بالاعا ەمتيحاندا ءبىرىنشى بولۋ تالابىن قويۋ دۇرىس پا

  • كەلۋ قاينارى: ىلە گازەتى
  • 04:16:16 26/07/2018

    ءبىز ۇنەمى بالاعا ناتيجەسىنىڭ جاقسى بولۋ تالابىن قويامىز دا، بالانىڭ باسقالاي قابىلەت جاقتان تاربيەلەنۋىن، ەڭ ماڭىزدىسى قۋانىش سەزىمىن ەلەۋسىز قالدىرامىز. دۇنيەدەگى 500 ءىرى كاسىپورىندا 10 جىلدان ارتىق قىزمەتكەر قابىلداۋ قىزمەتىن ىستەگەن ۋاڭ مىرزا قىزمەت امالياتىن مىسالعا كەلتىرە وتىرىپ: كەدەي وتباسىنان شىققان دەپ ەلەمەۋگە بولمايدى، ويتكەنى مەن دە كەدەي وتباسىنان شىققانمىن، كەدەي وتباسىنان شىققان بالالاردىڭ بارلىعىنىڭ وقۋ ناتيجەسى وتە جاقسى بولادى، الايدا باسقا جاقتاعى قابىلەتتەرى كورنەكتى دارەجەدە ءالسىز كەلەدى. قازىر سەرىكتىكتەردىڭ قىزمەتكەر قابىلداۋىندا ادامنىڭ ۋنيۆەرسالدى ساپاسىنىڭ كۇشتى بولۋ تالابى قويىلادى، استە، ونىڭ ناتيجەسىنىڭ جاقسى بولۋىنا كوپ قاراپ كەتپەيدى،–دەيدى.

    پاراساتتى اتا–انالاردىڭ جوعارىداعى ويىن قالاي ورىنداۋعا بولادى

    سەن بالانى ۇيرەنۋگە قىساپ، ساباق تولىقتاۋ كلاسىنا كىرگىزگەندە، بالاڭدى ءوزى قىزىقپايتىن ءىستى ىستەۋگە زورلاعاندا، ياناتتاپ، زەكىگەن كەزىڭدە الدەقاشان پاراساتتى اتا–انا قاتارىنان كەتكەن بولاسىڭ...

    ولاي بولسا تالانتتى اتا–انالاردىڭ بالاعا دەگەن مامىلەسى قالاي؟

    ءبىرىنشى، ولار بالانىڭ ساباقتان سىرت كىتاپ وقۋىنا جول قويادى.

    قازىر كەيبىر اتا–انالار بالالارىنىڭ تاپسىرما ورىنداۋى مەن وقۋلىعىن عانا پايدالانۋىنا جول قويىپ، ساباقتان سىرت كىتاپ وقۋىنا جول قويمايدى. كوپتەگەن تابىستى اتا–انالاردا ءبىر ورتاق تانىم بار، ول _ بالالارىن وقۋلىقپەن شەكتەلمەستەن، ساباقتان سىرت كىتاپ وقۋعا ىنتالاندىرۋ. كوپ ادامعا تانىس جۇڭگوداعى تۇڭعىش باي ما يۇن، كىشكەنە كەزىنەن باستاپ «جين يۇڭ» سايىسكەرلىك رومانىن وقۋعا قىزىققان، مۇنى اتا–انالار ەرىگىپ وقيتىن كىتاپ دەپ ويلاۋى مۇمكىن، استە، ولاي ەمەس. سول دارەجەدە نەگىز قالاعان مايۇن قازىر تابىسقا جەتىپ وتىر.

    «جين يۇڭ سايىسكەرلىگىنىڭ رۋحى مەنىڭ جانە ءالي بابا كاسىپورنىنىڭ مادەنيەتىنە بولعان ىقپالى وتە تەرەڭ بولدى. مەن جاڭادان كاسىپ جاراتقان كەزىمدە ءالي بابانى قۇرعان 18 ادامنىڭ ىشىندەگى 17 ادام جين يۇڭ رومانىن وتە جاقسى كورىپ وقيتىن ەدى» دەيدى ما يۇن.

    ايگىلى ادەبيەتشى ماۋ دۇن باستاۋىش مەكتەپتە وقىپ جۇرگەن كەزىندە تاپسىرما ورىنداۋدىڭ مايتالمانى ەكەن، ونىڭ ايتۋىنشا ونداعى سەبەپ كىشكەنتاي كەزىندە اتا–اناسىنىڭ وعان كوپتەگەن جۋرنالدار مەن ساباقتان سىرت وقيتىن كىتاپتاردى مولىنان وقۋىنا جول قويعاندىعىنىڭ پايداسى ەكەن.

جاۋاپتى رەداكتور: گۇلدەن ماقسات قىزى