جۇڭگولىقتارعا قۇلاق اسپايتىن ءداۋىر كەلمەسكە كەتتى

  • كەلۋ قاينارى: ىلە گازەتى
  • 03:24:19 27/12/2017

    تاماشا ءبىر ارەكەت فيلمىن ءتۇسىرۋ ءۇشىن اقشا، ۋاقىت، سايىسكەرلىك جەتەكشىسى، تاماشا رەجيسسەر، ەڭ بولماعاندا كوڭىلدەگىدەي ورتا كەرەك. بۇگىنگى كۇنى ءبىزدىڭ جۇڭگو نەلىكتەن تەك ءبىر–ەكى اداممەن عانا تاماشا ارەكەت فيلمدەرىن تۇسىرەدى، ويتكەنى مىنا شارتتار مۇلدە جوق. ال ەڭ سوڭىندا ءوزىم مونتاجداۋمەن بولامىن، مىنە، بۇل ۇلكەن پارىق.

    _ امەريكادا فيلمگە ءتۇسىرۋشى جاق ەڭ سوڭعى مونتاجداۋ ۇقىعىن وزدەرى يگەرەدى دە، رەجيسسەردە مۇنداي ۇقىقتىڭ بولۋى تىم سيرەك كەزدەسەدى، ال ارتيستەردە تىم سيرەك ۇشىرايدى.

    _ دۇرىس ايتاسىڭ، دەسە دە مەنىڭ قازىرگى قول قويىسقان توقتامدارىمدا ەڭ سوڭعى مونتاجداۋ ۇقىعى مەندە بولادى، مۇنى تۋ باستا كەلىسىپ الامىن. مەن دە ادىلدىگىن ىستەيمىن، سەنىڭ مونتاجداعانىڭ جاقسى بولسا سەنىكى بويىنشا بولادى، ال جاقسى بولماسا مەنىڭ ءتاسىلىم بويىنشا بولادى.

    گولليۆۋدتىڭ تەحنيكالىق اياق الىسى تىم تەز، ءبىراق مەنىڭ فيلمدەرىمدى مونتاجداۋ ءوزىمىزدىڭ ءداستۇر بويىنشا بولادى، مۇنداي مونتاجداۋ شەبەرلىگى جۇڭگو سايىسكەرلىگىمەن بىرلەستىرۋدىڭ تالماۋ جەرى. ونىڭ ۇستىنە مەنىڭ سايىسكەرلىك ءتاسىلىم وزگەلەرگە ۇقسامايدى، كوپتەگەن ادامدار ءبىر جۇدىرىق سىلتەسە دە ءبىر ريتىم بويىنشا جۇمسايدى، مەنىڭ جۇدىرىق جۇمساۋىم بەينە مۋزىكا سياقتى ىرعاقتى كەلەدى، سوندىقتان كورەرمەندەرىم كورىپ وتىرىپ ىرعاققا ىلەسەدى دە، شابىتتانىپ كەتكەنىن ءوزى دە سەزبەي قالادى، ەگەر باستان–اياق ءبىر ريتىم بويىنشا بولاتىن بولسا، الدىڭعى بىرەر جۇدىرىعىن بولادى دەيىك، الايدا ون نەشە جۇدىرىق سىلتەگەننەن كەيىن كورەرمەن جالىعىپ قالادى.

    _ چىڭ لۇڭ كينولارىنىڭ ستيلى كوپتەگەن بولماشى ەپيزوتتاردان سومدالادى، ەندەشە وسى بولىمسىز ەپيزوتتاردى دەرلىكتەي مۇقيات جوسپارلايسىز با.

    _ ءيا، مۇنى ءوزىم تاپقىرلاعام. بۇلاردى بۇرىن ەشكىمگە ۇيرەتپەگەم، قازىر فيلمدەرىم ارقىلى بىرتىندەپ ۇيرەتىپ جاتىرمىن، ويتكەنى مۇنى جاستارعا ۇعىندىرسام دەيمىن. ماسەلەن، ارەكەتتىك فيلم بولعان سوڭ بىرەۋگە ءتۇسىندىرۋ ءۇشىن ارەكەتىڭ بولۋى كەرەك قوي، مۇندا از بولماعان بىلىمدەر جاتىر. مەنىڭ كينولارىمدا بىرەۋ سويلەي ءجۇرىپ ورىندىقتى ءبىر جاققا سىرعىتىپ، ودان تاعى يتەرگىشتەپ جاتادى، تاعى وعان وتىرا قالىپ شىر اينالادى... وسىلاردىڭ بارىندە ەستەتيكا جاتىر، ورىندىق قالاي اينالادى، قانشالىق اينالادى، نەمەن اينالدىرامىز دەگەندەي، مىنە، وسى بولىمسىز ەپيزوتتاردىڭ ءبارىن جوسپارلاۋ كەرەك.

جاۋاپتى رەداكتور: گۇلدەن ماقسات قىزى