قايىرىمدى ۇرپاق - وتباسىنىڭ باقىتى

  • كەلۋ قاينارى: شينجياڭ زاڭ جانە تۇرمىس گازەتى
  • 03:35:05 08/05/2018

    اجەيدىڭ ۇلكەن بالاسى قىرىق نەشە جاسىندا قۇمارعا بەرىلىپ، ءبىر ادامدى جارالاپ، ءبىر ادامدى ولترگەندىكتەن ءومىرىنىڭ سوڭىنا دەيىن تۇرمەدە وتىرعان، ۇلكەن بالاسىنىڭ ۋايىمى مەڭدەتكەن اجەيدىڭ جولداسى ءىش قۇستا بولىپ، سوڭىندا سالماقتى ناۋقاسقا شالدىعىپ، دۇنيەدەن وزعان. ال ەكىنشى بالاسى جەتەلى بولىپ، باسىنا وتاۋ تىگىپ، باۋىرىنا قازان اسىپ، بالالى بولعاننان كەيىن الىسقا كەتىپ، ساۋدامەن شۇعىلدانادى. ساۋداسى ءبىر مەزەت كۇسەت بولعان ول ساۋىق - سايران قۇرىپ، ساۋداسىن دۇرىس الىپ جۇرمەي، سوڭىندا باسقالاردىڭ الدام قالتاسىنا ءتۇسىپ، قوماقتى سوماعا قارىزدانىپ، اقشاسىنان ءبىر - اق كۇندە ايرىلادى. ءۇي- مۇلكىن، اۋىلىنداعى جەرىن ساتقانىمەن دە قارىزىن تولەۋگە قاۋقارى جەتپەيدى. ساۋداسى كۇيرەگەننەن كەيىن، ايەلى دە نەكەدەن اجىراسىپ، بالاسىن الىپ توركىنىنە كەتەدى. اجەيدىڭ بالاسى اۋىلىنا قايتۋدان نامىستانىپ اۋىلىنا دا اتتاپ باسپايتىن بولعان.

    ءۇيدىڭ كەنجەسى بولعان قىزى بۇرىن ۇنەمى اجەيگە قارايلاسىپ، ونىمەن بىرگە قيىن- قىستاۋ كۇندەردى بىرگە وتكىزگەن بولسا دا، كەيىن كەلە قىزى ءوز ەركىمەن ءبىر قاڭعىباس جىگىتپەن ۇيلەنەدى دە جىگىتىمەن ۇيدەن شىعىپ كەتەدى، ءبىراق جىگىت قىزدى سۇيمەيدى. قىزىنىڭ دا نەكەسى ءساتسىز بولىپ، قىزىنىڭ تۇرمىسى دا تىم شىركىن- اي بولمايدى، قىزى دا اندا - ساندا شەشەسىن كورۋگە كەلەدى، ءوزىنىڭ دە تۇرمىسىن جارىتا الماعان قىزى شەشەسىنە دە ماندىتىپ قارايلاسا المايدى.

    3

    بۇل وقيعانى ەستىپ كوزىنەن جاس ىرىشىپ كەتتى، اجەيدىڭ جايى شىنىندا ايانىشتى ەدى.

    ءبىر تالاي جىلدان كەيىن، اجەي دە و دۇنيەلىك بولىپتى. ءبىراق ول جەردەگى اۋىلداستاردىڭ ءبارى اجەيدىڭ ۋايىم ىشىندە ءومىر وتكىزگەنىن بىلەتىن ەدى.

    كەزىندە اجەيدىڭ بالالارى ونىڭ اياعىنا ورالىپ، ەسەيگەننەن كەيىن اتا- اناسىنا وپالى بولاتىنىن؛ مول اقشا تاۋىپ، اتا- اناسىن ساۋلەتتى سارايعا وتىرعىزاتىنىن، سول ارادا ءومىر بويى بىرگە تۇراتىندىقتارىن ايتۋشى دەپ اۋىلداستارى وكىنشپەن ەسكە الاتىن.

    ال سوڭىندا نەمەن تىندى؟

    اجەيدىڭ پەرزەنتتەرى ءوز تاعدىرىنا جاۋاپكەرسىزدىكپەن قارادى، وزدەرىن تىعىرىققا تىرەپ، تاعدىرىن تىراگەديامەن اقىرلاستىردى.

    بۇل قايعى- قاسىرەت پەرزەنتتەرىنىڭ وزىمەن عانا كەتپەستەن، اتا - اناسىنىڭ جۇرەگىنە وشپەس سىزات سالىپ، قايعى- قاسىرەتكە باتىرىپ كەتتى.

    ءوز ءومىرىمىزدىڭ تىزگىنىن دۇرىستاپ ۇستاي الماي تۇرىپ، قالاي عانا اتا - انامىزعا قايرىمدى بولماقپىز؟

جاۋاپتى رەداكتور: جازيرا بولاتباي قىزى