تابەت اشقىش تابيعي ءدارى _ بۇلدىرگەن

  • كەلۋ قاينارى: ىلە گازەتى
  • 05:18:08 24/07/2018

 

    بۇلدىرگەن دەسە اۋزىنىڭ سۋى قۇرىمايتىن ادام جوق. بۇلدىرگەن ءدامى قىشقىل بولىپ تابەت اشاتىندىقتان «تابەت اشقىش تابيعي ءدارى» دەپ اتالعان.

    جۇڭگوشا شيپاگەرلىكتە بىلاي دەپ قارالعان: بۇلدىرگەننىڭ ءدامى قىشقىل، جىلى رايلى بولىپ، ءشولدى باسىپ، اس قورىتاتىن ءونىمى بار. تاماق قورىتىلماۋ جونىنەن ەمدەۋ رولىن اتقارادى. قورەكتىك عىلىمى تۇرعىسىنان ايتقاندا بۇلدىرگەننىڭ قۇرامىندا زور مولشەردە جەمىس قىشقىلى بار بولىپ، اسقازان ءسولىنىڭ ءبولىنىپ شىعۋىن تەزدەتىپ، تاماققا تابەتتى ارتتىرىپ، اس قورىتۋعا كومەگىن تيگىزەدى. الايدا بۇلدىرگەن تابەت اشاتىندىقتان اسقازان اۋرۋى نەمەسە زاپىرانى بارلاردىڭ وتە كوپ جەۋىنە بولمايدى.

    بۇلدىرگەندى تاڭداعاندا تومەندەگى بىرنەشە تۇيىنگە كوڭىل ءبولۋ كەرەك.

    1.رەڭىنە قاراۋ. مۇندا ەتى قۇرعاق، قىپ – قىزىلىن تاڭداۋ كەرەك.

    2. ۇستاپ كورۋ. وتە جۇمساق نە وتە قاتتى بولماعان بۇلدىرگەن ەڭ جاقسى بۇلدىرگەن ەسەپتەلەدى. وتە قاتتى بولسا تولىق پىسپاعان بولادى دا، جەگەندە اشتى سەزىلەدى.

    3. يىسكەپ كورۋ. جاڭا بۇلدىرگەندى يىسكەگەندە قويۋ تاراعان جۇپار ءيىسى شىعىپ تۇرادى دا، ال ۇزاق ۋاقىت ساقتالعان نەمەسە ويداعىداي ساقتالماعان بولسا وندا اراق ءيىسى شىعىپ تۇرادى، بۇل بۇلدىرگەننىڭ اشىپ، ۋاقىتى ءوتىپ كەتكەنىن بىلدىرەدى.

   ماقالانى اۋدارعان

    گۇلزيا شايزادا قىزى

جاۋاپتى رەداكتور: گۇلدەن ماقسات قىزى