قاجىرلى ەڭبەك ءتاتتى جەمىس بەرەدى

  • كەلۋ قاينارى: شينجياڭ گازەتى تورابى
  • 09:05:38 04/12/2017

    ەگىز ەكەۋى ءبىر ۋاقىتتا جوعارى مەكتەپ ەمتيحانىنا قاتىناستى. ناتيجەدە اعاسى جوعارى مەكتەپتىڭ شاقىرتۋىن تاپسىرىپ الدى، ال ءىنىسى 2 نومىرلىك پارىقپەن ەمتيحاننان وتپەي قالدى.

    ەگىز ەكەۋىنىڭ ءوڭ - تۇرقى اينا - قاتەسىز بىردەي بولعانىمەن، مىنەز - قۇلقى ەكى باسقا. اعاسى ادال، اق كوڭىل، كەم ءسوزدى بولسا، ءىنىسى شيراقى، العىر، توگىلگەن شەشەن ەدى.

    قولىنا جوعارى مەكتەپتىڭ شاقىرتۋىن ۇستاعان اعاسى كەدەيلىك تاقسىرەتىن ابدەن تارتىپ، اۋرۋ مەڭدەتكەن اكەسىنىڭ الدىنا كەلدى. وسى كەزدە ءىنىسى «ءتاڭىردىڭ كوزى سوقىر» دەپ جاتىن بولمەسىندە ەسىگىن ءىلىپ الىپ، ءىشقۇستا بولىپ جاتقان - دى.

    از - كەم ويلانعان قاباعى قاتۋلى اكە ءجۇزىن ۇلكەن ۇلىنا بۇرىپ: بالام، ىنىڭە جولىڭدى بەر، ونىڭ وقۋعا ىنتالى ەكەنىن ءوزىڭ دە بىلەسىڭ عوي، - دەدى ۇلكەن شەشىم جاساپ.

    اكە ءسوزىن ءامىر دەپ بىلگەن اعاسى شاقىرتۋدى ءارى - ءسارى بولماستان ءىنىسىنىڭ قولىنا ۇستاتتى ءارى وعان: بۇل تەك ءبىر وتكەل، ەندىگى قالاي ۇيرەنۋ، ناتيجە جاراتۋ ءوز قولىڭدا،- دەدى ايتقاندارىن ىشكەرىلەي تۇسىنىپ كەتپەگەن ول.

    وقۋ باستالدى، كەرەك - جاراعىن كوتەرگەن ءىنىسى ءنان قالاداعى جوعارى وقۋ ورنىنا كەلىپ كىردى.اعاسى دەنە قۋاتى ءالسىز، اۋرۋشاڭ اكەسىن قالاشىق سەمەنت زاۆودىنداعى جۇمىس ورنىنان كۇتىنۋگە ۇيىنە قايتاردى دا، ءوزى اكەسىنىڭ شوي بالعاسىن قولىنا الىپ، ءداۋ - ءداۋ تاستى شاعۋعا كىرىستى.

    ءيا، ءدال وسى تاس شاعۋ ماشيناسىنىڭ ۇستىنە تالاي جۇمىسشىنىڭ قان - تەرى تامىپ، تالايىنىڭ ساۋساعى ۇزىلگەن ەدى. اعاسى وسى ورىنعا جۇمىسقا شىققان ءبىرىنشى كۇننەن باستاپ جاتسا - تۇرسا جۇمىس ونىمدىلىگىن ارتتىرۋدى ويلادى. ول 3 ايدا تاس شاعۋ ماشيناسىنا تەحنيكالىق وزگەرىس ەنگىزىپ، تاس شاعۋ ساپاسىن ءارى حاۋىپسىزدىك كورسەتكىشىن جوعارىلاتتى. 

    مۇنى كورگەن زاۆود باستىعى ونى ورتەۋ سەحىنا اۋىستىردى. 

    شاڭ - توزاڭى قولقانى قاباتىن ورتەۋ سەحىندا تالاي جۇمىسشى وكپە ناۋقاسىنا شالدىققان ەدى. ول بىرنەشە كاسىپتەسىمەن بىرگە ىشكەرىلەي ەسەپتەۋ، مۇقيات وي جۇگىرتۋ، جاپالى زەرتتەۋ ارقىلى بۇل سەحتىڭ ورتا قورعاۋ قۇرىلعىسىن كەمەلدەندىردى. 

    زاۆود باستىعى ەندى ونى عىلمي زەرتتەۋ تاجىريبەحاناسىنا اۋىستىردى. 

    تاجىريبەحانادا ول تەلەگەي تەڭىز كىتاپتى اقتارىپ، كوپ رەت وزگە زاۆودتارعا بارىپ تاجىريبە - ساباق قابىلداپ، قايتا - قايتا تاجىريبە جاسادى. ىركەس - تىركەس ىستەلگەن جاڭالىق اشۋ تاجىريبەسىنىڭ ىقپالىندا سەمەنت ساپاسى كورنەكتى جاقسارىپ، وسى زاۆود وندىرگەن جاڭا، ايگىلى سەمەنت جۇڭگونىڭ وڭتۇستىگىندەگى بىرنەشە ولكەگە توقتاۋسىز ساتىلدى. كوپ وتپەي، ول بۇكىل قالانىڭ قۇرىلىس ماتەريال ونەركاسىبى سالاسىنداعى ايگىلى ادامعا اينالدى.

جاۋاپتى رەداكتور: جازيرا بولاتباي قىزى