كەشىگىپ تاماقتانۋ قانتتى نەسەپ اۋرۋىنا دۇشار ەتەدى

  • كەلۋ قاينارى: ىلە كەشى گازەتى
  • 05:24:02 25/12/2017

  

    بۇرىنعى زەرتتەۋلەردە تۇندە جاي تاماقتانسا وبىر اۋىرۋىنا جولىقتىرۋ حاۋپى كۇشتى بولادى دەپ قارالعان. ا ق ش –تىڭ پەنسيلۆانيا ۋنيۆەرسيتەتى فيلەريمان شيپاگەرلىك ينستيتۋتىنىڭ جاڭا زەرتتەۋىندە، تىم جاي تاماقتانسا قانتتى نەسەپ اۋىرۋى مەن جۇرەك اۋىرۋىنا تاپ بولاتىندىعىن بايقالعان.

    جاي تاماقتانسا دەنەدەگى زات الماسۋعا قانشالىق اسەرى بولاتىندىعىن زەرتتەۋ ءۇشىن، ماماندار دەنساۋلىعى قالىپتى 9 ەرەسەك ادامدى تاڭداپ، ولارعا العاشقى 8 اپتادا ءار كۇنى ساعات 8 دەن 19 عا دەيىن ءۇش ۋاق تاماعىن بەرىپ، سوڭعى 8 اپتادا تاماقتانۋ ۋاقىتىن ءبىر تۇتاس 4 ساعات كەشىكتىرگەن.

    ناتيجەدە، تاماقتانۋ ۋاقىتىن كەشىكتىرگەننەن كەيىن، زەرتتەۋ وبيەكتىلەرىنىڭ مايدى سارىپ ەتۋ قۋاتى تومەندەپ قالماستان، دەنە سالماعى ارتىپ،قانت پەن ينسۋلين ولشەمى جوعارىلاعان. بۇدان سىرت، جۇرەك اۋرۋى مەن قاتىستى حولەستەرين ولشەمى ىلەسىپ ورلەگەن.

    ازاتتىق ارميا 309 - شيپاحاناسىنىڭ ازىقتىق ءبولىمىنىڭ مەڭگەرۋشىسى زو شياۋشيا جايشىلىقتا تاماقتانۋ ۋاقىتى: تاڭەرتەڭ ساعات 7، تۇستە 12:30، كەشتە 18:30، ەڭ كەشىككەندە ساعات 19 دان اسپاۋ كەرەكتىگىن ەسكەرتتى. ەرتە تاماقتانۋ اسقازاندى تازالاپ، تويا تاماقتانۋدىڭ الدىن الىپ، اۋىرۋعا كىرپتار بولۋ مولشەرىن ازايتادى.

    ساعىنبەك شامە ۇلى (اۋد)

جاۋاپتى رەداكتور: گۇلدەن ماقسات قىزى