بالانى بابىمەن باۋليىق

  • كەلۋ قاينارى: ىلە كەشى گازەتى
  • 05:22:47 16/07/2017

    ۇرپاق-ءومىردىڭ جالعاسى، ۇرپاق بولعاندا عانا ارمان-تىلەگىمىز ۇرپاقتان ۇرپاققا جالعاسىپ، ءۇمىت الاۋىن بولاشاققا جالعاۋعا بولادى. سوندىقتان دا ۇرپاقتى تاربيەلەۋدىڭ ءوزى ءبىر بايلىق بولماق.

    اتا-انا بالاسىنىڭ ءوز قۇربىسىنىڭ الدى، ءومىر جولىنىڭ داڭعىل بولۋى ءۇشىن، اسپانداعى ايدى الىپ بەرۋگە دە دايىن.

    ءبىز ۇنەمى «بارلىعى بالا ءۇشىن» دەيمىز، بالانىڭ زاتتىق قاجەتىن ءار ۋاقىت قاناعاتتاندىرىپ وتىرامىز، الايدا، ءبىز بالاعا نەنىڭ قاجەت ەكەنىن ەسكەرۋسىز قالدىرىپ جاتامىز.

    باستاۋىش مەكتەپ وقۋشىلارىن ءار اپتانىڭ سوڭىندا ءتۇرلى اۋەستىككە تاربيەلەۋ كلاسىنا تىزىمدەتىپ، ولاردى ۇلكەندەردەن بەتەر قاربالاسقا سالىپ قويامىز، الايدا، بالانىڭ بال داۋرەن بالالىق شاعىن ويران ەتىپ جاتقانىمىزدى ەسكەرمەيمىز؛ ايگىلى وقىتۋشى ۇسىنىس ەتىپ، جولىن تاۋىپ ءتۇرلى پىسىقتاۋ كلاستارىنا تىزىمدەتىپ جاتامىز. بۇل بالانىڭ وزدىگىنەن ۇيرەنۋ رۋحى مەن ۇيرەنۋ قىزعىندىلىعىن جەتىلدىرۋگە پايداسىز، كەرىسىنشە بالانى وقۋدان ىعىر عىپ، ۇيرەنۋدەن جالىقتىرادى...

    بالالىق مەزگىل-بالا ومىرىندەگى ەڭ ۇمتىلماس، قىمباتتى شاق ەكەنىن ەسكەرىڭىز، بالالىق شاق ادام عۇمىرىنىڭ العاشقى وركەن جايار ءساتى.باي مازمۇندى، كوڭىلدى بالالىق شاقتى وتكەرگەن بالانىڭ كوكەيىندە مول قىزىقتى ەستەلىكتەر قالادى.

    تەڭىزدىڭ سىرى تامشىدا دەگەندەيىن، وسىزامانعى زەرتتەۋگە نەگىزدەلگەندە، ادامنىڭ ءومىر جولىن قالاي باسۋى سول ادامنىڭ بالالىق داۋىرىندە قالىپتاسىترعان مىنەز - قۇلقىمەن تىكە قاتىستى ەكەن.

    دۇنيەدە كەزدەيسوقتىق بولمايدى، بارلىق ءىستىڭ باستاماسى بولادى. ول بولاشاقتاعى باعىت-باعدارىڭدى الدىن الا بولجاپ بەرەدى. ءبىر ادامنىڭ ءومىر جولىنداعى باعىت-باعدارىن ونىڭ وقىعان مەكتەبى ەمەس، كەرىسىنشە ونىڭ بالالىق شاعى بەلگىلەيدى.

    شىنتۋايتىندا، ۇرپاق ءۇشىن ناعىز بايلىق - باي مازمۇندى بالالىق شاق، ونى اقشامەن ساتىپ تا الا المايسىز.

    بالا كىشكەنتايىنان كىتاپتى سەرىك ەتۋگە ءتيىس

    «داۋىستاپ وقۋ قولدانباسىنداعى» ءبىر ابزاتس سوزدە: «سەندە تاۋسىلىپ بولمايتىن بايلىق، ساندىق - ساندىق التىن-جاقۇت بار بولسا دا، مەن سەكىلدى باي ەمەسسىڭ، ۇيتكەنى مەندە ماعان سەرىك بولىپ كىتاپ وقيتىن انام بار» دەلىنگەن.

    سۋ دۇڭپو 10 جاسىندا، اكەسى الەم كەزىپ ءىلىم قۋىپ كەتەدى، ال اناسى چىڭ شى سۋ دۇڭپونى كىتاپ وقۋعا تاربيەلەپ، ونى ارلى، ۇجداندى بولۋعا باۋليدى.

    وۋياڭ شيۋ 4 جاسىندا، اكەسى دۇنيەدەن وتەدى، وتباسى تۇرمىسى ناشار بولعاندىقتان، وقۋ ەمەس، قاعاز-قارىنداش تا الا المايدى ەكەن، الايدا ونىڭ اناسى ءشوپ شىرپىسىمەن جەرگە ءارىپ جازىپ، حات تانۋدى ۇيرەتكەن.

    وسىزامانعى جاسوسپىرىمدەر پسيحولوگياسىن دامىتۋ-زەرتتەۋدىڭ نەگىزىنە قاراعاندا، بالا زەردەسى دامۋ بارىسىندا ۇقساماعان ماڭىزدى كەزەڭدەردى باستان كەشىرەدى. مۇنىڭ ىشىندە، ءتىل ۇيرەنۋدىڭ سەزىمتال كەزەڭى 2 جاس اينالاسىندا جانە 3 جارىم جاستان 4 جارىم جاس ارالىعىنا دەيىن بولسا، ال، حات تانۋ بارىسىنداعى سەزىمتال كەزەڭى 4 جارىم جاستان 5 جارىم جاس اينالاسىندا بولادى ەكەن.

 

جاۋاپتى رەداكتور: جازيرا بولاتباي قىزى