قىستا تامىر كوكونىستى جەۋ دەنساۋلىققا پايدالى

  • كەلۋ قاينارى: ىلە گازەتى
  • 03:30:40 09/02/2018

    

    «كوكتەمدە گۇلدى، جازدا جاپىراقتى، قىستا تامىر كوكونىستى، كۇزدە جەمىستى كوپ جەۋ كەرەك» دەگەن ءسوز بار. نەلىكتەن قىستا تامىر كوكونىستى كوپ جەۋ كەرەك؟ بۇل جونىندە گۋاڭجوۋ مەديتسينا ۋنيۆەرسيتەتىنە قاراستى 2–شيپاحاناسىنىڭ جۇڭگوشا ەمدەۋ ءبولىمى مەڭگەرۋشىسىنىڭ ورىنباسارى جاڭ جيڭجى بىلاي دەيدى: «تامىر _ وسىمدىكتىڭ ەنەرگياسى كوپ ساقتالاتىن جەرى». وسى مەزگىل تامىر كوكونىستىڭ، مىسالى، شومىردىڭ، جاپون كارتوبىنىڭ، ءتاتتى كارتوپتىڭ، كارتوپتىڭ كوپتەپ بازارعا شىعارىلاتىن مەزگىلى، سوندىقتان تامىر كوكونىستى كوپتەپ تۇتىنىپ تۇرۋ كەرەك.

    شومىر. « ءدارى شوپتەر كاتولوگىندا» بىلاي دەلىنگەن: شومىردىڭ ىسىكتى، ىستىقتى، ۋىتتى قايتارىپ، قاقىرىقتى جىبىتەتىن ءونىمى بار.

    شومىردىڭ قورەكتىك قۇرامى وتە جوعارى، قۇرامىندا كومىر–سۋ قوسىلىسى جانە كوپ ءتۇرلى ۆيتامين بار، مۇنىڭ ىشىندە ۆيتاميننىڭ مولشەرى المۇرتتان 8–10 ەسە جوعارى، شومىردىڭ قۇرامىندا تاعى مينەرال زات پەن بەلوك بار بولىپ، وندا قىمىزدىق قىشقىلى بولمايدى، شومىردىڭ قۇرامىنداعى B توپتاعى ۆيتامين جانە كالي، ماگني سياقتى مينەرال زاتتار ىشەكتىڭ جيرىلۋىن تەزدەتىپ، دەنەدەگى كەرەكسىز زاتتىڭ سىرتقا شىعارىلۋىنا كومەكتەسەدى. ادامدار شومىردى تۇتىنعاندا قابىعىن الىپ تاستاۋعا ادەتتەنگەن، الايدا شومىردىڭ قۇرامىنداعى كالتسيدىڭ %98 ى ونىڭ قابىعىندا بولادى، سوندىقتان شومىردى قابىعىمەن تۇتىنۋ كەرەك. ەسكەرەتىن ءبىر ءجايت شومىردىڭ ءدامى اشتى ءارى سالقىن رايلى بولعاندىقتان اسقازانىندا جەلى بارلار، دەنەسى السىزدەر از تۇتىنعانى ءجون.

    جاپون كارتوبى. «ءدارى شوپتەر كاتولوگىندا»: بىلاي دەلىنگەن: جاپون كارتوبى بۇيرەككە پايدالى بولىپ، كوكباۋىردى اقاۋسىزداندىرىپ، ءىش ءوتۋدى توقتاتىپ، قاقىرىقتى ءجىبىتىپ، تەرىنى مايدالايدى، ول قالىپتى رايلى بولىپ، ءارقانداي ادامعا ۇيلەسە بەرەدى. ول تاعى قاننىڭ قانت قۇرامىن تومەندەتۋ رولىنا يە بولعاندىقتان، قانتتى نەسەپ اۋرۋىنا شالدىققاندارعا وتە باپ كەلەدى.

    شامگۇل ساباعى. «ءدارى شوپتەر كاتولوگىندا»: شامگۇل ساباعى _ جان تامىر دەپ جازىلعان. شامگۇل ساباعىنىڭ قۇرامىندا ۆيتامين B مول بولىپ، شارشاعاندى باسىپ، زات الماسۋدى تەزدەتەدى، ونىڭ قۇرامىندا تاعى ۆيتامين c، كالتسي، تەمىر سياقتى مينەرالدى تۇز بار، توتىعۋعا قارسى رول اتقارادى.

    جۇڭگوشا شيپاگەرلىك تۇرعىسىنان ايتقاندا، شيكى شامگۇل سالقىن رايلى بولىپ، ىستىق قايتارۋ، شارشاۋدان ايىقتىرۋ رولىن اتقارادى، پىسقاننان كەيىن جىلى رايلى بولىپ، اسقازاندى كۇتىمدەپ، كوكباۋردى اقاۋسىزداندىرىپ، قاندى جاقسارتادى، جوعارى قان قىسىم اۋرۋىنا شالدىققاندارعا وتە باپ كەلەدى، شامگۇل تامىرىندا تەمىر مول بولاتىندىقتان ءالسىز ادامدار جونىنەن وتە ۇيلەسەدى.

  

  ماقالانى حانزۋشادان اۋدارعان

    شۇعىلا لاشىن قىزى

جاۋاپتى رەداكتور: گۇلدەن ماقسات قىزى