جۇڭگولىقتارعا قۇلاق اسپايتىن ءداۋىر كەلمەسكە كەتتى

  • كەلۋ قاينارى: ىلە گازەتى
  • 03:24:19 27/12/2017

      وسكار عۇمىرلىق تابىس سيلىعىن الىپ كەلگەن سوڭ «حالىق گازەتى» ءتىلشىسىنىڭ چىڭ لۇڭمەن سۇحپاتى

 

    ءتىلشى ليۋ ياڭ

 

    امەريكانىڭ لوس–انجەلەس ۋاقىتى بويىنشا قاراشانىڭ 12–كۇنى كەشتە زەرلى جەيدە كيگەن كينو شولپانى چىڭ لۇڭ امەريكا كينو ونەرى جانە عىلىم ينستيتۋتى تاراتقان وسكار عۇمىرلىق تابىس سيلىعىن الدى. قولىنا كىشكەنە عانا التىن ادام سيلىعىن العان چىڭ لۇڭ _ وسى سيلىقتى ەنشىلەگەن تۇڭىش جۇڭگولىق ءارى وسى سيلىققا يە بولعانداردىڭ ىشىندەگى ەڭ جاسى بولدى. ودان بۇرىن وسكار عۇمىرلىق تابىس سيلىعىن شارلز چاپلين، ۋات ديسنەي، پاۆەل نيەۋمان، اكيرا كۋروساۋا قاتارلى دۇنيەگە تانىمال كينو شولپاندارى العان.

    ءىس جۇزىندە وسى سيلىققا يە بولۋدان ىلگەرى چىڭ لۇڭ حالىقارادا الدەقايدا جۇڭگو مادەنيەتىنىڭ ۋاكىلدىك نىشانىنا اينالىپ ۇلگىرگەن–دى. لي شياۋلۇڭنان كەيىن كينو كوركەمونەرى الەمىندە اتى اتالسا جۇڭگونى ەسىنە الاتىن، جۇڭگو اۋىزعا الىنسا ەسىمى ەسكە تۇسەتىندەي ەشكىم بولعان ەمەس. سوندىقتان دا شىعار چىڭ لۇڭنىڭ سيلىق الۋى جۇڭگونىڭ كينو ىستەرىندەگى ءساليقالى ساتكە اينالدى. وسىعان وراي «حالىق گازەتىنىڭ» ءتىلشىسىنىڭ وسكار سيلىعىن ەنشىلەپ كەلگەن چىڭ لۇڭمەن سۇحپاتىن بەرىپ وتىرمىز.

    «كەيدە ءتۇس كورگەندەي كۇي كەشەمىن»

 

    _ تۇڭعىش رەت وسكار عۇمىرلىق تابىس سيلىعىن ەنشىلەگەن جۇڭگولىق ءارى وسى سيلىقتىڭ ەڭ جاس يەگەرى بولۋىڭىز تىم توسىن بولمادى ما؟

    _ شىنىندا قۋانىشتىمىن. كەيدە ءتۇس كورگەندەي كۇي كەشەمىن، الەمدەگى ون ايگىلى جاس اتاعىن قامتىعان، تۇڭعىش رەت التىن اتەش سيلىعى بويىنشا ەڭ تاڭداۋلى ەر باس كەيىپكەر بولىپ سارالانعان شياڭگاڭدىق ارتيست دەگەن سياقتى كوپتەگەن ماراپاتتارعا يە بولدىم.... ءيا، كوپتەگەن ىستەردى ويلاپ تا كورمەگەم.

    _ گولليۆۋدتا تۇڭعىش رەت كينو تۇسىرۋگە بارعان كەزىڭىز قاي كەز ەدى؟

    _ 22 جاس كەزىم ەدى، سەرىكتىك حالىقارالىق شولپان بولۋىما ماقۇلدىق ءبىلدىردى، وزىمشە حالىقارالىق شولپان بولۋ وڭاي–وسپاق شارۋا ەكەن دەپپىن دە امەريكاعا باردىم. الايدا اعىلشىن ءتىلىن بىلمەسەم قالايشا حالىقارالىق شولپان بولا قويايىن؟ سونىمەن امەريكادا 9 اي اعىلشىن ءتىلىن ۇيرەندىم، بۇدان وزگە تۇك تە تىندىرعام جوق.

جاۋاپتى رەداكتور: گۇلدەن ماقسات قىزى