تاڭەرتەڭ ىشكەن سۋىق قايناعان سۋ مەن جىلى قايناعان سۋدىڭ پارقىن ءبىلىپ الىڭىز

  • كەلۋ قاينارى: ىلە گازەتى
  • 03:57:41 18/07/2018

    تاڭەرتەڭ تۇرا سالىپ سۋىق قايناعان سۋ ءىشۋ نەمەسە جىلى قايناعان سۋ ءىشۋدىڭ تاڭدانارلىق پارقىن ءبىلۋدىڭ كىمگە بولسا دا زيانى جوق، قاتەلەسپەۋ ءۇشىن بىلۋگە اسىعىڭىز.

    ءار كۇنى ورنىڭىزدان تۇرا سالىپ، ءسوزسىز، ءبىر ستاكان قايناعان سۋ ءىشۋىڭىز كەرەك (بارلىق ادام وسىلاي ىستەۋى كەرەك)، بۇعان، استە، جەڭىل–جەلپى قاراۋعا بولمايدى. ويتكەنى تۇنگى ۇيقى كەزىندە اشقازان–ىشەكتە تۇرىپ قالعان كەرەكسىز زاتتاردى تازالاۋ قاجەت بولادى. ولاي بولسا سۋىق قايناعان سۋ ءىشۋ كەرەك پە؟ الدە جىلى قايناعان سۋ ءىشۋ كەرەك پە؟ بۇل ماسەلەگە عىلمي تۇرعىدان وي جۇگىرتۋىمىز كەرەك.

    تاڭەرتەڭ سۋ ءىشۋ مەن سۋ ىشپەۋدىڭ پايداسى مەن زيانى جونىندە

    تاڭەرتەڭ سۋ ىشپەۋ: تاڭەرتەڭ تۇرا سالىپ سۋ ىشپەگەندە ءتۇن بويى دەنەدەن سارىپ بولعان سۋ تولىقتانبايتىندىقتان، كۇنى بويى تەرى قۇرعاپ جۇرەدى، بۇل ۇزىن ۋاقىت جالعاساتىن بولسا وتكە تاس بايلانۋ، قاننىڭ جابىسقاقتىعى ارتۋ، قان قويۋلاسۋ، تامىرعا قان قاتۋ ءجايتى كورىلەدى.

    تاڭەرتەڭ سۋ ءىشۋ: تاڭەرتەڭ سۋ ءىشۋ كلەتكالاردىڭ سۋ قۇرامىن تولىقتاپ دەنەنىڭ زات الماستىرۋىن تەزدەتىپ، قاندى سۇيىلتىپ، ءىش قاتۋدان ساقتايدى. دەنەنىڭ سۋ قۇرامىن تولىقتاپ، تەرىنى جۇمسارتادى. ۇزاق ۋاقىت تاڭەرتەڭ سۋ ىشسە دەنساۋلىققا پايدالى ءارى قارسىلىق قۋاتتى ارتتىرىپ اۋرۋعا شالدىعۋ مولشەرىن تومەندەتەدى.

    تاڭەرتەڭ جىلى قايناعان سۋ ءىشۋ: جىلى قايناعان سۋ ءىشۋ ادام دەنەسىنىڭ ىشكى تەمپەراتۋراسىنا سايكەسەدى ءارى ادام دەنەسىندەگى سۋىقتى ايداپ، اسقازاندى قورعاپ، زات الماسۋدى تەزدەتەدى، اۋىز قۋىسىن تازالاپ، ءتىستى قورعايدى، اسقازان مەن ىشەكتىڭ ارەكەتىن تەزدەتەدى.

    تاڭەرتەڭ سۋىق قايناعان سۋ ءىشۋ: تاڭەرتەڭ سۋىق قايناعان سۋ ءىشۋ دەنەنىڭ قان اينالىسىن تەزدەتىپ، نەرۆتى تىتىركەندىرىپ سەرگىتۋ رولىن اتقارادى. سونىمەن بىرگە كلەتكالاردىڭ سۋ تولىقتاۋىنا سەپتىگىن تيگىزەدى جانە قاندى سۇيىلتادى.

    تاڭەرتەڭ تۇرا سالىپ سۋىق قايناعان سۋ ءىشۋ ىشكى ورگانيزمدەرگە كەرى ىقپال ەتەدى

    1.تاڭەرتەڭ سۋىق قايناعان سۋ ءىشۋ اسقازان مەن ىشەكتى زاقىمدايدى. ادەتتە سۋىق قايناعان سۋدىڭ تەمپەراتۋراسى مەن ءۇي ءىشىنىڭ تەمپەراتۋراسى ۇقساس بولادى، سۋىق قايناعان سۋ ادامنىڭ ۇلكەن دارەتىنىڭ جۇرۋىنە پايدالى، ويتكەنى سۋىق قايناعان سۋ اسقازان مەن ىشەكتى تىتىركەندىرەتىندىكتەن ۇلكەن دارەتتىڭ ءجۇرۋىن تەزدەتەدى. الايدا سۋىق قايناعان سۋ اسقازان كىلەگەي قابىعىنىڭ قۋىرىلۋىنا اپارىپ سوعاتىندىقتان، اس قورىتۋعا ىقپال ەتەدى، اۋەلدەسەڭ اسقازان اۋرۋىن قوزعاپ، ءىش اۋرۋىن، ءىش ءوتۋدى كەلتىرىپ شىعارادى.

جاۋاپتى رەداكتور: جازيرا بولاتباي قىزى