«قۇلىنىم، مەرەكەڭ قۇتتى بولسىن!»

  • كەلۋ قاينارى: ىلە گازەتى
  • 09:38:55 06/06/2018

 

    - اينالايىن قۇلىنىم، مەرەكەڭ قۇتتى بولسىن، بۇل اپاڭنىڭ ساعان سيلاعان مەرەكەلىك تارتۋى، الا عوي.

    - نەسىنە اۋرە بولدىڭىزدار، راقىمەت، قانە تورلەتىڭىزدەر، سۇي اعام قايدا؟

    -ول كىسى ەسىك الدىندا كولىگىن توقتاتىپ كىدىرىپ قالدى، قازىر كەلەدى،- دەپ جاۋاپ قاتقان ۋاڭ حۇڭ تورلەتە باستادى.

    مىنە، بۇلار « ۇلتتار ىنتىماعىنىڭ بەرەكەلى شاڭىراعى» قيمىلى جاپپاي ورىستەتىلىپ، ءار ۇلت حالقى بەرەكە مەن بىرلىكتى، جاراسىمدىلىقتى بۇلتارتپاس ازاماتتىق بورىشىم دەپ ءبىلىپ، باۋىرمالدىق پەن تۋىستىقتى قاراپايىم ناقتى ونەگەسى ارقىلى جىرلاعان تۋىستار بولاتىن.

    5 –ايدىڭ 27 – كۇنى تۇستەن بۇرىن ساعات 14 تە قۇلجا قالاسى ازات داڭعىلى 1 – جان كوشەسىندەگى ءمالىم رەستۋراندا ۋاڭ حۇڭ مەن جولداسى سۇي يساي تۇرمىس جانە قىزمەت كۇيبىڭىمەن قاربالاس بولسا دا، ارەدىكتە ۋاقىت شىعارىپ، تۋىسى جاناردىڭ كىشكەنەسى بەكزاتتىڭ الدا كەلە جاتقان بالالار مەرەكەسىن قۇتتىقتاۋ ءۇشىن جينالىپ اق داستارقاندا باس قوسىپ شۇيىركەلەستى. ۋاڭ حۇڭنىڭ تۋىسى جانار الدىن الا حابارلاسقان تەلەفوندا: «اپاي، ءوزىڭىز قاربالاسسىز، ونىڭ ۇستىنە، «ەكىنى جاپپاي جالپىلاستىرۋ, قىزمەتىمەن اۋىلدا ءجۇرسىز، مەرەكەلىك تىلەگىڭىزدى ۇلىڭىزعا جەتكىزىپ قويامىن، اۋرە بولماڭىز» دەپ ەدى، تۋىسى ۋاڭ حۇڭ:«بالالار مەرەكەسى تاياپ قالدى، قۇتتىقتايمىز، بارلىقتارىڭ كەلىڭدەر»، – دەپ قىسقا قايىرىپ تەلەفوندى قويعان بولاتىن.

    ۋاڭ حۇڭ قۇلجا قالالىق زاڭ اتقارۋ مەكەمەسى ورتا تازالىعىن قورعاۋعا قىزمەت وتەۋ ورتالىعىنىڭ ورىنباسار شۋجيى، جانار وسى مەكەمەنىڭ قىزمەتكەرى بولاتىن، ەكى وتباسى تۋىس بولعاننان بەرى ءتۇرلى مەرەكە – مەيرامداردا باس قوسۋدان سىرت، اپتا سوڭىندا ۋاقىت جار بەرە قالسا، ەكى ءۇيدىڭ بالا -شاعاسىن الىپ جاقىن ماڭايداعى كورىنىس باقشالارىنا ساياحاتتاۋدى داعدىعا اينالدىرعان. مۇنداي قاراپايىم ىزگىلىك پەن كىسىلىك ۇلكەندەردىڭ تاتۋلىعى مەن سيلاستىعىن كۇشەيتكەننەن سىرت، ەكى ءۇيدىڭ بالالارىنىڭ دا بەرەكەسى مەن بىرلىگىن ارتتىرا ءتۇستى.

    « الىستاعى تۋىستان جاقىنداعى كورشى ارتىق » دەمەكشى، ۇلتتار ىنتىماعىن قورعاۋ، بەرەكە مەن جاراسىمدىلىقتى جىرلاۋ، باياشاتتى دا باقىتتى تۇرمىستى قاستەرلەۋ اۋىز جۇزىندە ەمەس، قايتا ناقتى ونەگە ارقىلى كورنەكتىلەنۋى كەرەك. سوندا تۋىستىق قاتىناس تەرەڭدەپ، سيلاستىق كۇشەيىپ، بەرەكە – بىرلىك نىعايادى. جاراسىمدى باۋىرمالدىقتىڭ، تۋىستىقتىڭ ونەگەسى ىرگەسىن كەڭ جايسىن.

    سەرىك سابىر ۇلى

جاۋاپتى رەداكتور: گۇلدەن ماقسات قىزى