جۇڭگولىقتارعا قۇلاق اسپايتىن ءداۋىر كەلمەسكە كەتتى

  • كەلۋ قاينارى: ىلە گازەتى
  • 03:24:19 27/12/2017

    _ سىزشە امەريكانىڭ ەرەن قاھارماندارى مەن جۇڭگونىكىنىڭ ايىرماشىلىعى بار ما؟

    _ پارىق تىم الشاق. امەريكانىڭ ەرەن قاھارماندارى شەتىنەن ۇشا الادى، ال ءبىز ۇشا المايمىز. ولار شەتىنەن امەريكا دۇنيەنى، بۇكىل ادامزاتتى قۇتقارادى دەيتىن «زور امەريكاشىلدار»، ال ءبىزدىڭ قاھارماندارىمىز اۋلەتىن، قىستاقتى، مەملەكەتتى قۇتقاراتىندار، ولاردىڭ دەنى مەملەكەتكە ىقىلاسى اۋعاندار، سوندىقتان دا بۇلاردىڭ اراسىنداعى پارىق تىم زور.

    «جاڭالىق اشۋ تىم قيىن، شاكەنە باسىم شاراداي بولدى»

 

    _ ارەكەت –قازىر چىڭ لۇڭ كينولارىنىڭ كورنەكتى بەلگىسىنە اينالدى دەۋگە بولادى، مۇنداي ستيلدەرىڭىزدە تۋ باستا–اق جوسپار، جوبا بولدى ما؟

    _ كينو الۋ بارىسى مەنى تىم تابيعي تۇردە بۇگىنگى ستيلىمە الىپ كەلدى دەپ بىلەمىن. مەن كوپشىلىكتىڭ ويىنداعىداي ونشالىقتى تالانتتى ەمەسپىن، بار بولعان كۇندەگى ىستەرىمدى ۋاعىندا ورىندايتىنىم عانا.

    ءالى ەسىمدە ءبىر جولى يۋگسلاۋيادا كينو تۇسىرگەندە تىم بيىكتەن قۇلاپ ءتۇستىم، سول كەزدە ادامنىڭ سونشالىق ءالسىز بولاتىنىن اڭعاردىم، سول ءبىر قاس قاعىم ءسات كوپتەگەن ويلارىمدى وزگەرتتى. بۇرىن مەن بولاشاقتا نەلەردى ىستەۋىم كەرەك دەگەندەردى ۇنەمى ويلايتىنمىن، سودان باستاپ ءوزىمنىڭ ءاربىر كۇندەرىم مەن ايلارىمدا نەلەردى ىستەيتىنىمدى عانا ويلايتىن بولدىم دا، قالعانىنا تىم باس قاتىرىپ كەتپەيتىن بولدىم. مەنىڭ قىزمەتىمنىڭ حاراكتەرى سول كۇنى ەگەر وقىس جاعداي بولاتىن بولسا وتباسىما ورالا الماي قالاتىنىمدى ۇعىندىردى، سوندىقتان ءار كۇنگى ىستەرىمدى تىندىرسام عانا بولدى.

    كينو تۇسىرگەننەن بەرى ءوزىم ۇناتاتىن حاراكتەرلەر بويىنشا ءوزىمدى كينوعا ءتۇسىرۋ جونىندە عانا ىزدەنىپ كەلدىم. شىندىعىنا كەلگەندە كينودا بولسىن، الدە سىرتتا بولسىن بارىندە دە مەن باياعى ءوزىممىن. جاسىمنىڭ ۇلعايۋىنا ىلەسە، كينولارىمدا دا وزگەرىستەر بولىپ جاتىر.

    _ وسىنشا جىلدار ارەكەت كينولارىن تۇسىرگەنىڭىزدە كورەرمەندەرىڭىزگە تىڭ ويلار، تىڭ يدەيالار بەرە الدىڭىز با؟

    _ جاڭالىق اشۋ تىم قيىن، شاكەنە باسىم شاراداي بولدى، ءار كۇنى سەنەريانىڭ جاعدايىن، ارتيستەردى سەپتەۋدى، ۇقساماعان ورتادا ارەكەتتەردى سايكەستىرۋدى ويلايمىن. شىندىعىنا كەلگەندە شىنايى ارەكەتتىڭ دە جاعدايى بەلگىلى بولىپ بارادى، ەرەن قاھارماندار جونىندە كينو تۇسىرەيىن دەسەڭ، كوپتەگەن كومپيۋتەر تەحنيكاسىنان پايدالانادى، ال ءبىزدىڭ مىنا قول–اياق سايىسكەرلىگىمىزدە زور وزگەرىس بولاتىنداي قايداعى ونشالىق كوپ كەڭىستىك دەيسىڭ. ماسەلەن، مەنىڭ ەڭ سۇڭعىلالىق تانىتقانىم «ون ەكى مۇشەل» فيلمىندەگى قول–اياعىمدى كرەسلونىڭ ۇستىندە سەرمەگەنىم سياقتى، راسىن ايتقاندا ساحنادا بولماسا، ستولدىڭ ۇستىندە جۇدىرىق سىلتەسەڭ دە ۇقساس، الايدا ال ورتانى وزگەرتسەڭ ول كورەرمەندەرگە تىڭ نارسەدەي سەزىلەدى.

جاۋاپتى رەداكتور: گۇلدەن ماقسات قىزى