الدىمەن ءوزىمىز ىستەي الاتىن ىستەرىمىزدەن باستاپ ىستەيىك

  • كەلۋ قاينارى: شينجياڭ گازەتى تورابى
  • 09:03:54 04/12/2017

    ءبىر جاس ازامات مازاسىزدىقتار مەن كوڭىلسزدىكتەرىن قالاي جونگە سالارىن بىلمەي، ءبىر اقىلشى قارتتى ىزدەپ بارادى دا، ءوز كوڭىلىندەگى مازاسىزدىقتارىن بايان ەتىپ، ءوزىنىڭ ۆنيۋەرستەتتى تابىسپەن اياقتاتىپ، الداعى ءومىر ساپارىنا كوپتەگەن اسقاق ارماندار ورناتقانىن، الايدا، ارادا بىرنەشە جىل وتسە دە، تابىستىڭ تالعارىنا شىعا الماعانىن ايتىپ، قارتتان اقىل سۇرايدى، وسى كەزدە باعانادان ونىڭ ءسوزىن تىڭداپ وتىرعان اقىلشى قارت كۇلىمسىرەي ءتىل قاتىپ:«بالام، سەن الدىمەن ماعان مىنا ءبىر شولمەكپەن سۋ قايناتىپ بەرشى»دەپ، تامنىڭ بۇرىشىنداعى بىر ۇلكەن شولمەكتى جانە ونىڭ قاسىنداعى كىشكەنتاي پەشتى نۇسقايدى، پەشتىڭ جانىندا وتقا جاعاتىنداي ءبىر تال شىرپى دا جوق ەدى، «ماقۇل اتا» دەپ ورنىنان ۇشىپ تۇرعان ازامات سىرتتان ءبىر قۇشاق وتىن اكەلەدى دە، شولمەككە سۋ تولتىرىپ، كىشكەنتاي پەشكە قويىپ، اكەلگەن وتىنىن تۇتاندىرا باستايدى، ءبىراق شولمەكتىڭ ىشىندەگى سۋ كوپ بولعاندىعى سەبەپتى، اكەلگەن ءبىر قۇشاق وتىندى ءبىراق جاقسا دا، سۋ قاينامايدى. سونىمەن ول تاعى دا وتىن ىزدەپ سىرتقا شىعادى، الايدا قايتا اينالىپ كەلگەندە قايناماي تۇرعان سۋى، ءتىپتى، سۋىپ قالعانىن كورەدى، ءبىراق، ول بۇل جولى ءبىر نارسە بايقاعانداي، اسىعىپ وت جاقپايدى، سىرتتان مىنا سۋدى قايناتۋعا جەتەرلىك بىرنەشە قۇشاق وتىن اكەلىپ، وتتى مازداتىپ جاعادى، سۋ سارقىلداپ قاينايدى. ايتسەدە قارتتىڭ ايتقان ۋاقىتىنان جارىم ساعات ءوتىپ كەتكەنىن كورىپ ۇيالعانىنان جەرگە قاراپ وتىرىپ قالعان ازاماتقا اقىلشى قارت:«بالام، ەگەر جەتىكىلكتى وتىنىڭ بولماعاندا مىنا سۋدى قايتىپ قايناتار ەدىڭ؟» دەپ سۇرايدى، ازامات ءۇنسىز باسىن شايقايدى، قارت ءسوزىن جالعاپ «سەن باستاپتا وزىڭە كوپ نسانا ورناتتىڭ، بەينە شولمەكتىڭ شىنە كوپ سۋ قۇيعانىڭ سياقتى، ال، العاشىندا، وتىنىڭنىڭ جەتكىلىكسىز بولۋى سەبەبىنەن سۋ قايناماي قالدى، بۇل سەنىڭ سول كوپ نىساناعا قول جەتكىزۋگە قاجەتتى ءبىلىم جيناپ ۇلگىرە الماعانىڭ سياقتى، سەن ءاسىلى سۋدى مەجەلى ۋاقىتقا دەيىن قايناتۋ ءۇشىن شولمەكتىڭ ىشىندەگى سۋدىڭ ءبىر ءبولىمىن توگىپ تاستاۋىڭ، نە الدىمەن جەتەرلىك وتىن دايىنداۋىڭ قاجەت ەدى، ساعان بۇلايشا جارىم ساعات ۋاقىت كەسىپ، سۋ قايناتىپ بەرۋگە جۇمساعانىم، ۋاقىتتى دۇرىس پايدالانۋدى ۇعىنسىن دەگەنىم ەدى» دەيدى.

    جاس ازامات وزىنىڭ تابىسقا جەتە الماي ءجۇرۋىنىڭ سەبەبىن ەندى بىلگەندەي بولىپ، اقىلشسىنا العىسىن جاۋدىرىپ قايتىپ كەتەدى، ول ۇيىنە قايتار جولىندا، وزىنىڭ العاش ۆنيۆەرستەتتى بىتىرگەن كەزدەگى قۇرعان كوپ جوسپارلارىنان شىندىققا ۇيلەسپەيتىنىن الىپ تاستاپ، شىندىققا جاناسىمدىلارىن ساقتاپ قالدى، ءارى، سول كۇننەن باستاپ، بوس ۋاقىتتارىنان پايدالانىپ، كوزدەۋلى نىسانالارىنا قاتىستى ءبىلىمدەردى قۇلشىنا ۇيرەندى، ءارى، سول نىسانالارعا قاتىستى ءوزى ىستەي الاتىن ىستەردەن باستاپ، قۇلشىنا قىزىمەت ىستەدى،ءسويتىپ، اينالاسى ءبىر نەشە جىل ىشىندە، تىنباي تەر توگۋىنىڭ ارقاسىندا كوزدەگەن نسانالارىنا قول جەتكىزدى.

جاۋاپتى رەداكتور: جازيرا بولاتباي قىزى