بال كريستالى جونىندە قاتە تۇسىنىكتە بولماڭىز

  • كەلۋ قاينارى: ىلە گازەتى
  • 04:21:26 13/08/2018

  

    ارا ۇياسىنان العاش الىنعان بال كەيدە بۇكىلدەي جابىسقاق، ٴمولدىر نەمەسە جارتىلاي ٴمولدىر جەلىم ٴتارىزدى سۇيىقتىق بولادى. قالىپتى شارت – جاعدايدا ساقتاعاندا كەيبىر بال بىرتە – بىرتە ارالاسىپ، ونان كەيىن اقىرىن – اقىرىن قاتايىپ اق ٴتۇستى كريستالعا اينالادى. بۇل بالدىڭ تابيعي كريستالدانۋى. بال كريستالى ٴبىر ٴتۇرلى فيزيكالىق قۇبىلىس، قالىپتى جاعدايدا ساپاسىنا ەشقانداي اسەر ەتپەيدى. بالدىڭ مۇنداي كريستالدانۋ قۇبىلسىن ٴتۇسىنۋىمىز ٴۇشىن ٴبىز بالدىڭ كريستالدانۋ سەبەبىن جانە بارىسىن ٴتۇسىنۋىمىز كەرەك.

    بالدىڭ كريستالدانۋ سەبەبى وتە كوپ، كريستالدانۋدىڭ تەز جانە باياۋ بولۋى بالدىڭ قۇرامىنداعى گليۋكوزا كريستال ٴنارىنىڭ مولشەرىمەن، تەمپەراتۋرانىڭ جوعارى تومەندىگىمەن، سۋ مولشەرىنىڭ جوعارى – تومەندىگىمەن، بالدىڭ كريستالدانۋىنداعى حيميالىق ەلەمەنتتەردىڭ، بال قاينارلى گۇلدەردىڭ تۇرىمەن تىعىز بايلانىستا بولادى. ادەتتەگى شارت – جاعدايدا، بالدىڭ قۇرامىنداعى گليۋكوزانىڭ مولشەرى جوعارى بولسا، كريستال ٴنارىنىڭ دە مولشەرى كوپ بولادى. مۇنداي جاعدايدا بالدىڭ كريستالدانۋى تەز بولادى.

    بالدىڭ كريستالدانۋ جىلدامدىعى مەن تەمپەراتۋرانىڭ بايلانىسى

    بال 13 – 14 گرادۋس كەزىندە وڭاي كريستالدانادى. بۇداندا تومەن تەمپەراتۋرادا بال قۇرامىنداعى گليۋكوزانىڭ قانىعۋ دارەجەسى ارتادى دا سوعان سايكەس بالدىڭ قۇرامىنداعى فرۋكتوزانىڭ تومەن تەمپەراتۋرادا جابىسقاقتىعى مەن تىعىزدىعى ارتىپ، كريستال يادروسىن تارايتىپ، ونىڭ قوزعالىسى مەن كولەمدەنۋ رولىن بارىنشا كەڭەيتەدى. وسىدان بارىپ كريستالدانۋ باياۋلايدى. ال جوعارى تەمپەراتۋرادا بالدىڭ جابىسقاقتىعى تومەندەيدى، الايدا گليۋكوزانىڭ ەرىگىشتىك دارەجەسى ارتادى، وسىعان سايكەس ەرىتىندىنىڭ اسقىندىعى مەن دارەجەسى دە تومەندەپ، بال كريستالى اقىرىنداپ بارىپ سۇيىقتىققا اينالادى.

    بالدىڭ سۋ مولشەرى جانە كىريستالدانۋ تەزدىگى

    پىسپاعان بالدىڭ سۋ مولشەرى جوعارى، قانىعۋ دارەجەسى تومەن، كريستالدانۋى باياۋ بولاتىندىقتان بال بۇكىلدەي كريستالعا اينالا المايدى. ويتكەنى بالدىڭ جابىسقاقتىق دارەجەسى ازايىپ، كريستالداعى گليۋكوزا ٴنارى بال قۇيىلعان ىدىستىڭ تۇبىندە قالادى دا، قالعان سۇيىق كۇيدەگى ەرىتىندى جوعارعى جاعىنا كوتەرىلىپ، جارتىلاي سۇيىق جانە جارتىلاي قاتتى كۇيدەگى كريستالدانۋ قۇبىلىسى پايدا بولادى. ٴبىر تۇردەگى ۇقساق گۇلدەن الىنعان بالدىڭ سۋ قۇرامى تومەن بولسا كريستالدانۋى تەز، سۋ قۇرامى جوعارى بولسا كريستالدانۋى باياۋ بولادى نەمەسە كريستالدانبايدى.

    ۇقساماعان بال قاينارىنان الىنعان بالدىڭ كريستالدانۋ تەزدىگى، دارەجەسى جانە ٴپىشىنى

    ادەتتە گليۋكوزا مولشەرى جوعارى بال وڭاي كريستالدانادى، مىسالى، قىشى بالى، ٴار ٴتۇرلى گۇل بالى، جوكە اعاشى بالى سياقتىلار. قۇرامىندا جەمىس گليۋكوزاسى بار بال وڭاي كريستالدانبايدى نەمەسە مۇلدە كريستالدانبايدى. ماسەلەنگە، تازا اققاراعان بالى، شىلان اعاشى بالى سياقتىلار.

جاۋاپتى رەداكتور: گۇلدەن ماقسات قىزى