ۋا، سۇيىكتى وتانىم

  • كەلۋ قاينارى: ىلە گازەتى
  • 10:49:40 30/09/2017

  ساۋ گۇيتيان

 

  قازان ايىندا بار الاپ التىن تۇسكە مالىنادى، ۇلى وتان شاتتىققا شومادى، ۋا، وتان، قۇزىرلى قازان ايىندا 68 جاسقا تولعان تۋىلعان كۇنىڭدى تاعى دا قۋانا قارسى الىپ وتىرسىڭ!

    قازان ايىندا كوك زەڭگىر اسپان كۇلىمدەپ، تۋلار جەلمەن تولقيدى. توپ–توپ بەيبىتشىلىك كوگارشىنى اسقاق ارمانىڭ مەن تاۋداي تىلەگىڭدى الىپ كوكتە سامعايدى! پا، شىركىن وتان، ارايلى 68 جىلدىعىڭدى تولاعاي تابىستارىڭمەن تاعى دا تويلاپ وتىرسىڭ مىنە.

    سوناۋ 1949–جىلى قازاننىڭ 1–كۇنى تيان–انمىن مىنبەسىندە ايباتتى دا اسقاق اۋەن جاڭعىرىپ، دۇنيەنى ءدۇر سىلكىندىردى، ۇلى جۇڭحۋا ۇلتى ەرلىكپەن ەڭسە كوتەردى. انە، سول اسقاق اۋەن ۇلان–بايتاق وتانىمىز قويناۋىن قۋانىشقا بولەپ، شاتتىق دابىلى شار تاراپتى جادىراتتى.

    1–قازان − سەنىڭ تۋىلعان كۇنىڭ. سۇيىكتى وتان، ارايلاپ اتقان تاڭمەن وزىڭە جايناعان شوق–شوق گۇل ۇسىنامىن. 1–قازان قاسيەتتى كۇن، ءدال بۇگىن وزىڭە جۇرەك جاردى جىرىمدى ارنايمىن. اناۋ ۇلى قورعان سەنىڭ سيمۆولىڭ، چاڭجياڭ مەن حۋاڭحى قوس كۇرە تامىرىڭ. انا وتانىم، بار ادالدىعىممەن وزىڭە باقىت تىلەيمىن! قازاننىڭ جانعا جايلى شۋاعى وسىناۋ كيەلى توپىراقتى ىرىس كەنىشىنە كەنەلتەدى. وتانىم دەپ سوققان ءاربىر جۇرەك ءدۇپىلى اتشا تۋلاپ، سەندە وتكەن ءاربىر كۇن شەكسىز باقىت سەزىلەدى. وتانىم مەنىڭ، سەن پەرزەنتتەرىڭنىڭ جۇرەگىندەگى ارۋ اناسىڭ.

    68 جىلدا قانشاما الماعايىپ اي–كۇندەر ءوتىپ، نەشەلەگەن تاڭ ارايلاپ اتتى دەسەڭشى؛ 68 جىلدىق عۇمىرىڭدا قانشالاعان اعىل–تەگىل جىر نوسەر بولىپ قۇيىلىپ، شۋاق بولىپ جۇرەكتەردى جىلىتتى، شىركىن!

    قازان ايىندا وتان گۇل–گۇل جايناپ، بار الاپ التىن دانگە تولىپ، 9 ميلليون 600 مىڭ شارشى كيلومەتر بايتاق دالاڭداعى ىنتىماعى جاراسقان 56 ۇلت تۋىلعان كۇنىڭدى قۋانا قۇتتىقتاعاندا تاۋ سىلەمدەرىڭ دە بۇرالا بيگە باسىپ، وزەن–كولدەرىڭ دە بۇيرا تولقىنىمەن ءان شىرقاعانداي سەزىلەدى ماعان.

    ۇلى دا ايبىندى قازان ايىندا ىرىستى دا ىرعىن وتان قۇشاعىندا حالقىڭ دوڭگەلەك داۋلەتتىلىككە نىق قادام تاستاپ، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىنا تالماي قانات قاعۋدا. وتانىمنىڭ قازان ايى، قازان ايىنداعى وتانىم نارت قىزىل شۇعىلا شاشۋدا. شىنجوۋ اتتى الەم كەمەسى جۇڭحۋا ۇلتتارىنىڭ قۇدىرەتتى ەل قۇرۋ ارمانىن الىپ كەڭىستىكتە سامعادى. بيىل سەل–نوسەر اپاتى تۋىلعاندا وتانىم مەن حالقىم اپات تۋىلعان رايونداعىلاردىڭ قامىن ويلاپ قامىعىپ، جارعاق قۇلاعى جاستىققا تيمەي قارمانىپ، شەكسىز سۇيىسپەنشىلىكتىڭ جان سۇيىندىرەر جىرىن جازدى. بۇگىنگى شىعىستاعى وسىناۋ الىپ ەل ۇلكەن ءۇمىت، اسقاق ارمان ارقالاپ ءتىپتى دە بيىكتى كوزدەپ، اناعۇرلىم الىستى بەتكە الىپ، سالقار ساپارعا اتتاندى.

جاۋاپتى رەداكتور: جازيرا بولاتباي قىزى