ەنەسى تەپكەن قۇلىننىڭ ەتى اۋىرمايدى

  • كەلۋ قاينارى: ىلە گازەتى
  • 03:40:49 23/05/2018

    ۋاڭ يۇيشان

    

    اتا-انا بولعان بىزدەر ۇنەمى بالالارىمىزدى اناداي-مىناداي دەپ تالقى تارازسىنا سالىپ جاتامىز، ال ءوزىمىزدى بالالارىمىزدىڭ كوزىمەن ساراپقا سالىپ كورەيىكشى كەسپىرىمىزدىڭ قانداي بولاتىنىن؟

    5-جىلدىقتا وقيتىن بالا جازعان «ەنەسى تەپكەن قۇلىننىڭ ەتى اۋىرمايدى» اتتى ماقالاسىن وقىعان سوڭ، ءاسىلى بالانىڭ كوزىنەن دە شەشەنىڭ ۇساق-تۇيەك كەمشىلىكتەرىنىڭ بار بولاتىنىن بايقايسىز...

    

    شەشەمدى ايتسا بولدى، اۋزىم بۋىلا قالادى. ەگەر، ءسوزسىز، ايت دەسەڭىز، مەن تەك ميىعىمنان عانا مىرىس ەتىپ كۇلەر ەدىم.

    شەشەمنىڭ اتى ويلان، جاراندار اتىنا قاراپ ويلامپاز، نەمەسە بايىپتى جان دەپ ويلاپ قالماڭىزدار، مۇنداي مىنەز مەنىڭ شەشەمدە اتىمەن جوق.

    شەشەمنىڭ ءبىر كۇنى بىلاي باستالادى. تاڭعى ساعات التى دا مەنى وياتادى، وياتاردا بەس جىلدان بەرى اۋزى ۇيرەنىپ قالعان جاتتاندى ءسوزىن قايتالاپ جاتادى مىجىڭداپ، «سورپىش، تۇر، تاڭەرتەڭ تەكىس وقى، سونىمەن دەرەۋ كەتتىك مىنە، گۋ –گۋ –گۋ-گۋ، داۋسىڭدى قاتىراق شىعارىپ ماعان ەستىرتىپ وقساي.... وقىپ بولدىڭ با؟... وقىپ بولساڭ كوكەك توبىندا جانە ءبىر جول جاتتاپ جىبەر... جاتتاپ بولدىڭ با؟ جاتتاپ بولساڭ ءتىسىڭدى ىسىپ، ءجۇزىڭدى جۋ، ءتىسىڭدى ەكى مينۋتتان ارتىق شوتكىلە، بەتىڭدى ەكى قايتارا جاقسىلاپ جۋ، قاراشى ساپالاعىڭدى كوزىڭدەگى بىلشىقتى-اي...

    تاڭعى اس ازىرلەپ ءجۇرىپ، ارالىعىندا جاتىن بولمەمەگە كەلىپ مەنىڭ نە ىستەپ جاتقانىمدى باقىلاپ كەتەدى.

    جالپى ايتقاندا، باكىن-شۇكىن ىستەرگە دەيىن، ەشتەڭەسىن قالدىرماي ورىنداتىپ، سومكەمدى اسىپ، ەسىكتەن شىققانشا توقتاماي سويلەيدى، سوڭىندا بارىپ، «قايىر قوش» قۇلىنىم دەپ اڭقاۋسي اتتاندىرىپ سالعان سوڭ بارىپ، سوڭعى نۇكتە قويىلادى.

    تۇستە وقۋدان تاراپ ۇيگە كەلەردە شەشەم توسىپ الادى دا، سول باياعى داعدىلى ادەتىنە باسادى... باياعى جارتاس ءبىر جارتاس جاڭعىرىقشا قايتالانا بەرەدى، وزگەرتپەيدى دە وڭدەمەيدى.

    ەگەر كىمدە –كىم ونى «اتى» زاتىنا ساي دەسە، مەن تەك مىرس ەتەر ەدىم.

    مەنىڭ شەشەم ادەبي رەداكتور، باسقالاردىڭ شىعارماسىن وزگەرتىپ بەرەتىن كىسى دەسەم دە بولادى. سوسىن ءسوزىم تۇسىنىكتى بولعان شىعار، ول مەن جازعان ءار قانداي ماقالانى كوزگە ىلمەيدى، وزەكتى يدەياسى جوق، سويلەمدەرىڭ قابىسپاعان، كوسەمسىپ كەتكەنسىڭ، تاماشا ءسوز، تارتىمدى سويلەمدەردى ورنىن تاۋىپ قولدانباعانسىڭ... قويشى ايتەۋ، باسى بار، اياعى جوق قويىرتپاق دۇنيە ەتىپ كورسەتەدى.

جاۋاپتى رەداكتور: جازيرا بولاتباي قىزى