جۇرەك بۇلشىق ەتىنىڭ ءتۇيىلۋى، ميعا قان قۇيىلۋ، ۇزاق عۇمىر كورۋسياقتىلاردىڭ ءبارى ءبىر ۋاققى تاماقپەن قاتىستى

  • كەلۋ قاينارى: ىلە گازەتى
  • 04:38:24 10/05/2018

    جۇرەك بۇلشىق ەتىنىڭ ءتۇيىلۋى مەن ميعا قان قۇيىلۋ ادامزات ومىرىنە حاۋىپ توندىرەتىن ەكى ءتۇرلى اۋرۋ. الايدا كوپتەگەن ادام وسى ەكى ءتۇرلى اۋرۋدىڭ قالاي پايدا بولاتىنىن بىلمەيدى، امالياتتا بۇل تاڭەرتەڭگى اسقا نەمقۇرايدى قاراۋمەن قاتىستى.

    ەگەر ادام تاڭەرتەڭگى تاماقتى ىشپەسە اسقازاندا ازىقتىق بولماي، دەنەدەگى قاندا B تيپتى كوپتەگەن قان ۇيىعى پايدا بولادى. مىنە، بۇل قاننىڭ قاتۋىن كەلتىرىپ شىعارىپ، جۇرەك بۇلشىق ەتىنىڭ ءتۇيىلۋىن پايدا قىلادى. بۇدان تىس، تاڭەرتەڭگى تاماقتى جەمەيتىن ادامنىڭ قان تاباقشاسى تاڭەرتەڭگى تاماقتى جەيتىن ادامنىڭ قان تاباقشاسىنا قاراعاندا، ءتىپتى، جابىسقاق بولادى. بۇل قان ۇيىعىنىڭ قالىپتاسۋ مولشەرىن ارتتىرىپ، جۇرەك بۇلشىق ەتىنىڭ ءتۇيىلۋى مەن ميعا قان قۇيىلۋعا وڭاي دۋشار ەتەدى.

    تاڭەرتەڭگى تاماقتى ىشپەۋدىڭ ءۇش ۇلكەن زيانى

    1. ۇنەمى تاڭەرتەڭگى تاماقتى ىشپەسە قانتتى نەسەپ اۋرۋى مەن قانداعى ماي، قانت جوعارى بولۋ جانە جوعارى قان قىسىم اۋرۋى وڭاي پايدا بولادى. بۇل جۇرەك اۋرۋىنا شالدىعۋدىڭ حاۋىپىن %27 ارتتىرا تۇسەدى.

    2. زەرتتەۋلەردەن ۇنەمى تاڭەرتەڭگى تاماقتى ىشپەسە تومەن تىعىزدىقتاعى مايلى بەلوك قان تامىردا جينالىپ، ارتەريانىڭ قاتايۋىن پايدا قىلاتىندىعى بايقالعان. تەكسەرۋلەردەن دە ۇنەمى تاڭەرتەڭگى تاماقتى ىشپەيتىندەردى تاڭەرتەڭگى تاماقتى ىشەتىندەرمەن سالىستىرعاندا ميعا قان قۇيىلۋ، جۇرەك بۇلشىق ەتىنىڭ ءتۇيىلۋى سياقتى اۋرۋعا شالدىعۋدىڭ ىقتيمالدىعى جوعارى بولاتىندىعى بايقالعان.

    3. زەرتتەۋلەردەن ۇنەمى تاڭەرتەڭگى تاماقتى جەمەسە نەمەسە ادەتتەگىدەي جەسە، عۇمىردىڭ قىسقارۋى ورتا ەسەپپەن 2.5 جاس بولاتىنىن كورۋگە بولادى. بۇدان تىس، تاڭەرتەڭگى تاماقتىڭ ساپاسى ادامنىڭ ءبىر كۇنگى ويلاۋ قابىلەتىنە ىقپال ەتەدى، سوندىقتان تاڭەرتەڭگى تاماقتىڭ ساپاسىنا كوڭىل ءبولۋ وتە ماڭىزدى.

    تاڭەرتەڭگى تاماقتى ىشۋدەگى بەس ۇلكەن تيپتىك قاتەلىك

    قازىرگى كەزدە تۇرمىس ريتىمى بارعان سايىن تەزدەپ، كوپتەگەن ادام تاڭەرتەڭگى تاماققا وتە جەڭىل–جەلپى قارايتىن بولدى، ادەتتەگىدەي جەي سالادى نەمەسە جەمەيدى. امالياتتا تاڭەرتەڭگى تاماققا نەمقۇرايدى قاراۋعا بولمايدى، ولاي بولسا قالاي جەگەندە قورەكتىگى تولىق بولادى ءارى تاڭەرتەڭگى تاماقتى جەۋدەگى قاتە ادەتتەن قالاي ساقتانۋعا بولادى؟

    1.تۇرا سالىپ ءىشۋ. ماماندار بىلاي دەپ قارايدى: ادام تۇندە ۇيىقتاۋ بارىسىندا دەنەنىڭ كوپ ءبولىم مۇشەسى دەمالادى، الايدا اس قورىتۋ مۇشەسى قاجەتتىلىك ءۇشىن كەشكى استى سىمىرەدى دە تاڭعا تاياۋ دەمالۋ كۇيىنە وتەدى. ەگەر تاڭەرتەڭگى تاماقتى وتە ەرتە ىشسە، اسقازان–ىشەكتىڭ دەمالىسىنا ىقپال ەتىپ، ۋاقىت ۇزارا كەلە اسقازان–ىشەكتىڭ قىزمەتىن زياندايدى. سوندىقتان تاڭەرتەڭ تۇرعاننان كەيىن الدىمەن سۋ ءىشىپ، ۇيىقتاعان كەزدە سارىپ بولعان سۋدى تولىقتاپ، 30–20 مينۋت ارەكەت جاساپ، ونان سوڭ تاڭەرتەڭگى تاماقتى ىشسە ۇيلەسىمدى بولادى.

جاۋاپتى رەداكتور: جازيرا بولاتباي قىزى