حالىق ونەرپازى - اباقباي يمانبەك ۇلى جونىندە

  • كەلۋ قاينارى: ىلە گازەتى
  • 04:24:12 31/03/2017

    ونەرپازدىڭ وسى ءبىر ونەردەگى جەتىستىكتەرىن الىس–جاقىننان ەستىپ، ءبىلىپ، ءىشىنارا ەڭبەكتەرى جونىندە قاتىستى ورىنداردىڭ ءناسيحاتتاعان شاعى دا بولدى. 2012–جىلى ىلە تەلەۆيزياسىندا، 2013–جىلى توعىزتاراۋ تەلەۆيزياسىنىڭ «تىڭ تىنىس» باعدارلاماسىندا ارناۋلى تانىستىرىلدى. بايسۇلتان نۇپتەبەك ۇلىنىڭ تىلشىلىك جاساۋىندا تاتتىمبەتتىڭ «قوس باسارى»، سۇگىردىڭ «تەلقوڭىرى»، ءوزىنىڭ «ءومىر تولعاۋى»، «ارمان» اتتى ەكى كۇيى؛ وبلىستىق جىر مۇشايراسىندا ۇزدىك سيلىققا يە بولعان قاسەننۇر سۇلتان ۇلىنىڭ «وتان –وتباسىم» اتتى تۋىندىسىن ءماتىن ەتكەن تەرمەسى 2015–، 2016–جىلدارى ىلگەرىندى –كەيىندى شينجياڭ حالىق راديوسىندا جاريالاندى. 2016–جىلى ماۋسىمدا شينجياڭ تەلەۆيزياسى «بايتەرەك» ايدارشاسى ارقىلى 3–جانە 8–ارنادا اباقبايدى حالىق ونەرپازى رەتىندە ارناۋلى تانىستىردى. مىنە بۇلار احپارات كوزدەرى ارقىلى اباقبايدىڭ ءىشىنارا ەڭبەكتەرىنىڭ جۇرتقا جاريا ەتىلۋى ەدى.

    اباقباي ءوزى حالىق اراسىنا تانىمالى ونەر يەسى بولۋمەن بىرگە، ونەر ۇيرەنگىسى كەلەتىن جاستار مەن وسپىرىمدەرگە ونەر ۇيرەتۋگە، ءجون كورسەتۋگە اسا پەيىلدى بولدى. 1982–جىلدان بەرى ءبىرتالاي شاكىرتتەر تاربيەلەگەن. نۇرلان اجى ۇلى، تۇراربەك ياسىنبەك ۇلى، ريزابەك تولەۋبەك ۇلى، سالىقجان كادىرجان ۇلى، جارقىن ۇزاق ۇلى، اسان جانداۋلات ۇلى قاتارلى شاكىرتتەرى بۇل كۇندەرى ەل كوزىنە تانىلىپ ەداۋىر جەتىلىپ كەلەدى. مۇندا نۇرلان قاتارلى ءىشىنارا شاكىرتتەرى اباكەڭنىڭ كۇيلەرىن ورىنداپ، شەبەرلىگىنەن ۇلگى الىپ جالعاستىرىپ جۇرسە، ەندى ءبىر بولىمدەرى، ونەردىڭ باسقا قىرلارىنا قاراي قانات قاقتى، بۇلاردىڭ كەيبىرەۋلەرى اقپارات قۇرالدارى ارقىلى ارناۋلى تانىستىرىلىپ تا كەلەدى. وبلىستىق، اۋداندىق تەرمە جارىستارىنىڭ تالاي رەتكى جۇلدەگەرى نۇرلان اجى ۇلىنىڭ كەزىندە جارىق كورگەن «ءسىز بەن ءبىز» اتتى تەرمە تاسپاسى جۇرتتىڭ جاقسى اڭىسىن قوزعاعان.

    وزىندە باردى ەلگە ارناپ، بەيبىت زاماننىڭ جىرشىسى، حالىقتىڭ قالاۋى بولعان ونەر ادامدارى قاشان دا بولسىن قادىرلەنۋگە ءتيىس. اباقباي ءتۇرلى تەرمە، تولعاۋلاردى جۇرت جۇرەگىنە جەتكىزىپ ورىنداپ بەرۋمەن بىرگە، ءوزىنىڭ دە ولەڭ–جىر، تەرمە–تولعاۋ سىندى جانرلاردا جازىپ –سىزاتىن تالانتى جايىندا دا ايتا كەتۋ دە كەرەك سەكىلدى. سولاردىڭ ىشىندە ءساتتى شىققان ءبىرى، اۆتوردىڭ ءوزى بەلگىلى سارىندى اۋەنمەن ورىنداپ جۇرگەن «ىرىستى ىلە» تولعاۋى. تولعاۋدىڭ ولەڭدىك قۇرىلىمىنان، مازمۇندىق مانەرىنەن العاندا ەركىن كوسىلگەن بايىرعى جىراۋلاردىڭ جىر كەستەسىندەي كەيبىر ەرەكشەلىكتەر ەسىڭىزگە ورالادى، تۇسىنىكتى بولۋ ءۇشىن تولعاۋدى تولىعىمەن بەرۋدى ءجون كوردىك.

    «ىرىستى ىلە»

    ازىراق سويلەپ، تولعايىن،

    ىلەنىڭ بايلىق ىرىسىن.

    كورمەگەندەر تاڭعالىپ،

    كەۋدەدەن السىن تىنىسىن.

    بالىعى سۋدا تۋلاعان،

    اققۋ–قازى قيقۋلاپ،

جاۋاپتى رەداكتور: جازيرا بولاتباي قىزى