نەكە ىستەرىندەگى كەلەڭسىزدىكتەرمەن كۇرەسە بىلەيىك

  • كەلۋ قاينارى: شينجياڭ زاڭ جانە تۇرمىس گازەتى
  • 03:37:12 16/05/2018

 بۇل قوعامعا ۇلكەن اۋىرتپالىق اكەلەتىن، قوعامنىڭ تىنىشتىعى مەن ورنىقتىلىعىنا ىقپال جەتكىزەتىن كومەسكى قاتەر سانالادى. سوندىقتان، تۇتاس قوعامدا ءمورالدى بولۋ، جاقسى سالت قالىپتاستىرۋ جاپپاي دارىپتەلىپ وتىرعان بۇگىنگى تاڭدا ەرلى-زايىپتىلار مىناۋ باياشاتتى ءومىردى، وتباسىن، اق نەكەسىن ارداقتاپ، ءوز ۇرپاعىنىڭ بولاشاعى مەن تاعدىرىنا، جەتەلى ازامات بولىپ جەتىلۋىنە جاۋاپتى بولۋى، باۋىر ەتى بالاسىنىڭ قاجەتىنەن ءسوزسىز شىعۋى، سۇيگەن جارىنا ادال بولۋى، سونىمەن بىرگە، ەرلى -زايىپتىلار ءوزارا تاتۋ - ءتاتتى بولىپ، ءبىرىن -ءبىرى قۇرمەتتەپ، بالالارىن احىلاقتى، ءمورالدى، ءتارتىپتى بولۋعا باۋلىپ، قوعامعا جارامدى ۇرپاق تاربيەلەپ جەتىستىرۋگە ات سالىسۋلارى قاجەت.

    قازىر قالا-قالاشىقتاردا نەمەسە اۋىل-قىستاقتاردا بولسىن جاستاي نەكەلەنۋ، جاسىرىن نەكە قيدىرۋ، نەكە كۋالىگىن الماۋ جايىتتەرى جاپپاي بەلەڭ بەرۋدە. نەكە زاڭىندا 20 عا تولعان جاستاردىڭ نەكەلەنۋىنە بولاتىندىعى انىق بەلگىلەنگەن. ءبىراق، ءىشىنارا جەتكىنشەكتەر جاستىقتىڭ جەلىگىمەن ەرتە باس قۇراۋعا بوي ۇرىپ وتىر. بۇلار ءتۇسىنىسۋدىڭ جەتەرسىزدىگى، جاستىق - شاقتىڭ البىرتتىعى مەن ءۇي ۇستاۋ تاجىريبەلەرىنىڭ كەمشىلدىگى سالدارىنان وتباسىندا شىعىسا الماي اجىراسىپ، اتا-اناسىنا ۇلكەن اۋىرتپالىق ارقالاتقىزىپ كەلەدى. كەيبىر ەرتە نەكەلەنىپ الىپ ارتىنان وتاسا الماي اجىراسىپ كەتكەن جاستار اراسىندا قارايلاساتىن اتا-اناسى بولماعاندىقتان جاڭا تۋىلعان نارەستەنى دالاعا تاستاپ كەتەتىن نەمەسە بالاسىنا قاراماي قاڭعىرتىپ جىبەرەتىن جايىتتەردە جوق ەمەس. مۇنداي مەيىرىمسىزدىكتىڭ قۇربانى بولعان تاستاندى بالالار قوعام مەن اتا-اناعا اۋىر جۇك بولارى داۋسىز. قازىر ءىشىنارا بۇقارا ناشار قوعامدىق سالتتىڭ، نەكەدەگى جامان ادەت پەن ءدىنني ۇشقارى يدەيانىڭ ىقپالىنا ۇشىراعاندىقتان، ءدىني سالىتتى نەكەنى تىزىمگە الدىرۋدىڭ ورىنىنا قوياتىن زاڭعا قايشى قۇبىلىس جارىققا شىقتى. ءبىر ءبولىم ادامداردىڭ زاڭدىق تانىمى ءالسىز، نەكەنى تىزىمگە الدىرۋ كوزقاراسى كۇڭگىرت بولعاندىعى سەبەپتى، ەرتە نەكەلەنۋ، نەكەنى كۇشپەن باۋراپ الۋ، ايەل ۇستىنە ايەل الۋ، ايەلدەر مەن بالالاردىڭ زاڭدىق ۇقىق - مۇددەسىنە كيلىگۋ جايتتەرى بەلەڭ بەرە باستادى. دىننەن پايدالانىپ نەكەگە ارالاسۋ ءجايتى تۋىلىپ، مەملەكەتتىڭ زاڭ - ەرەجەلەرىن اتقارۋعا كەدەرگىلىك جاسالدى. ماسەلەن، قۇلجا قالالىق قوعام حاۋىپسىزدىگى مەكەمەسى ۇستەگى جىلى ءدىني ۇشقارلىققا سوققى بەرۋ، نەكە سالاسىنداعى زاڭعا قايشى قىلمىستى ارەكەتتەردى ارناۋلى جونگە سالۋ قيمىلىن ورىستەتۋ بارىسىندا زاڭسىز «نەكە» وقۋ دەلوسىنان التاۋىن تەكسەرىپ انىقتاعان. تەكسەرىلىپ انىقتالعان بۇل التى زاڭسىز «نەكە» وقۋ دەلوسىنا قاتىستى ادام 17 بولىپ، ونىڭ ەڭ ۇلكەنى 52 جاستا بولسا، ەڭ كىشىسى 13 جاستا عانا ەكەن. سوندىقتان، نەكە ىستەرىندەگى مۇنداي زاڭعا قايشى ورەسكەل ارەكەتتى تۇبەگەيلى الاستاپ، قوعامنىڭ ورنىقتىلىعىن ساقتاۋ ءۇشىن، زاڭدىق كوزقاراسى كۇڭگىرت بولۋ، زاڭدى تولىق بىلمەۋ، زاڭ-ەرەجەلەر مەن ساياسي بەلگىلەمەلەردى تۇسىنبەۋ سالدارىنان زاڭعا قايشىلىق جاساعان، دەسە دە، ارەكەتىنەن ناقتى قىلمىس قالىپتاستىرىپ، جازا كەسۋگە تولماعان جاي بۇقاراعا زاڭدىق ۇگىت-تاربيە جۇرگىزىپ، نەكە سالاسىنداعى زاڭعا قايشى ارەكەتتەرگە بولعان اكىمشىلىك جازانى كۇشەيتكەن ءجون. سونداي - اق، نەكە كۋالىگىن الماعانداردىڭ «نەكەسىن» وقۋ، «نەكە» وقۋ سىندى ءدىني جوسىن بويىنشا نەكەلەندىرۋ، «تالاق» فورماسىمەن نەكەدەن اجىراستىرۋ، ءدىني قىزمەتكەر تولىمدىلىعىن الماعاندار «نەكە» وقۋ سىندى تاسىلدەرمەن قاساقانا قوعام ءتارتبىن بۇلدىرىپ، باسقالاردىڭ دەنساۋلىق اقاۋسىزدىعىنا زيان جەتكىزگەندەردى قاتىستى زاڭ - ەرەجە بويىنشا قاتال جازالاۋ كەرەك.

جاۋاپتى رەداكتور: گۇلدەن ماقسات قىزى