قازىر جۇقپالى تۇماۋ اسقىنىپ تۇر، جۇعۋ حاۋپى كۇشتى ادامدار قالاي ساقتانۋى كەرەك

  • كەلۋ قاينارى: حالىق تورابى
  • 08:39:54 11/01/2018

    

 

    جۇڭگو اقپارات تورابىنىڭ كليەنتى، 10 – قاڭتار، بەيجيڭ (ءتىلشى جاڭ ني). تاياۋدا جۇقپالى تۇماۋ اسقىندى، كوپتەگەن جەردەگى شيپاحانالاردىڭ امبالاتوريالارى مەن شۇعىل قۇتقارۋ بولىمدەرىندە جانە بالنيتسالارىندا ناۋقاستار كوبەيدى، جۇقپالى تۇماۋدىڭ كەڭەيۋى جۇرتشىلىقتى الاڭداتىپ وتىر.

    وسىنداي ساتتە قارتتار، بالالار، سوزىلمالى اۋرۋعا شالدىققاندار قاتارلى جۇعۋ حاۋپى كۇشتى ادامدار ساقتىقتى قالاي كۇشەيتۋى كەرەك؟

    بۇل جونىنەن جۇڭگو اۋرۋدى تەجەۋ ورتالىعىنىڭ ورىنباسار مەڭگەرۋشىسى فىڭ زىجيان بىلاي دەدى: ساقتىق ەكى جاقتى بولادى، مۇندا ۆاكسينا ەكتىرۋ ەڭ ماڭىزدى ساقتىق ءتاسىلى سانالادى. كوپشىلىك، اسىرەسە، قارتتار، بالالار، سوزىلمالى اۋرۋعا شالدىققاندار قاتارلى جۇعۋ حاۋپى كۇشتى ادامدار ۆاكسينا ەكتىرسە، جۇقپالى تۇماۋدان تۋىندايتىن سالماقتى اۋرۋلاردان، قوسانجار اۋرۋلاردان ساقتانا الادى. ەلىمىزدە جۇقپالى تۇماۋ ۆاكسيناسىن سالدىراتىندار كوپ ەمەس، مولشەرمەن ءار جىلى بازارعا 26 ميلليون ۆاكسينا شىعارىلادى، سالدىراتىندار 20 ميلليون عانا. ۆاكسيناسىز ساقتانۋ ءتاسىلى جاعىندا جۇقپالى تۇماۋدىڭ كەڭ تارالعان ماۋسىمىندا جۇعۋ حاۋپى كۇشتى ادامدار الەۋمەتتىك ورىندارعا نەعۇرلىم از بارۋى، وزگەلەرمەن كوپ ارالاسپاۋى كەرەك، الەۋمەتتىك ورىنعا بارۋ قاجەت بولسا ماسكا تاعىپ العان ءجون.

جاۋاپتى رەداكتور: گۇلدەن ماقسات قىزى