جۇڭگولىقتارعا قۇلاق اسپايتىن ءداۋىر كەلمەسكە كەتتى

  • كەلۋ قاينارى: ىلە گازەتى
  • 03:24:19 27/12/2017

    _ سول كەزدە گولليۆۋد كينو الۋىڭىزعا قوسىلعان با ەدى؟

    _ سول كەزدە مەن امەريكادا ءوز ۇلگىم بويىنشا دامۋشىلىققا قول جەتكىزۋگە بولمايتىنىن اڭعاردىم. بۇدان بۇرىن شياڭگاڭدا الدەقاشان شولپان بولىپ ۇلگىردىم عوي، ال امەريكادا بولىمسىز كوزقاراس بىلدىرۋىمە دە بولمايتىن، ەشكىم دە قۇلاق اسىپ جاتقان جوق، قايدا بارسام دا ەتەگىمنەن تارتىپ وتىراتىن، كوپ جاقتان سىنالىپ–مىنەلىپ وتىراتىنمىن.

    قانشالىق كۇش سالعانىممەن ولار جاقتىرماي، العان كورىنىستەرىمدى كەسۋمەن بولدى.... ولار ماعان بىرەۋدى ۇرىپ جىعۋدى تاپسىرادى، ءبىراق مەن بۇلاي جۇدىرىق جۇمساۋدى كىم ىستەي المايدى دەگەن ويعا كەلىپ، وزىمشە كەدەرگىلەردەن سەكىرىپ ءوتۋ سياقتى ءبىرتالاي ارەكەتتەر جاسادىم، ولار مايمىلعا ۇقساپ كەتتىڭ دەپ تاعى دا جاقتىرمادى.

    _ گولليۆۋد پەن ازيانىڭ پارقى سونشالىق الشاق قوي، ەندەشە ءوزىڭىزدى تومەن سەزىنبەدىڭىز بە؟

    _ ارەكەتتەرىمدى دە مويىندامادى، اعىلشىن ءتىلىن دە بىلمەيمىن، تاڭداعان سەنەريام دا ءوز قالاۋىمداعى نارسە ەمەس. شىنىن ايتقاندا ساتسىزدىككە ۇشىراعانداي سەزىندىم، سەرىكتىك تە مەنىڭ كەيبىر ايگىلى شولپاندار تۇسىرەتىن كينوداعى ۇساق كەيىپكەرلەردى سومداۋىما قوسىلمادى، سول كەزدە ءوزىمنىڭ سونشالىقتى ات–اتاقسىز شولپان ەكەنىمدى اڭعاردىم، تيتتەي دە سەنىمىم بولمادى دا، كۇيرەپ قالعانداي بولدىم. سونىمەن ازياعا قايتىپ كەتەيىن، ءوزىمنىڭ وزگەرمەس ارمانىمدى جالعاي بەرەيىن، مەن ءالى دە سول ءوزىممىن، سەندەرگە سايكەسەمىن دەپ ءوز يدەيامدى وزگەرتە المايمىن دەگەن ويعا كەلدىم. ناتيجەدە قالاي بولدى دەيسىز عوي؟ 15 جىلدان كەيىن تۇتاس امەريكا بويىنشا چىڭ لۇڭ ستيلىندەگى ارەكەتتى ۇيرەنۋ باستالدى.

    _ سولتۇستىك امەريكا كورەرمەندەرىنىڭ كينودان ءلاززات الۋ داعدىسى ازيا كورەرمەندەرىمەن ۇقسامايتىن شىعار؟

    _ ۇقسامايدى. ولار كلينت يستۆۋد سياقتى مىلتىقپەن ءبىر اتىپ–اق بىرەۋدىڭ جانىن الاتىن، بىرەۋدى ءبىر جۇدىرىقپەن سۇلاتا سالاتىن ۇردا–جىقتاردى ۇناتادى، ولار وسىنداي ۇرىسقا تۇسەتىندەردى ەر ازامات دەپ بىلەدى. ال مەنىڭ جۇدىرىق سىلتەۋ ءتاسىلىم شى؟ توبەلەسىپ بولعان سوڭ ءوزىم دە قينالامىن، جۇدىرىق سىلتەپ العان سوڭ قولىمدى اۋزىما اپارىپ ۇرلەي بەرەمىن، مۇندايدا كورەرمەندەر مەنى قاھارمان دەپ سانامايدى، ءتىپتى، قابىلدامايدى. ولاردىڭ ۇناتاتىنى بىلىققان توبەلەس، ارەكەتتىك كينو ەمەس، شىنىن ايتقاندا ەكەۋى ەكى دۇنيە دەسە دە بولادى.

جاۋاپتى رەداكتور: گۇلدەن ماقسات قىزى