وبلىسىمىزدان ءۇش قالامگەر «اقساي» ادەبيەت سيلىعىنا يە بولدى

  • كەلۋ قاينارى: ىلە گازەتى
  • 05:04:39 25/08/2016

 

 

    ءتىلشىمىز تۇردان جاناقىن ۇلى حابارلايدى. جۇڭگو از ۇلت جازۋشىلار قوعامى مەن اقساي قازاق اۆتونوميالى اۋداندىق ۇكىمەتتىڭ باس بولىپ، «ۇلتتار ادەبيەتى» جۋرنالى سەلبەسىپ وتكىزگەن 2–كەزەكتى «اقساي» ادەبيەت سيلىعىنا وبلىسىمىزدان ءۇش ادام يە بولدى.

    ۇعىسۋىمىزشا، «اقساي» ادەبيەت سيلىعى ۇستەگى جىلى ناۋرىزدان باستاپ شىعارما قابىلداپ، مامىردىڭ 30–كۇنىنە دەيىن ءتۇرلى جانرداعى 126 شىعارما تاپسىرىپ العان. باعالاۋشىلار العاشقى باسقىشتا سارالاۋ ارقىلى 114 تۋىندىنى جالپى باعالاۋعا قاتىناستىرۋدى ءجون كورگەن. «ارىس» سيلىعى، «دارىن سيلىعى»، «التىن كوپىر» سيلىعى جانە «تىڭ تەبىن» سيلىعى سىندى ءتورت ءتۇر بويىنشا تاراتىلاتىن «اقساي» قازاق ادەبيەتى سيلىعىنىڭ وسى كەزەگىندە 9 قالامگەر سيلاندى. وبلىسىمىزدان ايگىلى جازۋشى ورازحان احىمەت ۇلىنىڭ «امانات» رومانى (ءۇش تومدىق) «ارىس» سيلىعىن الدى. بىلىسبەك ءابدىرازاق ۇلىنىڭ «اققۋدىڭ كوز جاسى» دەگەن جىر جيناعى، قىرباق نۇرعالي ۇلىنىڭ «اق ءبورى نەگە ۇليدى» رومانى (ءۇش تومدىق)، ءانۋار نۇرعازى ۇلىنىڭ «باقىت بەسىگى» اتتى شىعارماسى، اسان ابەۋ ۇلىنىڭ «قازىرگى قازاق ادەبيەتىنىڭ دامۋ جاعدايى» اتتى عىلمي ماقالاسى «دارىن» سيلىعىنا يە بولدى.

جاۋاپتى رەداكتور: جازيرا بولاتباي قىزى