كولىككە قولفون ءنومىرىن قالتىرۋ حاۋىپسىز بە؟

  • كەلۋ قاينارى: شينجياڭ زاڭ جانە تۇرمىس گازەتى
  • 07:58:24 08/01/2018

    

    كولىك توقتاتۋدىڭ قيىن بولۋى كەزەكتە قولامتالى ماسەلەلەردىڭ بىرىنە اينالدى. سوندىقتاندا، كولىك يەسى كولىگىن توقتاتقاننان كەيىن، قولفون ءنومىرىن كولىككە قىستىرىپ كەتەتىن جاعدايلاردى ءجيى كەزدەستىرەمىز. بۇلاي ىستەۋ باسقالار كولىگىن توقتاتپاق بولعاندا نەمەسە توقتاتقان كولىگىن جۇرگىزبەكشى بولعاندا، جولىن بوگەپ قالعان كولىك يەسىنە تەلەفون جالعاۋ ارقىلى ماسەلەنى شەشىم ەتە الادى. ەندەشە، كولىك يەسىنىڭ قولفون ءنومىرىن كولىككە قىستىرىپ قويۋى حاۋىپسىز بە؟

    ءبىر ءبولىم زات ساتۋشىلار ۇلكەن ساۋدا سارايى، تۇرعىندار رايونىنداعى كولىك توقتاتۋ الاڭدارىن اينالسوقتاپ، باسقالاردىڭ كولىككە قىستىرىپ كەتكەن قولفون ءنومىرىن جازىپ الاتىن جاعدايلار بەلەڭ بەرۋدە. مۇنداي ادامدار ادەتتە، ساۋدا سارايلارىنىڭ زات ساتۋشىلارى بولىپ، وسى نومىردەن پايدالانۋ ارقىلى ءتىپتى دە كوپ پايدا ءتۇسىرۋ ماقساتىنا جەتە الادى. ويتكەنى، بىرىنشىدەن، كولىككە قىستىرىلعان قولفون ءنومىرى نەگىزىنەن، تۇراقتى پايدالاناتىن ءنومىر بولادى؛ ەكىنشىدەن، كولىكتىڭ دارەجەسىنە قاراپ كولىك يەسىنىڭ قۋاتى بار – جوعىنا ۇكىم جاساپ، سول بويىنشا ولارعا تەلەفون جالعاپ ونىمدەرىن قينالماي –اق وتكىزە الادى. بۇدان سىرت، قىلمىس كۇماندىلارى قولفون ارقىلى قارسى جاقتىڭ ەسەپ ءنومىرى مەن ءۇنحات ءنومىرىن قولعا تۇسىرە الادى. بۇل وتە حاۋىپتى جاعداي سانالادى. ەندەشە، كولىككە قولفون ءنومىرىن قىستىرىپ كەتۋ دۇرىس پا، جوق؟

    كولىككە قولفون ءنومىرىن قالتىرماسا، باسقا كولىكتەردىڭ جول جۇرۋىنە ىقپال ەتەدى. قاتىناس ساقشىلارى مىنانى ەسكەرتەدى: ەگەردە توقتاتقان كولىكتىڭ جولدى بوگەپ قالۋ مۇمكىندىگى بولسا، ءسوزسىز، قولفون ءنومىرىن قالدىرۋ كەرەك، نەمەسە، قولفون ءنومىرىن قالتىرۋدىڭ قاجەتى شامالى، بۇدان سىرت، 114 ، 110، 122 لەنيالارىنا تەلەفون جالعاپ، جولدى بوگەپ قالعان كولىك يەسىنىڭ قولفون ءنومىرىن تابۋعا بولادى. كولىك يەسى كولىكتى ساتىپ الىپ، ءنومىر تاقتاسىن العاندا، قاتىناس ساقشى اترەتىنە ينفورماتسياسىن قالتىرادى. لەنيا قىزمەتكەرى كولىك ءنومىر تاقتاسى، كولىك توقتاتىلعان ورىندى سۇراپ، ءنومىر تاقتا ينفورماتسياسى ارقىلى كولىك يەسىنىڭ قولفون ءنومىرىن تاۋىپ بايلانىس جاساۋ ارقىلى كولىكتىڭ جولدى بوگەپ قالعانىن حابارلايدى.

اۋدارعان سەرىك سابىر ۇلى

جاۋاپتى رەداكتور: گۇلدەن ماقسات قىزى