ءتۇسقاعازدى قورعاۋدا نەلەرگە كوڭىل بولگەن ءجون

  • كەلۋ قاينارى: شينجياڭ زاڭ جانە تۇرمىس گازەتى
  • 08:04:14 08/01/2018

 

قازىر ءۇي اشەكەيلەۋ بارىسىندا ءۇي قابىرعالارىنا ءتۇسقاعاز جاپسىرۋ كەڭىنەن جالپىلاستى. دەسەدە، كەيبىرەۋلەر جاپسىرىلعانىنا ەكى جىل بولعاندا ءتۇسقاعازدىڭ كەنەتتەن سارعايىپ كەتكەنىن بايقايدى.

ەندەشە ءتۇسقاعاز سارعايىپ كەتپەۋ ءۇشىن قالاي ىستەۋ كەرەك؟

1. ءۇيدى اشەكەيلەۋ الدىندا ەڭ اۋەلى تام قابىرعالارى سىلاعىنىڭ تولىق كەپكەن نەمەسە كەپپەگەنىنە كوڭىل ءبولۋ كەرەك. ەگەر، ءۇيدىڭ قابىرعاسى تولىق كەپپەي ءتۇسقاعاز جاپسىرىلسا قابىرعا بەتىندەگى سىلاق پەن ءتۇسقاعاز جەلىمى ورتاسىندا حيميالىق رەاكسيالاسۋ پايدا بولىپ، ءتۇسقاعاز سارعايىپ كەتەتىن جاعداي تۋىلادى. ەگەر، وسىلاي بولا قالعاندا ابىرجۋدىڭ قاجەتى شامالى، تەك، سىلاقتى قىرىپ، مايدالاپ العان سوڭ قاعازدى قايتالاي جاپسىرۋ كەرەك.

2. جاڭادان اشەكەيلەنگەن ۇيگە كوشىپ كىرگەننەن كەيىنگى نەشە جىلدان سوڭ ءتۇسقاعاز سارعايسا، بۇل نەگىزىنەن كۇن نۇرى مەن اۋانىڭ توتىعۋىنان بولاتىن وزگەرىس. مۇنداي جاعدايدا ورامالدى اعارتقىشقا مالىپ، تام قابىرعالارىن ءسۇرتىپ، جارىم ساعاتتان كەيىن ورامالدى قايتالاي تازا سۋعا مالىپ تەگىستەپ ءسۇرتۋ كەرەك. ءتۇسقاعازدى ءسۇرتۋدىڭ الدىندا ەڭ ابزالى تامنىڭ بۇرىشىن سىناق رەتىندە ءسۇرتىپ كورىپ، ونان سوڭ باسقا جەرلەردى ءسۇرتۋ كەرەك.

3. ءتۇسقاعازدىڭ تۇتاستىرىلعان جەرى سارعايىپ قالۋىنىڭ سەبەبى – ءتۇسقاعاز جاپسىرىلعاننان كەيىن جەلىمنىڭ اۋاعا توتىعۋىنان پايدا بولادى. سوندىقتان، ءۇي اشەكەيلەگەندە ساپالى ماتەريالدى تاڭداپ پايدالانۋ كەرەك.

ءتۇسقاعازدى قورعاۋدا نەلەرگە كوڭىل بولگەن ءجون؟

1. ءتۇسقاعازدى كۇن نۇرى، اۋا رەتتەۋىش سياقتى جابدىقتاردان شىعاتىن جىلى لەپتىڭ تىكە تۇسۋىنەن ساقتاۋ كەرەك.

2. كۇندەلىكتى تۇرمىستا بولاتىن ىس – ءتۇتىن نەمەسە اسحانا ۇيدەن شىعاتىن مايدىڭ ىسى سياقتىلار ءتۇسقاعازدى سارعايتادى. ءۇي ءىشى تولىق كەپپەگەن جاعدايدا جاپسىرىلعان ءتۇسقاعازدىڭ جەلىمى اجىراۋ نەمەسە كوگەرىپ كەتۋ جايتى ۇنەمى تۋىلىپ تۇرادى. سوندىقتان. ءۇي ءىشىنىڭ اۋاسىن ۇنەمى اۋىستىرىپ تۇرۋ كەرەك.

3. تام بەتىن مەرزىمدى تازالاپ تۇرعان ءجون. ءتۇسقاعاز كىرلەسە تىكە سۋمەن سۇرتۋگە بولمايدى، ورامالدى تازالاۋ سۇيىقتىعىنا مالىپ، سىعىپ تاستاعاننان كەيىن ەپپەن جەڭىل ءسۇرتۋ كەرەك.

اۋدارعان سەرىك سابىر ۇلى

 

جاۋاپتى رەداكتور: گۇلدەن ماقسات قىزى