قايىرىمدى ۇرپاق - وتباسىنىڭ باقىتى

  • كەلۋ قاينارى: شينجياڭ زاڭ جانە تۇرمىس گازەتى
  • 03:35:05 08/05/2018

    4

    جوعارىداعىداي وقيعالار از ەمەس.

    مەنىڭ السىتاعى تۋىسىمنىڭ بالاسى بار ەدى، كىشكەنتايىنان زەرەك، وقۋ ناتيجەسى جاقسى، ونىڭ دا كەزىندە اسقاق ارماندارى بولعان، ول شيپاگەر، وقىتۋشى جانە عالىم بولۋدى ارماندايتىن: جوعارى مەكتەپتە وقىعاننان كەيىن چيڭحاي كولىنە بارىپ، جۇلدىز تاماشالاپ، اتا - اناسىن وڭتۇستىڭ انتاراتكيكاعا اپارىپ پينگۋىن كورسەتۋدى، نوۆاي ارالىنا بارىپ، ۇيەك جارقىلىن كورۋدى ارماندايتىن.

    سول كەزدە، ول ۇنەمى اتا- اناسىنىڭ جانىنان شىقپاي، بولاشاقتاعى ارماندارىن ايتىپ وتىراتىن. ەرجەتكەندە، جاقسى ىستەپ، مول اقشا تاۋىپ، اتا- اناما تاۋسىلمايتىن بايلىق بەرەمىن؛ ادەمى كەلىنشەك الىپ، اتا- اناما نەمەرە سۇيدىرەمىن، ۇنەمى ساۋعا الىپ، اتا- اناما ۇسىنامىن، ۇنەمى ولاردى ساياحاتقا ەرتىپ شىعامىن دەيتىن.

    سول جىلدارداعى كورىنستى ەسكە العاندا «قايىران رياسىز بالالىق- اي» دەگىم كەلەدى!

    ال ول ەسەيگەننەن كەيىن شى؟ قۇمار ويناۋعا بەرىلىپ، ەلدەن جوعارى ءوسىمدى قارىز الىپ، ميلليون يۋان اقشانىڭ كۇلىن كوككە ۇشىردى، باسقالاردىڭ قارىزىن قۋزاۋىنان الاڭداپ، ۇيىنەن شىقپاس بولدى، اتا- اناسى دا ءومىرىنىڭ سوڭىن سارى ۋايىممەن وتكىزدى.

    ول بارلىق جاۋاپكەرلىكتى اتا - اناسىنا تاستاپ ۇيىنەن دە شىعىپ كەتتى. قارتايعان اتا- اناسى ونىڭ قارىزىن قايتارىپ، نەمەرەسىن باعىپ، ءاپ- ساتتە قارتايىپ كەتتى. ءومىر تىزگىنىن دۇرىس ۇستاي الماعان ول باسىنان وتكەن الما عايىپ ىستەردىڭ ءبارى اقىماقتىق ەكەنىن شىنداپ ءتۇسىندى.

    وپالى بولۋ اۋىز جۇزىندەگى نارسە ەمەس، قايتا ونى ءىس- ارەكەت ارقىلى بەينەلەۋ بارىنەن ماڭىزدى. وپالى بولۋدى اقشامەن ولشەۋگە كەلمەيدى، ءدامدى تاعام، ساۋلەتتى ساراي، قىمبات ماشينا بولسا اتا- انا سوڭعى ءومىرىن الاڭسىز وتكىزەدى دەپ ويلاساڭ قاتەلەسكەنىڭ. اتا- اناڭا جاساعان ەڭ ۇلكەن قايرىمدىلعىڭ - ونىڭ كوڭىلىن الاڭسىز ەتۋ. اتا- انا تىرىسىندە سەنىڭ ساۋ- دەنەلى، قام- قايعىسىز ەسەيىپ- ەرجەتۋىڭدى، ءوز جولىن دۇرىستاپ جۇرەتىن، قوعامعا جارامدى ازامات بولۋىڭدى ويلايدى.

    پەرزەنتىنىڭ اماندىعى اتا- انانىڭ شەكسىز قۋانىشى، پەرزەنتىنىڭ باقىتى اتا- انانىڭ باقىتى.

    ءومىرىڭدى ءماندى وتكىز، اتا- اناڭا اۋىرتپالىڭدى سالما. وسىلاي ىستەگەندە عانا اتا- اناڭا قايرىمدىلىق ىستەگەن بولاسىڭ.

    اۋدارعان: تولقىن ايتان قىزى

جاۋاپتى رەداكتور: جازيرا بولاتباي قىزى