قىرىق جاستان اسقان ايەلدەر ءوز دەنساۋلىعىن قالاي قورعاۋ كەرەك

  • كەلۋ قاينارى: ىلە گازەتى
  • 04:55:39 15/08/2018

    جۇرەك - قان تامىر اۋرۋىنان ساقتانۋ

    تەكسەرۋ مالىمەتىنە قاراعاندا، 40 جاستاعى ايەلدەر قارايلاس جاستاعى ەرلەرگە قاراعاندا جۇرەك - قان تامىر اۋرۋىنا وڭاي كىرىپتار بولادى ەكەن. مۇنىڭ سەبەبى انالىق گورمون ايەلدەردىڭ تاڭداۋلى حولەستەرين مولشەرىن ارتتىرىپ قانا قالماستان، ولاردىڭ دەنەسىندەگى ناشار حولەستەريندى الاستاۋىنا كومەكتەسەدى. سول ارقىلى قان سۇيىقتىعىنداعى ماي تۇنباسىن تومەندەتىپ، ارتەريانىڭ ماي قوسىندىلارىنىڭ قاباتتالا قاتايۋىن (قالىڭداۋىن) بولعىزباي، قان تامىردى كۇشەيتىپ، قان اعىسىن جاقسارتادى. ءبىراق، ايەلدەر قىرىق جاسقا كەلگەننەن كەيىن وتپەلى داۋىرگە قادام باسادى دا، انالىق گورموننىڭ السىرەۋى جۇرەك - قان تامىر اۋرۋىن پايدا قىلادى. سوندىقتان ايەلدەر 40 جاسقا كەلگەن سوڭ تاماشا تۇرمىس داعدىسىن قالىپتاستىرۋى، اسىرەسە، دەنە سالماعىنىڭ ارتۋىن تەجەۋى، دەنە شىنىقتىرۋعا ءمان بەرۋى كەرەك. دەنە شىنىقتىرۋ ارتەريانىڭ ماي قوسىندىلارىنىڭ قاباتتالا قاتايۋىن (قالىڭداۋىن) باياۋلاتادى.

    قالىپتى ۇيقىعا كەپىلدىك ەتۋ كەرەك

    جاسى قىرىق مولشەرىندەگى ايەلدەر جونىنەن العاندا، ولاردىڭ ەكىنىڭ بىرىندە ۇيقىسى قاشادى، بۇل ولاردىڭ دەنەسىندەگى انالىق گورمون قىزمەت ورەسىنىڭ تومەندەۋىمەن تىكە قاتىستى بولىپ، انالىق گورمون ۇلكەن مي قىزمەتىن تەجەۋگە ىقپال ەتەدى. ايەلدەردىڭ انالىق گورمونى تومەندەگەن كەزدە ۇلكەن مي تەجەمگە ۇشىراپ السىرەيدى، وسىنداي جاعدايدا ولار ءبىرشاما كوڭىلدى جۇرۋگە ءمان بەرمەسە بىردەن ۇيقىسى قاشادى نەمەسە ۇيىقتاي الماي مازاسىزدانادى. سوندىقتان 40 جاستان اسقان ايەلدەر كۇندەلىكتى تۇرمىستا كوڭىل كۇيدى ورنىقتىراتىن تارى، قوناق، سوك سياقتى ازىقتىقتاردى كوبىرەك تۇتىنۋ كەرەك. قورىتىپ ايتقاندا، 40 جاسقا كەلگەن ايەلدەردى ەكىنىڭ بىرىندە وتپەلى جاستىڭ الەگى اۋرە - سارساڭعا سالادى، سوندىقتان وسى ءبىر مەزگىلدە ايەلدەر ءوزىن جاقسى كۇتىمدەۋى، تاماشا تۇرمىس داعدىسىن قالىپتاستىرۋى، قىزمەت پەن دەمالىستى ۇشتاستىرۋعا ءمان بەرۋى كەرەك.

    ادامدار ورتا جاسقا كەلگەن سوڭ دەنساۋلىقتى قورعاۋعا ءمان بەرە باستايدى، ويتكەنى وسى كەزگە جەتكەندە جاستىق شاق بىرتىندەپ الىستاپ، قارتتىقتىڭ قادامى جاقىندايدى، ايەلدەر وسى مەزگىلگە جەتكەن سوڭ باسقاعا كوپ باس قاتىرماي، كوپ ۋاقىتىن دەنساۋلىعىن قورعاۋعا جۇمساعان ءجون. ولاي بولسا ءدال وسى ساتىدا ايەلدەر ءوز دەنساۋلىعىن قالاي قورعاۋى، نەلەرگە كوڭىل بولۋى كەرەك؟

    1. دەنە شىنىقتىرۋدىڭ عىلمي جوباسىن جاساۋ كەرەك. مۇندا ءار ادام ءوزىنىڭ اۋەسىنە قاراي تەز ءجۇرۋ، باياۋ ءجۇرۋ، سۋدا مالتاۋ، تاۋعا شىعۋ، يوگا (قول - اياق جانە باسقا دا دەنە مۇشەلەرىن ەركىن كەرىپ - سوزۋ ارەكەتى)، ءبي بيلەۋ، دوپ تۇرلەرى سياقتى دەنە ارەكەتى ءتۇرىن ءتارتىپ بويىنشا بىرتىندەپ تاباندىلىقپەن ىستەپ، دەنە قۋاتىن ارتتىرۋ، سەمىزدىكتەن ساقتانۋ كەرەك.

جاۋاپتى رەداكتور: گۇلدەن ماقسات قىزى