قىرىق جاستان اسقان ايەلدەر ءوز دەنساۋلىعىن قالاي قورعاۋ كەرەك

  • كەلۋ قاينارى: ىلە گازەتى
  • 04:55:39 15/08/2018

  

    ۇلتىمىزدا دەنساۋلىق - زور بايلىق دەگەن ءسوز بار. بۇل بارلىق ادامنىڭ دەنساۋلىعىنا قاراتىلعان. ايتكەنمەن ايەلدەر قىرىق جاسقا كەلگەننەن كەيىن ولاردىڭ دەنساۋلىعى بارلىق جاقتاردان انتەك سىز بەرە باستايدى. سوندىقتان، وسى كەزدە، ءسوزسىز، دەنساۋلىقتى قورعاۋعا كوڭىل ءبولۋ كەرەك. ولاي بولسا قىرىققا كەلگەن ايەلدەر ءوز دەنساۋلىعىن قالاي كۇتىمدەسە ەڭ جاقسى بولادى؟ الدىمەن سۇيەك بوساۋدان، ياعني كالتسي كەمدىكتەن، جۇرەك - قان تامىر اۋرۋىنان ساقتانۋ، ەتەككىردى تەڭشەپ، كوزدى قورعاۋدان باستاۋ كەرەك.

    ادەتتەگى جاعدايدا ايەلدەردىڭ 40 جاستان اسقان كەزى ەڭ كوڭىلدى، ەڭ باقىتتى شاعى سانالادى، ويتكەنى، وسى كەز ايەلدەردىڭ وتباسىنىڭ، كاسىپتىك ىستەرىنىڭ بارلىعى ورنىققان مەزگىل بولادى. ءبىراق جاستىڭ ۇلعايۋىنا بايلانىستى دەنساۋلىققا قاتىستى ماسەلەلەر بەلەڭ بەرەدى. بىلايشا ايتقاندا، ىشكى سەكراتسيانىڭ سايكەسپەۋى، سۇيەك جۇمساۋ، جۇرەك - قان تامىر اۋرۋى سياقتىلار بايقالادى. بۇل نازىك جاندى ايەلدەرگە قالايدا اۋىر كەلەدى، ولاي بولسا 40 جاستان اسقان ايەلدەر ءوز دەنساۋلىعىن قالاي قورعاۋى كەرەك؟ ەگەر بۇل ماسەلەنى بىلگىڭىز كەلسە تومەندەگى مازمۇندارعا نازار اۋدارىڭىز.

    ەتەككىردى تەڭشەۋ كەرەك

    ايەلدەر 40 جاسقا كەلگەننەن كەيىن انالىق گورمون بىرتىندەپ السىرەي باستايدى، بۇل فيزيولوگيالىق تەپە - تەڭدىكتىڭ قالىپسىزدىعىنا اپارىپ سوعادى. ماسەلەن، ەتەككىر ۋاعىندا كەلمەۋ، ۋاعىندا توقتاماۋ سياقتى بەلگى بايقالادى. جايشىلىقتا بۇل ەتەككىر توقتاۋ الدىنداعى قۇبىلىس بولعانىمەن، كوپ جاعدايدا ايەلدەردىڭ ەتەككىرىنىڭ كەلۋ ارالىعى الىستايدى، ادەتتە 20 دا 30 كۇن ارالىعىندا كەلسە، ال ەتەككىر توقتاۋ مەزگىلىندە 40 كۇندە، ءتىپتى ەكى دە ءۇش ايدا ءبىر رەت كەلەدى. كەيدە مۇنان دا ۇزاققا كەتەدى، ونىڭ ۇستىنە ەتەككىردىڭ مولشەرى دە كورنەكتى ازايادى. 40 جاسقا كەلگەن ايەلدەر ءوزىن قالاي كۇتىمدەۋ كەرەك دەگەن تۇيىنگە كەلسەك، ايەلدەر ءدال وسى ساتتە كوڭىل كۇيىن قالىپتى ۇستاۋ، كوڭىلدى ءجۇرۋ، قالىپتى ۇيىقتاۋ كەرەك، ويتپەگەندە ىشكى سەكراتسيانىڭ تەڭشەلۋىنە قيىندىق اكەلەدى، كۇندەلىكتى تۇرمىستا بۇرشاق تەكتەس ازىقتىقتاردى كوپ جەۋ، بۇرشاق شىرىنىن كوپ ءىشۋ، كەز كەلگەن ۋاقىتتا دارىگەردەن كەڭەس الىپ، انالىق گورموندى تولىقتىراتىن دارىلەردى ءىشۋ كەرەك.

    سۇيەك بوساۋدان ساقتانۋ

    ايەلدەر قىرىققا كەلگەن كەزدە سۇيەك بوساۋ اۋرۋىنا شالدىعۋ مولشەرى ءبىرشاما جوعارى بولادى، بۇل ادەتتە انالىق گورموننىڭ تومەندەۋىنە بايلانىستى بولادى. سۇيەكتىڭ ۇزدىكسىز پايدالانىلۋى سۇيەك كولەمى مەن سۇيەكتىڭ تىعىزدىعىن تومەندەتەدى دە، سۇيەك بوساۋعا اپارىپ سوعادى. ەگەر ايەلدەر 40 جاسقا كەلگەن كەزدە بەل اشۋ، يىق قاقساۋ ءجايتى بايقالسا، وندا سۇيەك بوساۋ اۋرۋىنا كىرىپتار بولعاندىعىن كورسەتەدى. 40 جاسقا كەلگەن ايەلدەردىڭ قالاي كۇتىنۋى جونىندە ماماندار بىلاي دەپ قارايدى: سۇيەك بوساۋدان ساقتانۋ ءۇشىن ايەلدەر كۇنىنە ءبىر ستاكان سيىر ءسۇتىن ءىشۋى، سونىمەن بىرگە كۇنىنە ون مينۋت مولشەرىندە كۇنگە قاقتالۋى، ۇيلەسىمدى دەنە شىنىقتىرۋى، اراق - تەمەكىدەن اۋلاق بولۋ كەرەك.

جاۋاپتى رەداكتور: گۇلدەن ماقسات قىزى