كۇنىنە ءبىر تال بانان جەپ تۇرسا جۇرەك اۋرۋى مەن ميعا قان قۇيىلۋدىڭ الدىن الادى

  • كەلۋ قاينارى: ىلە گازەتى
  • 04:12:54 07/11/2017

  

 

    ادامدار ۇنەمى «كۇنىنە ءبىر تال الما جەپ تۇرسا، اۋرۋ–سىرقاۋدان اۋلاق بولاسىڭ» دەيدى. ا ق ش الاباما ۋنيۆەرسيتەتىنىڭ ءبىر جاڭا زەرتتەۋ ناتيجەسىنەن كۇنىنە ءبىر تال بانان نەمەسە مايلى المۇرت (牛油果)جەپ تۇرسا جۇرەك اۋرۋى مەن ميعا قان قۇيىلۋدان ساقتانۋعا بولاتىندىعى كورسەتىلگەن.

    بۇرىنعى زەرتتەۋلەردەن ارتەريانىڭ قاتايۋى ادامداردىڭ جۇرەك اۋرۋىنىڭ قوزعالۋى مەن ميعا قان قۇيىلۋ حاۋپىن جوعارىلاتاتىندىعى كورسەتىلگەن بولاتىن. الاباما ۋنيۆەرسيتەتىنىڭ زەرتتەۋشىلەرى تىشقاندى ماي قۇرامى جوعارى ازىقتىقتارمەن ازىقتاندىرىپ، جۇرەك اۋرۋى حاۋپىنە كىرىپتار ەتكەن سوڭ تاجىريبە جاساپ، زەرتتەۋ جۇرگىزگەن. ولار ءاربىر تىشقانعا جوعارى، ورتا، تومەن دوزاداعى كاليدى جەكە–جەكە ىشكىزگەننەن كەيىن مىناداي تاجىريبە ناتيجەسىن بايقاعان: تومەن دوزالى كاليلى ازىقتىقپەن ازىقتاندىرىلعان تىشقاننىڭ ارتەرياسىنىڭ سوزىلعىشتىعى ەڭ ناشار، ال جوعارى دوزالى كاليلى ازىقتىقپەن ازىقتاندىرىلعان تىشقاننىڭ ارتەرياسى ەڭ جاقسى، ونىڭ ۇستىنە، ارتەريانىڭ قاتايۋىنىڭ قالپىنا كەلۋى دە جاقسى بولعان.

جاۋاپتى رەداكتور: گۇلدەن ماقسات قىزى