ادام وسەك ايتۋدى بالاباقشاداعى كەزىنەن باستايدى

  • كەلۋ قاينارى: ءتاڭىرتاۋ تورابى
  • 04:58:10 16/05/2016

 

 

    گەرمانيا عالىمدارى بالالار وسەك ايتۋدى بالاباقشاداعى شاعىنان باستايدى دەگەن تۇجىرىم جاسادى.

    زەرتتەۋ قورىتىندىسى British Journal of Development Psychology جۋرنالىندا جاريالاندى.

    لەيپتسيگتەگى ماكس پلانك قوعامىنىڭ ەۆوليۋتسيالىق انتروپولوگيا ينستيتۋتىنىڭ قىزمەتكەرلەرى وسى ماقساتتاعى تاجريبەگە 3-5 جاستاعى بالالاردى قاتىستىردى. ءار جاستاعى توپقا ەكى قۋىرشاقتان بەرىپ ويناتقان. ءار قۋىرشاقپەن ويناۋ بارىسىندا بالالار ونىمەن تيىن الىسىپ ساۋدالاسقان. ءۇش جاستاعى بالالار قۋىرشاقتارىنىڭ «ارەكەتتەرىن» 23 پايىز جاعدايدا سۋرەتتەپ بەرسە، ال بەس جاستاعى بالالاردا بۇل كورسەتكىش 54 پايىزعا جەتتى.

    زەرتتەۋدىڭ ازدىعىنان بالالاردا وسەكتەۋ شامامەن ون جاستان باستاپ قالىپتاسا باستايدى دەپ سانالىپ كەلگەن.

    وسىلايشا، عالىمدار ادامنىڭ الەۋمەتتىك ورتاداعى ارەكەتى رەتىندە سىنعا الىناتىن اسپەكتىنىڭ ءبىرى - وسەك ايتۋ ەرتە ساتىدا باستالادى دەگەن تۇجىرىمعا كەلدى. ولاردىڭ پىكىرىنشە، بۇل كەزەڭ بالالاردىڭ ءوزىنىڭ ءوز پىكىرىن قالىپتاستىرۋ قابىلەتىنىڭ دامۋىنا بايلانىستى.

جاۋاپتى رەداكتور: بەرىك وقاباي ۇلى