قۇدايبەرگەن انۋاربەك ۇلى: ءتىلشىمىن

  • كەلۋ قاينارى: ىلە گازەتى
  • 04:17:26 09/11/2017

ءتىلشىمىن اقپاراتتى كاسىپ ەتكەن،

جىلداردى قيلى–قيلى باسىپ وتكەن.

جول الىپ قالا–قىستاق، وتارلار مەن

ءشول دالا، اسقار شىڭنان اسىپ وتكەم.

 

سىرلاستىم جۇمىسشى–ديقان، باقتاشىمەن،

سىرلاستىم ينجەنەرمەن، شاحتاشىمەن.

سىرلاستىم عالىم، مامان، جاۋىنگەرمەن

سىرلاستىم قۇرىلىسشىمەن، جالىندى ەرمەن.

 

سىرلاستىم قالىڭ قاۋىم، قارتتارمەنەن،

سىرلاستىم اتويشىلدار–جاستارمەنەن.

سىرلاستىم ۇستازدارمەن، شاكىرتتەرمەن،

سىرلاستىم زامانامەن باقىت بەرگەن.

 

جازدىم مەن ۇنامدى ءىستى، شىندىقتاردى،

جازدىم مەن جاسىل ورتا، قۇمدىقتاردى.

بۇگىنگى رەفورما شۋاق بەرگەن،

جازدىم مەن دوڭگەلەك داۋلەت تۇرمىستاردى.

 

جازدىم مەن ۇلى وتاننىڭ نۇر–شۋاعىن،

جازدىم مەن ءار ۇلت حالقى ىنتىماعىن.

جازدىم مەن عىلىم–ونەر دامىعانىن،

جازۋعا ءبارىن جاقسى قۇلشىنامىن.

جاۋاپتى رەداكتور: جازيرا بولاتباي قىزى