ايەل نەسىمەن ادەمى

  • كەلۋ قاينارى: شينجياڭ زاڭ جانە تۇرمىس گازەتى
  • 03:36:00 16/05/2018

 باسقالاردىڭ مازاعىنا ۇشىراۋدان قورقادى. وتباسى جاڭجالى بالانىڭ اقاۋسىز وسىۋىنە زالالدى. ومىردە مۇلتىكسىز ادام بولمايدى، ءبىراق مۇلتىكسىز بولۋعا قۇلشىنۋ مەن قۇلشىنباۋدىڭ ءونىمى باسقا. كەي كەزدەردە شىندىقتى قابىلداۋ قيىن بولعانىمەن، ونىڭ پايداسى زور. كەشىرىمشىل بولۋ ءوزىمىز ءۇشىن پايدالى، ونەگەلى ادام اينالاسىنا نۇر شاشادى، ال تاعى بىرەۋلەر ءوز ساۋلەسىن ءوزى قالقالايدى. كوڭىلدى اشۋ، ىزا، رەنىش تورلاعان كەزدە سونى تۋدىرعان ۋاقيعاعا باسقا تۇرعىدان قاراڭىز، ەلەمەي قويىڭىز. كەي ادامداردىڭ سىزگە ۇستاعان مىنەزى، ءىس-ارەكەتى ءوزىنىڭ ومىرىنەن حابار بەرەدى، ۇنەمى جولسىزدىق ىستەيتىن ادامدار ءوزىنىڭ اعاتتىعىن مۇلدە مويىندامايدى. ونىڭ كەسىرى وزىنە، ءسىز ءوزىڭىزگە، ءوز ىسىڭىزگە مىقتى بولىپ، قاشان دا جاقۇتتاي جارقىراۋعا قامدانىڭىز.

    بالانى جاقسى تاربيەلەۋ ءۇشىن ەرلى-زايىپتىلار وزدەرىنە قاتاڭ تالاپ قويىپ، بارلىق ءىس-ارەكەتتە جانە ءسوز، مىنەز، پيعىل سياقتىلاردا اعات باسپاۋعا قۇلشىنۋى كەرەك. «ايەلدىڭ جولى جىڭىشكە»، «كەلىنى جاقسى ءۇيدىڭ كەرەگەسى التىن»، «كەلىندى باستان، بالانى جاستان» دەلىنگەن تۇجىرىمداردىڭ استارى تەرەڭ، اقىلدى ايەل جان جارىن دا، بالا-شاعاسىن دا اقىلىمەن باۋليدى.

    ايەلدەر قانداي ەڭبەكپەن اينالىسقاندا قوعام ءۇشىن تەر توككەن بولادى؟

    ايەلدەر جونىنەن قوعامعا ەڭبەك ٴسىڭىرۋدىڭ، وتان ءۇشىن تەر توگۋدىڭ ورايى مول، جولى داڭعىل. «وتان وتباسىنان باستالادى»، ءاربىر ادام وتان اتتى ۇلى تۇلعانىڭ ءبىر-ءبىر كلەتكاسى. ءوزى وتىن جاققان شاڭىراقتى جاقسى ۇستايتىن ايەل، بالا-شاعاسىن جاقسى باۋليتىن انا، اتا-ەنەگە، تۋىس-تۋعانعا قايىرىمدى كەلىن، جان جارىنا وپالى قوساق بولۋدىڭ ءوزى قوعامعا ەڭبەك سىڭىرگەندىك. ايەلدەر الەمىنىڭ شۋاعىنا شومىلىپ، شاپاعاتىنا بولەنۋ ءۇشىن سول اسپانىڭ جارقىراعان جۇلدىزى، جايناعان گۇلى بولۋعا قاجەتتى ادەمىلىكتى سومداۋ كەرەك.

    كەزەكتە پارتيامىز بەن ۇكىمەتىمىز حالىقتى باقىتتى تۇرمىسقا كەنەلتۋدى مىقتى ۇستاپ، راقاتتى تۇرمىستىڭ نەگىزىن قالادى. ايەلدەردىڭ ءوز رولدارىن ويداعداي ساۋلەلەندىرۋىنە تاماشا وراي جاراتىلدى. ءبىراق جاقسى تۇرمىستىڭ راقاتىن كورۋ ءۇشىن دە جاقسى دايىندىق، زور قۇلشىنىس كەرەك. ءومىردىڭ وزىنە جۇكتەگەن ءساليقالى مىندەتىن ويداعداي ادا ەتۋگە قۇلشىنعان ايەل جونىنەن بوس ۋاقىت جوق. دەنى ساۋ ادامىڭ ءومىرى قاربالاس بولعان سايىن ءماندى. كەي ىستەردە كەدەرگىلەرگە، ساتسىزدىكتەرگە جولىعۋىمىز مۇمكىن، مۇندايدا قايسى بۋىندى اعات باسقانىمىزدى ويلاۋىمىز، ءوزىمىزدەگى كەمشىلىكتى وزگەرتۋىمىز، بىلمەگەنىمىزدى تولىقتاۋىمىز كەرەك.

جاۋاپتى رەداكتور: گۇلدەن ماقسات قىزى