پايدالانبايتىن بانكە كارتۋچكاسىن قالاي ءبىر جاقتى ەتۋ كەرەك؟

  • كەلۋ قاينارى: شينجياڭ زاڭ جانە تۇرمىس گازەتى
  • 08:02:41 08/01/2018

    

    ءىشىنارا ادامدار پايدالانبايتىن بانكە كارتۋچكاسىن قوقسىق شەلەگىنە تاستايدى. بۇلاي ىستەۋ وتە حاۋىپتى. سوندىقتان، تومەندەگى بىرنەشە تۇيىنگە ەرەكشە كوڭىل ءبولۋ كەرەك:

    جاڭادان بانكە كارتۋچكاسىن بىتىرۋگە كەدەرگى بولادى.

    بانكە كارتۋچكاسىن ءبىتىرۋ جونىندە بانكە باقىلاپ – باسقارۋ كوميتەتى ايقىن بەلگىلەمە شىعارعان بولىپ، ءبىر تۇتىنۋشىنىڭ ءبىر بانكەدە بىتىرگەن كارتۋچكاسى تورتتەن اسپاۋ كەرەك. تۇتىنۋشىنىڭ وسى بانكەدەن بىتىرگەن كارتۋچكاسى تورتتەن اسىپ كەتسە، بانكە وعان جاڭادان بانكە كارتۋچكاسىن ءبىتىرىپ بەرمەيدى.

    پايدالانبايتىن بانكە كارتۋچكاسىن قايتادان پايدالانۋ ءۇشىن، ارالىقتاعى جىلدىق قىزمەت وتەۋ اقىسى مەن باسقارۋ اقىسىن تولىقتاپ تاپسىرۋعا تۋرا كەلەدى.

    پايدالانبايتىن بانكە كارتۋچكاسىن، ءسوزسىز، بانكەگە اپارىپ تىزىمگە الدىرۋ نەمەسە ءوشىرۋ كەرەك. ويتپەگەندە، ءار جىلعى قىزمەت وتەۋ اقىسى جينالا بەرەدى. بۇل قىزمەت وتەۋ اقىسى قارىز ورنىندا كارتۋچكا يەسىنە جۇكتەلىپ، قايتارماسا جەكەلەردىڭ سەنىمدىلىك ەستەلىگىنە جازىلادى. بانكە ۇزاق ۋاقىت پايدالانباعان كارتۋچكانى بەلگىلى ۋاقىتتان كەيىن مۇزداتىپ تاستايدى. بۇل كارتۋچكانى قايتا پايدالانۋعا تۋرا كەلسە، بۇرىنعى اقىنى تولىقتاپ تاپسىرۋى كەرەك.

    پايدالانباعان بانكە كارتۋچكاسىن، ءسوزسىز، ۋاعىندا بانكەگە اپارىپ تىزىمگە الدىرۋ نەمەسە ءوشىرۋ كەرەك.

    كارتۋچكا يەسى پايدالانبايتىن كارتۋچكانى بانكەگە اپارىپ، ازاماتتىق كۋالىگىن كورسەتۋ ارقىلى تىزىمگە الدىرۋ نەمەسە ءوشىرۋدى ءوتىنىش ەتۋىنە بولادى. ەگەر، كارتۋچكا جوعالىپ كەتسە، جاڭادان كارتۋچكا تولىقتاپ ءبىتىرىپ، ونان سوڭ تىزىمگە الدىرۋدان وشىرگەن ءجون.

اۋدارعان سەرىك سابىر ۇلى

جاۋاپتى رەداكتور: گۇلدەن ماقسات قىزى