت سياقتى سىمىرىلەتىن زاتتار ءتىستىڭ سىرتقى بەتىندە جۇمساق تۇنبا قالىپتاستىرىپ، سوڭىندا ءتىستى سارعايتادى؛ ەكىنشى، ءتىستىڭ جەتىلۋ بارىسىندا ازىقتىق جەتپەۋ، ءدارىنىڭ اسەرى، سۋسىندىق سۋدا فتوردىڭ كوپ بولۋى سياقتى سەبەپتەردەن دە ءتىس سارعايادى. ءتىس قىزىليەك اۋرۋى نەمەسە ءتىس ەتىنىڭ ولەتتەنۋى دە ءتىستىڭ ءتۇسىن سارعايتادى نەمەسە قارايتادى.

    بۇلدىرگەندە جەمىس – جيدەك قىشقىلى مول بولادى. مۇنداي ءالسىز قىشقىل ءتىستىڭ سىرتقى بەتىندەگى تۇنبا قىشقىلمەن بىرىككەننەن كەيىن ىدىرايدى. بۇلدىرگەن تۇتىنسا، جەمىس – جيدەك قىشقىلى ءتىستىڭ سىرتقى بەتىندەگى جابىسقان زاتتاردى تازالاۋ رولىن اتقارادى. ءتىس اۋرۋلار مامانى تيان يۇي بىلاي دەدى: «بۇلدىرگەندى ەزىپ، تۇز ارالاستىرىپ، ءتىس پاراشوگىمەن بىرگە ايىنا بىردە ەكى رەت ءۇش مينۋتتان بەس مينۋتقا دەيىن ءتىستى شوتكىلەسە، ءتىستى اعارتۋ ماقساتىنا جەتۋگە بولادى. بۇدان سىرت، الما، ماندارين جانە ليمونداعى جەمىس قىشقىلى تابيعي ءتىس اعارتۋ رولىن اتقارادى. بالدىركوك، شومىر سياقتى تابيعي جاسىل ونىمدەردە تىستەگى جابىسقان قالدىق زاتتاردى تازالاۋ رولىن اتقارا الادى».

    اۋدارعان سەرىك سابىر ۇلى

جاۋاپتى رەداكتور: بەرىك وقاباي ۇلى