ەكى ءتۇرلى شاي ىستىقتى قايتارىپ، مازاسىزدىقتان ارىلتادى

  • كەلۋ قاينارى: ىلە گازەتى
  • 04:00:16 11/07/2017

    شىلىڭگىر ىستىقتا ادامدار مازاسىزداناتىنى تابيعي. ءتىپتى، كەيبىرەۋلەر شارشاعانداي سەزىنىپ، ۇيقى باسىپ، تاماققا تابەتى تارتپايدى.

    جۇڭگوشا شيپاگەرلىكتە: جازدا جۇرەكتى قورعاۋعا كوڭىل ءبولۋ كەرەك، جەڭىل ءارى ءتىل ۇيىرەتىن، ىستىقتى قايتارىپ، مازاسىزدىقتان ارىلتاتىن ازىقتىقتاردى كوبىرەك تۇتىنۋ كەرەك دەپ قارالادى. تومەندە ىستىقتى قايتارىپ، مازاسىزدىقتان ارىلتاتىن ەكى ءتۇرلى شايدى تانىستىرامىز.

    ءلالاگۇلى شايى (百合花茶). مۇندا ءبىر كىشكەنە قاسىق ءلالاگۇلى شايىنان ستاكانعا سالىپ، وعان قايناپ تۇرعان سۋدى قۇيىپ، 3 مينۋت بىقتىرىپ قويىپ ءىشۋ كەرەك.

    بۇل شاي ىستىقتى قايتارىپ، مازاسىزدىقتان ارىلتىپ، جۇرەكتى تىنىشتاندىرىپ، وكپەنى مايدالاپ، اسقازان اۋىرعاندى باسەيتىپ، جازدا ۇنەمى كورىلەتىن مازاسىزدانۋ، جۇرەك قىسىلۋ سياقتىلاردى بەلگىلى دارەجەدە جەڭىلدەتەدى. بۇدان تىس، مۋدان گۇلىنىڭ تۇينەگىنەن ەكى تالدى بىرگە بىقتىرىپ ىشسە دەنساۋلىققا ءتىپتى دە پايدالى بولادى. ويتكەنى مۋدان گۇلىنىڭ قاندى جاقسارتىپ، باۋىردى كۇتىمدەيتىن رولى بار. قان اينالىسىن جاقسارتىپ، جوعارى قان قىسىم اۋرۋىنان ساقتايدى.

    كۇرەڭكەي گۇلى شايى (洋甘菊花茶). مۇندا ءبىر كىشكەنە قاسىق كۇرەڭكەي گۇلى شايىن ستاكانعا سالىپ، وعان قايناپ تۇرعان سۋدى قۇيىپ، 3–5 مينۋت بىقتىرىپ، گۇل قالدىعىن الىپ تاستاپ تۇتىنۋ كەرەك.

    بۇل شاي بۇلشىق ەتتى مايدالاپ، مازاسىزدىقتان ارىلتىپ، ۇيقىسىزدىقتان، ءىش قاتۋدان ساقتايدى. تاماقتان كەيىن جانە ۇيىقتاۋدىڭ الدىندا ىشۋگە وتە باپ كەلەدى.

    كوڭىل بولەتىن ءبىر ءجايت، بۇل ەكى شايدى بىقتىرۋ ءادىسى باسقا شايدى بىقتىرۋ ادىسىمەن ۇقساس، ءار رەتتە 2–3 رەت بىقتىرىپ، ءدامى قالماعان كەزدە توگىپ تاستاسا بولدى، ءتۇن اسقاننان كەيىن ىشۋگە بولمايدى.

حانزۋشادان اۋدارعان:  شۇعىلا لاشىن قىزى

جاۋاپتى رەداكتور: جازيرا بولاتباي قىزى