جۇمىرتقانى ساقتاي دا، تۇتىنا دا ءبىلىڭىز

  • كەلۋ قاينارى: ىلە گازەتى
  • 04:39:31 10/05/2018

    جۇمىرتقا ادامدار تۇرمىسىندا كەم بولسا بولمايتىن ازىقتىق. الايدا جۇمىرتقانى قالاي ساقتاۋ، قالاي ىستەتۋگە كوپ ادام كوڭىل بولمەيدى. تومەندە جۇمىرتقا تۇتىنۋدا كوڭىل بولەتىن بىرنەشە تۇيىنگە توقتالامىز.

    جۇمىرتقانى كولدەنەڭ قويۋعا بولمايدى

    جاڭا جۇمىرتقانىڭ اعى قويمالجىڭ بولادى دا، جۇمىرتقانىڭ سارىسى جۇمىرتقانىڭ اعىنىڭ ءدال ورتاسىنا ورنالاسىپ، ۇزاق ساقتالعاندا، اسىرەسە، سىرتقى تەمپەراتۋرا جوعارىلاعان كەزدە جۇمىرتقا اعى سۋسىزدانىپ، جۇمىرتقا سارىسىنىڭ تۇراقتىلىعى جويىلادى. وسى كەزدە جۇمىرتقا كولدەنەڭ قويىلسا جۇمىرتقا سارىسىنىڭ مەنشىكتى سالماعى جۇمىرتقا اعىنىڭ سالماعىنان ازايىپ كەتەدى دە جۇمىرتقا سارىسى جوعارى قالقىپ شىعىپ، جۇمىرتقا قابىعىنا جابىسىپ، جۇمىرتقا قابىعى بۇزىلادى. سوندىقتان جۇمىرتقانى كولدەنەڭ قويىپ ساقتاۋعا بولمايدى.

    بىلاي ىستەۋ ارقىلى جۇمىرتقانى ەكى ايدان ارتىق ساقتاۋعا بولادى

    1.بازاردان اكەلگەن جۇمىرتقانى ۋاعىندا مۇزداتقىشتىڭ سالقىن ساندىعىنا دۇرىس قويۋ كەرەك. ادامدار ادەتتە جۇمىرتقانى ساتىپ اكەلگەننەن كەيىن مۇزداتقىشتىڭ ىشىنە قالاي بولسا سولاي قويا سالادى. مۇندا جۇمىرتقانىڭ ۇلكەن جاعىن جوعارى، كىشىلەۋ جاعىن تومەن قاراتىپ قويۋ كەرەك. وسىلاي بولعاندا جۇمىرتقا سارىسى جوعارى قاراي كوتەرىلىپ، ميكروپتىڭ جۇمىرتقا سارىسىن بۇزۋىنان ساقتانۋعا ءارى جۇمىرتقانى ۇزاق ۋاقىت ساقتاۋعا بولادى.

    2. جۇمىرتقانى وڭاي بۋلاناتىن زاتتارمەن بىرگە ساقتاۋعا بولمايدى. ناقتىلاپ ايتقاندا جۇمىرتقانى سارىمساق، جەمجەمىل، قىزىل بۇرىش سياقتى ءيىسى كۇشتى ازىقتىقتارمەن بىرگە قويعاندا، مۇنداي ونىمدەر جۇمىرتقا قابىعىنىڭ تىنىس ساڭلاۋى ارقىلى جۇمىرتقانىڭ ىشىنە كىرىپ، جۇمىرتقانى بۇزادى.

    3. مۇزداتقىشتا ساقتالعان جۇمىرتقانى مۇزداتقىشتان شىعارعاننان كەيىن تەزدەتىپ پايدالانۋ كەرەك، ونى ۇزاق ساقتاۋعا نەمەسە قايتالاي مۇزداتقىشقا قويىپ ساقتاۋعا بولمايدى. ويتكەنى جۇمىرتقا مۇزداتقىشتان شىعارىلعاننان كەيىن سۋىق ورتادان جىلى ورتاعا بارىپ، جۇمىرتقانىڭ سىرتى دىمقىلدانادى، وسىنداي جاعدايدا باكتەريالار مەن ميكرو ورگانيزمدەر جابال ءوربىپ، جۇمىرتقا قابىعىنان ءوتىپ جۇمىرتقانىڭ ىشىنە وتەدى. سوندىقتان جۇمىرتقانى مۇزداتقىشتان شىعارعاننان كەيىن دەرەۋ ىستەتكەن ءجون.

    4.جۇمىرتقانى ساقتاۋدان بۇرىن جۋۋعا بولمايدى. ءىشىنارا جۇمىرتقانىڭ سىرتى تازا بولمايتىندىقتان ادامدار جۋىپ ساقتاۋ ارقىلى باسقا ازىقتىقتاردىڭ بىلعانۋىنان ساقتانادى، ءبىراق جۇمىرتقانى جۋۋ بارىسىندا جۇمىرتقانىڭ قابىعىنداعى جارعاقشا بۇلىنەدى دە باكتەريالار مەن ميكرو ورگانيزمدەر جۇمىرتقاعا وڭاي ءسىڭىپ، جۇمىرتقانىڭ ساپاسى وزگەرەدى. جۇمىرتقانى جۋىپ ساقتايمىز دەگەندەر بولسا، جۋىلعان جۇمىرتقانى ساقتىق قالتاسىنا نەمەسە حاۋىپسىز ساقتىق جارعاعىنا وراپ ساقتاسا جۇمىرتقانىڭ ساپاسىنا كەپىلدىك ەتۋگە بولادى.

جاۋاپتى رەداكتور: جازيرا بولاتباي قىزى