...جاسى ۇلعايعاندار مينۋتىنا 90 قادام جۇرسە

  • كەلۋ قاينارى: ىلە كەشى گازەتى
  • 05:15:57 25/12/2017

     ادامدار جاسى ۇلعايعاندا سۇيەگى بوسايتىندىقتان، زاقىمدالىپ قالۋدان الاڭداپ، وتە ساقتانعىش بولىپ كەتەدى. جايشىلىقتا، جاياۋ ءجۇرۋ قارقىنىن لايىقتى مولشەردە تەزدەتسە سۇيەكتىڭ قاتايۋىنا پايدالى.

    ماماندار 35 جاستان جوعارى 500 ەر - ايەلگە زەرتتەۋ جۇرگىزۋ بارىسىندا، ٪50 ىنىڭ دەنە شىنىقتىرۋ ارەكەتىمەن اينالىساتىندىعى، ٪40 ىنىڭ جاياۋ جۇرەتىندىگى، الايدا، ءجۇرۋ تەزدىگى ءتورت كيلومەترگە جەتپەيتىندىگى انىقتالعان.

    مامانداردىڭ دالەلدەۋىنشە 35 جاستان كەيىن ايەلدەردىڭ سۇيەگى بوساي باستايدى ەكەن. 40 جاستان اسقان سوڭ ءار جىلى ٪1 - ٪2 تىك قارقىنمەن كەمىسە، كەكسەلىك باسقىشتان وتكەن سوڭ ءار جىلى ٪3 - ٪5 تىك قارقىنمەن كەميدى ەكەن.

    ەڭ ۇيلەسىمدى جاياۋ ءجۇرۋ - ساعاتىنا 4.8 - 6.3 كيلومەتر، مينۋتىنا 90 - 120 قادام بولعانى ءجون. 50 جاستان اسقان ايەلدەر ءار اپتادا 5 كۇن، ءار رەتتە از دەگەندە 4.8 كيلومەتر، ساعاتتىق جىلدامدىعى 6.3 كيلومەتر شاماسىندا جول جۇرسە، 15 اپتادان كەيىن سۇيەك تىعىزدىعى ٪0.4 ارتادى ەكەن. مۇندا، اياق سۇيەگىنىڭ تىعىزدىعى ٪0.8 اسىپ، سۇيەك سىنۋ، جىعىلىپ قالۋ سياقتىلاردان ساقتانۋعا بولادى ەكەن.

    دۇرىس جاياۋ ءجۇرۋ ادەتى -دەنەنى تىك ۇستاۋ، مويىن مەن يىقتى ەركىن كوتەرۋ، ەكى جۇدىرىقتى بوس ءتۇيىپ، ەكى بىلەكتى الدى - ارتىنا قوزعاۋ، باسقان قادامدار ۇيلەسىمدى بولۋ.

جاۋاپتى رەداكتور: گۇلدەن ماقسات قىزى