ەلۋ جاستان اسقاندار قالاي دەنە شىنىقتىرسا ۇيلەسىمدى بولادى

  • كەلۋ قاينارى: ىلە گازەتى
  • 09:35:49 31/07/2018

  

    الپىستان اسقان قارتتار دەنەنىڭ تەپە–تەڭدىگىن ساقتاۋ جانە اياق ءبولىمىنىڭ كۇشىن ارتتىرۋ ءۇشىن دەنە شىنىقتىرۋى كەرەك. وسى ەكى ءتۇرلى دەنە شىنىقتىرۋ ءادىسى دەنەنىڭ سەرپىمدىلىگىن ارتتىرىپ، تۇتقيىل جىعىلىپ ءتۇسىپ، مەرتىگۋدەن ساقتايدى. سەيىلدەۋ مەن يوگا (قول–اياق جانە باسقا دا دەنە مۇشەلەرىن ەركىن كەرىپ–سوزۋ ارەكەتى) سياقتى دەنە ارەكەتى قارتتاردىڭ دەنەسىنىڭ تەپە–تەڭدىگىن ساقتاۋ جانە اياق ءبولىمىنىڭ كۇشىن ارتتىرۋعا پايدالى.

    ەرلەر ەلۋدەن اسقان سوڭ قارتتىققا قادام قويادى. 50 جاس كارتەيگەن جاس بولماسا دا، ەلۋگە كەلگەن سوڭ ادامنىڭ تۇلعالىق ساپاسىنىڭ بىرتىندەپ تومەندەگەنى بايقالماي قويمايدى. قارتتىققا قادام قويعان ادام ادەتتە جۇمىس ىستەۋگە زاۋقى سوقپايدى، ەرىنشەكتىكپەن بوس وتكىزەتىن ۋاقىتى كوبەيەدى. وسىنداي كەزدە دەنە شىنىقتىرۋعا كوڭىل بولمەسە كوپتەگەن ناۋقاسقا شالدىعادى. سوندىقتان بويدا قۋات باردا ودان ۇتىمدى پايدالانا بىلگەن ءجون. ولاي بولسا قارتتار قالاي دەنە شىنىقتىرسا ۇيلەسىمدى بولادى.

    جاستىڭ ۇلعايۋىنا بايلانىستى ادامداردىڭ ارەكەت جاساۋ قۋاتى دا تومەندەيدى. بۇل جونىندە قارتتار عىلىمىن زەرتتەۋشىلەر بىلاي دەپ قارايدى: دەنە شىنىقتىرۋعا تاباندى بولۋ قارتتاردىڭ دەنساۋلىعى مەن جەكە تۇرمىسىندا ماڭىزدى ءمان الادى. وقىمىستىلار تاعى بىلاي دەيدى: دەنە شىنىقتىرۋدىڭ اۋرۋدى ءونىمدى ەمدەۋدەگى ءدارى ەكەنىن ءبىرقانشا جاقتان تۇسىندىرۋگە بولادى. ارينە، ادام دەنەسى تابيعي قارتايۋ بارىسىندا دەنە شىنىقتىرىپ، قارتتىققا قارسى سايىس جاريالايدى.

    الپىسقا كەلگەننەن كەيىن ادامداردىڭ بۇلشىق ەتتەرى مەن بۋىندارىنىڭ اۋرۋى بارعان سايىن كۇشەيەدى. وسى كەزدە جۇرەك سوعۋىن تەزدەتەتىن وتتەكتى ارەكەتتى قاجەت ەتەدى. سونىمەن بىرگە بۋىنداردىڭ ارەكەت قۋاتى وتە كۇشتى بولمايتىندىقتان سۋدا مالتاۋ مەن ۆەلوسيپەد ءمىنىپ دەنە شىنىقتىرۋ جاياۋ ءجۇرۋدىڭ ورنىن باسقانى ءجون. جۇگىرۋگە اۋەستەر ونى ءبىر–اق قويۋعا بولمايدى. وندا قاجەتتىلىككە قاراي وسى ەكى دەنە شىنىقتىرۋ ادىسىنەن پايدالانىپ، دەنەتاربيە شاقايىن كيىپ، تەگىس جولدا ءجۇرىپ، تىزە مەن ۇرشىقتىڭ قۋاتىن جوعارىلاتسا بولادى. ەگەر ۇنەمى دەنە شىقىتىرماعان بولسا وندا دەنە شىنىقتىرۋدان بۇرىن مەديتسينا ماماندارىنان كەڭەس الىپ، ءتۇرلى قاتەرلى فاكتورلاردان ساقتانۋ تانىمىن ورناتۋ كەرەك. جوتانىڭ نەمەسە جوننىڭ اۋرۋى دا ەلۋ جاستان اسقانداردىڭ مازاسىن الاتىنءارى ۇنەمى كەزدەسەتىن اۋرۋ، ۋيسليكى دوكتور ارقانىڭ نەمەسە جوننىڭ اۋرۋىن بولعىزباۋدىڭ ەڭ ءونىمدى ءادىسى بۇلشىق ەتتەردى قاتتى ارەكەتتەندىرۋ دەپ قارايدى.

جاۋاپتى رەداكتور: گۇلدەن ماقسات قىزى