ايەل نەسىمەن ادەمى

  • كەلۋ قاينارى: شينجياڭ زاڭ جانە تۇرمىس گازەتى
  • 03:36:00 16/05/2018

 

    نۇرسەرىك قۇرمەت قىزى

    جۋىقتا ءبىر جاس ءتىلشى ماعان ايەلدەر الەمىنە قاتىستى بىرنەشە سۇراۋ تاستادى، سول سۇراۋلار جونىندەگى ويىمدى كوپپەن ءبولىسۋگە بەكىدىم.

    «ايەلدەر الەمى نەسىمەن ادەمى؟ سول ادەمىلىكتى سومداۋدىڭ كىلتى نەدە»؟

    ايەلدەر الەمى جارىعى كۇشتى، جىلۋى مول جاقسى ايەلدەردىڭ كوپتىگىمەن ادەمى. ايەل كوركەمدىكپەن، ادەمىلىكپەن ەگىز. جاقسى ايەل دەگەن ءسوز ءوز بورىشىن جاقسى تىندىرعان، قوعامعا ەسەلى ۇلەس قوسقان ايەلدەرگە قاراتىلعان. جاقسى ايەلدىڭ جان دۇنيەسى شاپاعاتقا، مەيىرىمگە، قايىرىمدىلىققا تولى بولادى. جاقسى ايەلدىڭ رولى تۋرالى توقتالعاندا ادامداردىڭ ساناسىنا بەرەكەسى جاراسقان شاڭىراق، وپالى ۇرپاق، كوڭىلدى قارت، ەڭسەلى ەر ەلەستەيدى. قورمال انا، ادال جار، مەيىرىمدى كەلىن، قامقورشى جەڭگە، تاتۋ كورشى ورالادى. ويتكەنى ايەل−وتباسى بەرەكەسىنىڭ ۇيىتقىسى، جاراسىمدىلىقتىڭ دانەكەرى، ءوزىنىڭ بارلىق كۇش-قۋاتىن، قابىلەتىن، ارمان-مۇراتىن وتباسىنداعىلارعا باقىت باعىشتاۋعا ارنايتىن جاپاكەش جان. ايەل جاراسىمدى مىنەزى، يبالى ارەكەتى، مەيىرىمگە تولى لەبىزى، ەپشىل ەڭبەگى، رەتتى دە تازا تۇرمىس داعدىسى سىندى اسىل قاسيەتتەرى ارقىلى اينالاسىنا تەڭدەسسىز ساۋلە شاشىپ، بالا-شاعاسىن جاراسىمدىلىقتىڭ كاۋسار بۇلاعىنان سۋسىنداتادى، ولاردى قوعامعا جارامدى ادام ەتىپ جەتىستىرەدى.

    ايەلدىك ادەمىلىكتىڭ قامتىمى مول. مۇراتتى، ءمورالدى بولۋ، ءوز قىزمەتىن نەمەسە جۇمىسىن ويداعداي تىندىرۋ، قوعامدىق ءمورالعا جات پيعىلدارعا قاتاڭ سوققى بەرۋ، اينالاسىنداعىلارعا ناقتى ءىس-ارەكەتى ارقىلى ۇلگى، ونەگە بولۋ، رەتتى كيىنىپ تازا ءجۇرۋ، سىرتقى سۇلۋلىق پەن ىشكى سۇلۋلىقتى تەڭ جەتىلدىرۋ سياقتىلار ايەلدەردىڭ وبىرازىن سومداپ، قىمباتىن اسىراتىن باستى دانەكەر.

    بۇگىنگى ءداۋىر ايەلدەرىنىڭ ادەمىلىگى بىلىمدىلىگىمەن، پاراساتتىلىعىمەن تىكە قاتىستى. ايەلدەر الەمىن ونان ارى ارلەندىرۋ ءۇشىن ءبىلىمدى بولۋىمىز، ءداۋىر رۋحىمەن قارۋلانۋىمىز، تاربيەلىك ءمانى كۇشتى تاماشا جوسىندار مەن جاقسى قاعيدالارعا قۇرمەت ەتۋىمىز، ٴوزىمىزدى زامانعا ساي كەلەتىن پاراسات ارقىلى سومداۋىمىز كەرەك. ادەمىلىكتى سومداۋ ءۇشىن ءومىرىمىزدىڭ جالعاسى بولعان بالالارىمىزدى جاقسى باۋلۋىمىز، ۇرپاق تاربيەسىن مىقتى ۇستاۋىمىز قاجەت. بالانىڭ ءبىرىنشى وقىتۋشىسى، ۇستازى اناسى. «پالاپان ۇيادا نەنى كورسە ۇشقاندا سونى الادى»، «جاقسى وقىتۋشىدان جارامدى شاكىرت»، «ۇستازى جاقسىنىڭ ۇستامى جاقسى»،-دەيدى ٴدانىشپاندار، جاقسى ۇيادا ماپەلەنىپ، جاقسى ۇستاز، پاراساتتى وقىتۋشىدان ءتالىم العان بولعان بالانىڭ ءومىرى نۇرلى، ارمانى اسقاق بولارى انىق.

    قازىرگى داۋىردەگى ايەلدەردىڭ موينىنداعى اۋىرتپالىق قانشالىق؟

جاۋاپتى رەداكتور: گۇلدەن ماقسات قىزى