قايىرىمدى ۇرپاق - وتباسىنىڭ باقىتى

  • كەلۋ قاينارى: شينجياڭ زاڭ جانە تۇرمىس گازەتى
  • 03:35:05 08/05/2018

    اۆتورى: دۋان مۋانچيڭ

    

    1

    ءومىر تىزگىنىن دۇرىس مەڭگەرە الماعان پەرزەنت قالاي عانا اتا - اناسىنا قايىرىمدى بولا الار؟ بۇل ەستىر جاننىڭ قۇلاعىنا تۇرپىدەي تيگەنىمەن، شىندىعىندا جۇرەككە جەتكىزىپ ايتقان، ماڭگى ەستەن قالار ءسوز ەدى.

    اتا - اناعا قايتكەندە وپالى بولۋ جونىندە نەشە مىڭ جىلدان بەرى ايتىلىپ كەلە جاتقان تاعىلىمدار جەتەرلىك، وندا قالاي ىستەگەندە اتا- اناعا وپالى بولعان بولامىز؟

    بۇرىن اقشامەن سالىستىرا كەلىپ، اتا- انامىزدىڭ بىزدەن كۇتەتىنى ولارعا جاساعان جاقسى مامىلەمىز شىعار دەپ ويلايتىنمىن. تۇرمىس تاۋقىمەتىن باستان كەشكەننەن كەيىن، ول ويىمنىڭ قاتە ەكەنىن شىنداپ سەزىندىم، اتا- انا ءۇشىن پەرزەنتىنىڭ ءومىر جولىن دۇرىس باسىپ، ءومىر تىزگىنىن مىقتاپ ۇستاي الۋىنىڭ ءوزى اتا- اناعا جاساعان ەڭ ۇلكەن قايرىمدىلىق ەكەن.

    ءوز ومىرىنە جاۋاپتى بولا العان پەرزەنت اتا - اناسىنا، باسقالارعا دا جاۋاپتى بولا الادى. ءوز تۇرمسىن باي - باياشاتتى، باقىتتى وتكىزە العان پەرزەنتتىڭ جاناشىر - جاقىندارىنا كوڭىل بولەتىن ۋاقىتى دا، كۇش قۋاتى دا بولادى.

    اتا - انا ەشقاشان پەرزەنتىنەن اتاق- ابىروي، بايلىق - داۋلەت دامەتپەيدى، ولار تەك پەرزەنتىنىڭ امان - ەسەن، باقىتتى عۇمىر كەشۋىن عانا ويلايدى. پەرزەنتىنىڭ باقىتى ولاردىڭ ەڭ ۇلكەن قۋانىشى بولماق.

    2

    نەشە جىلدىڭ الدىنداعى جەلتوقسان ايىندا، دوستارىممەن بىرگە تاۋلى رايونداعى قاردى كورۋگە باردىق، جول بويى ءبىر قىستاقتان ءوتىپ بارا جاتىپ، ءبىر اجەيدىڭ بايىرعى ورىك اعاشىنىڭ ساياسىندا الدە نەگە اڭتارىلىپ وتىرعانىن كوردىم.

    شاشىن اق شالعان قارتتىڭ جۇزىندەگى قات - قابات اجىمدەرى تايعا باسىلعان تاڭباداي انىق ءارى قويۋ ءتۇس العان، اجارى تايىپ، ءۇپ ەتكەن جەلگە ۇشارداي بولىپ وتىر، وعان سايا بولعان ورىك اعاشى دا ومىرشەڭدىك قۋاتىنان ايرىلعان ىسپەتتى.

    اجەي قىستاق شەتىندە اتا - اناسىمەن بىرگە ويىننىڭ قىزىعىنا باتقان بالالاردان كوز المايدى.

    ولارعا قاراي - قاراي ورنىنان تۇرعىسى كەلىپ قوزعالىپ ەدى، اياعى ءزىل باتپان بولىپ قوزعالتپادى، ول ورنىنا قايتا وتىردى دا « سۇمدىق، سۇمدىق» دەپ كۇبىرلەدى.

    سول كەزدە مەن اجەي ايتقان «سۇمدىق» ءسوزىنىڭ بايىبىنا بارا المادىم دا، دوسىمنان اجەيدىڭ جايىن سۇرادىم. ءاسىلى بۇل اجەي سول جىلى 81 جاسقا كەلگەن، قىستاقتاعى جاسى ەڭ ەگدە قاريالاردىڭ ءبىرى ەكەن. ونىڭ ەكى ۇل، ءبىر قىزى بار بولىپ، ەڭ ۇلكەن بالاسىنىڭ ءوزى نەمەرە سۇيەتىن جاستا ەكەن. ءاسىلى اجەي نەمەرە - شوبەرەلى بولىپ، ءومىرىنىڭ قىزىعىنا باتاتىن مەزگىلى بولا تۇرسا دا، وتباسىندا تۋىلعان كوپتەگەن ىستەر ونىڭ ءومىر بويى سوقا باسى سوپيىپ جالعىز وتىرۋىنا سەبەپ بولعان.

جاۋاپتى رەداكتور: جازيرا بولاتباي قىزى