اسىل ازىقتىق _ جاڭعاق

  • كەلۋ قاينارى: ىلە گازەتى
  • 03:59:18 18/07/2018

    دەنساۋلىققا پايدالى قاتتى قابىقتى جەمىستەردى ويلاعاندا ادامداردىڭ ءبارى فورماسى ۇلكەن ميعا ۇقسايتىن جاڭعاقتى كوز الدىلارىنا كەلتىرەدى. الايدا كوپتەگەن ادام جاڭعاقتىڭ ونە بويىنىڭ ءبارى اسىل ەكەنىن بىلمەيدى.

    جاڭعاقتىڭ ءدانى: (1) شاشتى كۇتىمدەپ، ادامدى اجارلاندىرا تۇسەدى. جاڭعاقتىڭ قۇرامىندا ۆيتامين B2، ۆيتامين B6 جانە ۆيتامين E وتە مول بولادى. بۇلاردىڭ ءبارىنىڭ شاشپەن تىعىز قاتىسى بار، شاشتى كۇتىمدەپ، قارايتادى. (2) ميعا پايدالى بولىپ، زەرەكتەندىرە تۇسەدى. جاڭعاقتىڭ قۇرامىنداعى ۆيتاميننىڭ توتىعۋعا قارسى تۇرۋ رولى بار بولىپ، باستىڭ قان اينالىسىن تەزدەتىپ، ۇلكەن ميعا وتتەگىن جەتكىزىپ بەرىپ، ۇلكەن ميدىڭ قىزمەت ونىمدىلىگىن جوعارىلاتادى. (3) ۇلكەن دارەتتى جۇرگىزىپ، ۋىتتى ايداپ، ارىقتاتادى. جاڭعاقتىڭ قۇرامىندا جاڭعاق مايى مەن ءىرى تالشىق مول بولىپ، ىشەكتى مايدالاپ، ۇلكەن دارەتتى جۇرگىزىپ، ۋىتتى ايداپ، دەنەنى جەڭىلدەتەدى. (4) جۇرەكتى قورعاپ، ۇزاق عۇمىر كورۋگە كومەگىن تيگىزەدى. جاڭعاق گليتسەريندى تومەندەتەدى. جۇرەكتى قورعاۋ جاعىنداعى رولى ءتىپتى دە ەرەكشە. دۇنيە جۇزىندەگى كوپتەگەن زەرتتەۋلەر مۇنى راستاپ وتىر. (5) بۋىن قابىنۋدان ساقتاپ، ءتىپتى، راقاتتاندىرادى. جاڭعاقتىڭ بۋىن قابىنۋ اۋرۋىن باسەيتۋ ءونىمى بار. بۋىن قابىنۋ اۋرۋى بارلار كۇنىنە 1–2 تالدان جەپ تۇرسا قوسىمشا ەمدەۋ رولىن اتقارادى.

    جاڭعاق قابىعى: (1) جۇتقىنشاق قابىنۋدى باسەيتەدى. جاڭعاق قابىعىن سۋدا قايناتىپ ىشسە وكپەنى مايدالاپ، جۇتقىنشاق قابىنۋدى باسەيتەدى. (2) گۇلگە پايدالى. گۇل وسىرۋگە قۇشتار دوستار جاڭعاق قابىعىن ۇساقتاپ گۇل تۇبەگىنىڭ تۇبىنە قويسا، اۋا، سۋ وتكىزگىشتىگى جاقسى بولىپ، گۇل تامىرىنىڭ شىرۋىنەن ساقتايدى.

    ۋاقىتى وتكەن جاڭعاق. ۇزاق ۋاقىت ساقتالعان جاڭعاقتىڭ ءدامى وزگەرەدى نەمەسە جاڭادان ساتىپ العان جاڭعاقتىڭ ىشىنەن دە بۇزىلعانى شىعادى. مۇنداي كەزدە ۋاقىتى وتكەن جاڭعاقتى تالقانداپ، گۇل تۇبەگىندەگى توپىراققا سالىپ، ءبىر ايدا ءبىر رەت اۋدارىپ، سۋ شاشىپ تۇرسا تاماشا تابيعي تىڭايتقىش دايىن بولدى دەگەن ءسوز. ءار جىلى كوكتەمدە ونى گۇل وسىرەتىن تىڭايتقىش رەتىندە ىستەتسە، دايىن تىڭايتقىش بولادى دا تاعى ءبىر جاعىنان اقشا ۇنەمدەلەدى.

    جاقسى جاڭعاقتى قالاي تاڭداۋ كەرەك

    قاراۋ. جاڭعاق ساتىپ العان كەزدە ونىڭ قابىعىنداعى بەدەرىنە قاراۋ كەرەك. بەدەرى قانشالىق كوپ بولسا، سونشالىق جاقسى بولادى.

    سالماقتاپ كورۋ. ۇلكەن جاڭعاقتىڭ ءبارىنىڭ جاقسى بولۋى ەكىتالاي. دەسە دە قولعا الىپ سالماقتاپ كورگەندە اۋىرىراق بولىپ قابىعى جۇقا، ەتى كوپ بولسا جاقسى جاڭعاق بولىپ ەسەپتەلەدى.

    يىسكەپ كورۋ. جاڭعاقتى يىسكەپ كورگەندە بۇزىلعان جەمىستىڭ ءيىسى شىقسا وندا الماۋ كەرەك. حيميالىق ءدارى سۋدىڭ ءيىسى شىقسا اعارتىلعان جاڭعاق بولادى دا مۇنى، ءتىپتى، الماۋ كەرەك.

    ماقالانى اۋدارعان: گۇلزيا شايزادا قىزى

جاۋاپتى رەداكتور: جازيرا بولاتباي قىزى