سيىر سۇتىنەن باسقا تاعى قانداي تاعامدار كالتسي تولىقتايدى

  • كەلۋ قاينارى: ىلە گازەتى
  • 04:40:26 10/05/2018

    كوپتەگەن ادام كالتسي تولىقتاعاندا، كالتسي تابلەتكاسىن تۇتىنسا بولدى دەپ قارايدى، امالياتتا تاعامداردى تاڭداپ تۇتىنۋ ارقىلى دا كالتسي تولىقتاۋعا بولادى. كالتسي قۇرامى جوعارى تاعامداردان سيىر سۇتىنەن تىس باسقا دا كوپتەگەن تاعامدار بار.

    سيىر سۇتىنەن وندىرىلگەن تاعامدار

    سيىر ءسۇتى مەن ودان وندىرىلگەن تاعامدار تابيعي كالتسي قويماسى سانالادى. ولاردىڭ كالتسي قۇرامى جوعارى بولىپ قانا قالماستان ءسىمىرىلۋى دە جاقسى بولادى.ءار 100 ميلليليتر سيىر ءسۇتىنىڭ قۇرامىندا 104 ميلليگرام كالتسي بولادى، ەگەر ءار كۇنى 300 ميلليليتر سيىر ءسۇتىن ىشەتىن بولسا، 50 جاستان اسقان ورتا جاستاعىلار مەن قارتتار ءبىر كۇنگى تولىقتاۋعا ءتيىستى كالتسي مولشەرىنىڭ 10 نان 3 ىن تولىقتايدى دەگەن ءسوز.

    دەنە سالماعى اۋىر، قانىنىڭ ماي قۇرامى جوعارى ورتا جاستاعىلار مەن قارتتار سۇتتەن باسقا سۇتتەن جاسالعان ونىمدەردى تۇتىنۋىنا بولادى.

    جاسىل جاپىراقتى كوكونىستەر

    جاسىل جاپىراقتى كوكونىستەردىڭ كالتسي قۇرامى جوعارى بولۋ مەن بىرگە، كالي، ماگني، ۆيتامين C سياقتى ازىقتىق زاتتار دا مول بولىپ، كالتسيدىڭ ءسىمىرىلۋى دە جوعارى بولادى.

    سۋ ونىمدەرى

    سۋ ونىمدەرىنەن بالىق، سۋ شايانى، قىسقىش، جۇمساق دەنەلىلەردىڭ قۇرامىندا كالتسي جوعارى بولادى. بالىق تەكتەستەردىڭ قۇرامىنداعى كالتسيدىڭ مولشەرى شامامەن 50 ~150 ميلليگرام دا 100 گرام بولىپ، جۇمساق دەنەلىلەردىڭ قۇرامىنداعى كالتسيدىڭ مولشەرى، ءتىپتى، جوعارى بولادى، ياعني 200 ميلليگرام دا 100 گرام بولادى، كەيبىر سۋ ونىمدەرىنىڭ ىشكى مۇشەسىندە حولەستەرين ءبىرشاما جوعارى بولادى، مىسالى، قىسقىش سارىسى، ۋىلدىرىق سياقتىلاردا. سوندىقتان بۇل ونىمدەردى وتە كوپ تۇتىنۋعا بولمايدى.

    قاتتى قابىقتى جەمىستەر

    قاتتى قابىقتى جەمىستەردىڭ ماي قۇرامى ءبىرشاما جوعارى بولعانىمەن قۇرامىنداعى كالتسيدىڭ مولشەرى دە جٶعارى بولادى. ءار ءتۇرلى قۋىرىلعان جەمىستەردىڭ كالتسي مولشەرى 100~200 ميلليگرام دا 100 گرامعا دەيىن بولادى.

    حانزۋشادان اۋدارعان: جاينا دالاباي قىزى

جاۋاپتى رەداكتور: جازيرا بولاتباي قىزى