تۇسكى دەمالىستا سەيىلدەۋدىڭ پايداسى كوپ

  • كەلۋ قاينارى: ىلە گازەتى
  • 03:29:33 09/02/2018

  

     قىزمەت ىستەيتىندەر قاربالاس بولاتىندىقتان تۇسكى تاماقتى جەيدى دە تاعى دا قىزمەتكە كىرىسەدى. امالياتتا تۇستە ازىراق ۋاقىت شىعارىپ سەيىلدەپ جۇرەتىن بولسا، تۇستەن كەيىنگى قىزمەتكە پايداسى ءتيىپ قالماي، دەنساۋلىققا دا پايدالى.

    زەيىن–قۋاتىن جوعارىلاتادى. ا ق ش لينوس ۋنيۆەرسيتەتىنىڭ زەرتتەۋ ناتيجەسىنەن ۇلكەن مي ۇزاق ۋاقىت كومپيۋتەردىڭ، قولفوننىڭ تىتىركەندىرۋىنە ۇشىراۋ سەبەبىنەن ماڭىزدى بۋىننان وڭاي قاتەلىك كەتىپ قالاتىندىعى بەلگىلى بولعان. سوندىقتان تۇستە جول جۇرسە زەيىن–قۋات كورنەكتى تۇردە جوعارىلايدى.

    كوزگە پايدالى. ۇزاق ۋاقىت كومپيۋتەر الدىندا قىزمەت ىستەۋ كوز قۇرعاۋ اۋرۋىنا اپارىپ سوعادى. جاپونيانىڭ زەرتتەۋ قىزمەتكەرلەرى زەرتتەۋ جۇرگىزۋ ارقىلى كومپيۋتەر الدىندا كۇنىنە 5 ساعات قىزمەت ىستەيتىندەرگە قاراعاندا، كۇنىنە 7 ساعات قىزمەت ىستەيتىندەردىڭ كوزىنىڭ جۇمسارتقىش مايى %50 تومەن بولاتىندىعىن بايقاعان.

    ۇيقىنى جاقسارتادى. كوپتەگەن زەرتتەۋلەردەن ەكراننىڭ كوك نۇرىنىڭ دەنەنىڭ قارا پيگمەنتتى ءبولىپ شىعارۋىن ازايتىپ، ۇيقىعا زيان جەتكىزەتىندىگى راستالىپ وتىر. سوندىقتان تۇستە ازىراق جۇرسە كوز كوك نۇردان اۋلاق بولادى دا، ۇيقى ساپاسىن جوعارىلاتادى.

    بۋىن قابىنۋ اۋرۋىن باسەڭدەتەدى. تۇسكى دەمالىس ۋاقىتىنان پايدالانىپ ارەكەت جاساسا بۋىنداردىڭ سىرەسۋىن، سوزىلمالى بەل، يىق اۋرۋ حاۋپىن تومەندەتەدى.

    ءىش كەبۋدەن ساقتايدى. تاماقتىڭ الدىندا نەمەسە تاماقتان كەيىن سەيىلدەسە اسقازان–ىشەكتىڭ جيىرىلۋىن تەزدەتىپ، اس قورىتۋعا كومەگىن تيگىزىپ، ءىش سىزداۋدان، ءىش كەبۋدەن ساقتايدى.

    اسقازان تۇيىلۋدەن ساقتايدى. شۆەتسيانىڭ ءبىر زەرتتەۋ ناتيجەسىنەن تۇسكى تاماقتى باپتاپ ءىشىپ، ونان سوڭ جۇرسە اسقازان تۇيىلۋىنەن ساقتايتىندىعى راستالعان.

    جۇرەك اۋرۋىنان ساقتايدى. انگليانىڭ جۇرەك اۋرۋى قور قوعامى: تۇستە جول جۇرسە قانتتى نەسەپ اۋرۋى، جۇرەك اۋرۋى جانە راك سياقتى 20 ءتۇرلى سوزىلمالى اۋرۋدىڭ تۋىلۋ حاۋپىن تومەندەتەتىندىگىن ءبىلدىردى.

    كوڭىل كۇيدى جاقسارتادى. انگليانىڭ جۇرەك اۋرۋى قور قوعامى زەرتتەۋ جۇرگىزۋ ارقىلى تۇستە دەمالۋ قىزمەتكەرلەردىڭ جابىعۋ اۋرۋىنا شالدىعۋ حاۋپىن %30 تومەندەتەتىندىگىن بايقاعان. ۇنەمى كۇنگە قاقتالۋ، سىرتقا شىعىپ ءجۇرۋ جابىعۋ اۋرۋىنا شالدىعۋ حاۋپىن تومەندەتەدى.

    دەنەدەگى ۆيتامين D نى ارتتىرادى. تەرى كۇن نۇرىن قابىلداعاننان كەيىن دەنەدەگى ۆيتامين D نىڭ مولشەرى جوعارىلايدى. ول دەنەنىڭ كالتسي ءسىمىرۋىن تەزدەتىپ، سۇيەكتى اقاۋسىزداندىرادى.

ماقالانى حانزۋشادان اۋدارعان

    شۇعىلا لاشىن قىزى

 

جاۋاپتى رەداكتور: گۇلدەن ماقسات قىزى