ايەل نەسىمەن ادەمى

  • كەلۋ قاينارى: شينجياڭ زاڭ جانە تۇرمىس گازەتى
  • 03:36:00 16/05/2018

    ەلىمىز ازات بولعان كۇننەن تارتىپ جۇڭگو كوممۋنيستىك پارتياسى ەر-ايەل تەڭدىگىن باسا دارىپتەپ، ايەلدەردى قوعامدىق جۇمىستارعا كوپتەپ ات سالىسۋعا، ءار سالادا ءوز ارتىقشىلىقتارىن ساۋلەلەندىرىپ، ەسەلى ەڭبەك كورسەتۋگە، ەڭبەك ارقىلى تۇرمىستارىن جاقسارتۋعا، شاڭىراقتارىنىڭ ەكونوميكاسىن شالقىتۋعا، وتانىمىزدى كوركەيتۋگە تەر توگۋگە شاقىردى. وتباسى جۇمىسى وتە جاپالى، ول ەشكىم ەڭبەك اقى بەرمەيتىن، ەشكىم باعالامايتىن، ماڭگى ىستەلىپ بولمايتىن ەڭبەك. ال جاقسى ايەلدەر ونى ماڭگىلىك اياقتامايتىن قىزىقتى ۇلاسپالى تەلە فيلىم كورگەندەي قىزعىندىلىقپەن، قۇشتارلىقپەن جالعاستىرادى. ودان ٴلاززات الادى، باقىت تابادى، بايلىق جاراتادى.

    قوعام دامىعان سايىن ادامنىڭ ساپاسى دا جوعارىلاۋى، زامانمەن تەڭ العا باسىپ، ءتۇرلى باسەكەلەرگە توتەپ بەرەتىن قارىم-قابىلەتتە بولۋى كەرەك. ۇلتتىق سالت-سانا مەن ءداستۇردىڭ ۇقساماۋىنا ساي ءار ۇلت ايەلدەرىنىڭ موينىنداعى جۇكتىڭ سالماعى دا ۇقسامايدى. مىسالى حانزۋ حالقى ەرلەردىڭ قولى ءدامدى دەپ سانايدى، تاماقتى كوبىندە ەرلەر ىستەيدى. ءۇي جۇمىسىن ەر-ايەل تەڭ ىستەيدى. ال قازاق حالىقىندا ءۇي جۇمىسى، تاماق ىستەۋ، كىر جۋۋ، بالانى باۋلۋ، اتا-ەنەسىن كۇتىمدەۋ، تۋىستار ارا بارىس-كەلىس، الىم-بەرىم نەگىزىنەن ايەلدەردىڭ مويىندا. قىزمەتىن نەمەسە ەڭبەگىن ىستەي ءجۇرىپ، ءۇي جۇمىسىن ويداعىداي تىندىرۋ وڭاي ەمەس. سول سەبەپتى كۇندەلىكتى تۇرمىستا ايەلدەر كوپتەگەن جاپا-ماشاقاتقا جولىعادى، ءبىراق جاقسى ايەلدەر ونى قىسىم ەسەپتەمەيدى، قايتا سول قيىندىقتاردى جەتىلۋ، شىنىعۋ، دامۋ، باسەكەلىك قۋاتتى ارتتىرۋ بارىسىنا اينالدىرىپ، ومىردەن ۇشان تەڭىز تاربيە، تاجىريبە قابىلدايدى. سول جۇمىستاردىڭ مۇددەسىنەن شىعۋدى ايەلدىك ادەمىلىكتىڭ باستى ولشەمىنە اينالدىرىپ، ءداۋىر رۋحىنا سايكەسۋ ءۇشىن جاپالى ىزدەنىس جاساپ، تىنباي ۇيرەنىپ جان-جاقتى جەتىلەدى. ءورىسىن كۇن سايىن كەڭەيتىپ، اسىل ارماندارعا قول سوزادى. جان جارىمەن، بالا-شاعاسىمەن ويداعداي ءتىل تابىسىپ، وتىرىك ايتپايتىن، وسەك تاسىمايتىن، ارتىق تالاپ قويمايتىن، ۇنەمشىل، اشىق جارقىن مىنەزىمەن وتباسىنداعىلاردى قايىرىمشىلدىققا باۋلىپ وتباسى جۇمىستارىنا بارلىعى ات سالىساتىن جاقسى داعىدى قالىپتاستىرادى، سونىمەن ءوزىنىڭ يىعىنداعى جۇك جەڭىلدەيدى. بالا-شاعاسىن قايىرىمدىلىققا، ەڭبەكشىلدىككە باۋلۋ؛ تاماق ىستەۋ، كىر جۋۋ، ءۇي تازالاۋ سياقتى ىستەردى ىستەۋگە بەلسەنە كىرىسەتىن سانا قالىپتاستىرۋ؛ ءجۇرىس-تۇرىستا ەپتىلىككە، ادامدارعا مەيىرىمدى مامىلەدە بولۋعا، بىلمەگەنىن ۇيرەنۋگە قۇلشىناتىن ىنتىزارلىققا باۋلۋ سياقتىلار ايەلدىڭ ءوزى ءۇشىن دە، سول تاربيەنى قابىلداعان ادام ءۇشىن دە، قوعام ءۇشىن دە پايدالى. بۇل ايەل دەگەن اسىل اتقا ۇيلەسىپ، ءوز بورىشىن ادا ەتۋگە مول دايىندىق، جاقسى نەگىزبەن كىرىسكەندەر ءۇشىن قيىن ەمەس. بوس بەلبەۋ، جالقاۋ ايەلدەرگە تۇرمىستاعى ىستەردىڭ ءبارى جاپالى، بارلىق ىستە شىعار جول جوق، دۇنيە وتە تار سياقتى سەزىلەدى. ويتكەنى ولار «باقىتتىڭ اناسى−ەڭبەك» ەكەنىن تۇسىنبەيدى، قاشاندا دايارعا مايار بولۋدى تىلەيدى، وتباسىندا ۇنەمى ۇرىس-كەرىس تۋدىرادى. جولداسىنىڭ، جاقىن ادامدارىنىڭ، دوس-جاراندارىنىڭ، قىزمەتتەستەرىنىڭ جەتەرسىزدىگىن كەشىرۋ، جوقتان وزگەگە بولا ەسەپتەسپەۋ جولىمەن وزىنە كوڭىلدىلىك باعىشتاۋدى بىلمەيدى.

جاۋاپتى رەداكتور: گۇلدەن ماقسات قىزى